Президенти Ҷумҳурии Қазоқистон Қосим-Жомарт Токаев ба пояи муҷассамаи Исмоили Сомонӣ гулчанбар гузошт
![](https://khovar.tj/wp-content/uploads/2021/05/Prezident-Respubliki-Kazahstan-Kasym-ZHomart-Tokaev-vozlozhil-venok-k-podnozhiyu-pamyatnika-Ismoilu-Somoni-1.jpg)
ДУШАНБЕ, 20.05.2021 /АМИТ «Ховар»/. Президенти Ҷумҳурии Қазоқистон Қосим-Жомарт Токаев дар доираи сафари расмии худ ба Ҷумҳурии Тоҷикистон имрӯз аз майдони Дӯстии шаҳри Душанбе дидан намуд.
Президенти Қазоқистон Қосим-Жомарт Токаев ҳамчун нишони эҳтиром ба арзишҳои волои миллӣ ва фарҳангӣ дар пояи муҷассамаи асосгузори нахустин давлати тоҷикон- шоҳ Исмоили Сомонӣ гулчанбар гузошт.
Дар маросими тантанавӣ Президенти Ҷумҳурии Қазоқистон Қосим-Жомарт Токаевро муовини якуми Сарвазири Ҷумҳурии Тоҷикистон Давлаталӣ Саидва дигар шахсони расмӣ ҳамроҳӣ намуданд.
Сафари расмии Президенти Ҷумҳурии Қазоқистон Қосим-Жомарт Токаев ба Ҷумҳурии Тоҷикистон идома дорад.