Путин дар бораи таҳияи созишнома оид ба ташкили системаи муштараки мудофиаи зиддиҳавоӣ бо Тоҷикистон амр содир кард
ДУШАНБЕ, 18.05.2021 /АМИТ «Ховар»/. Президенти Россия Владимир Путин дар бораи таҳия ва имзои созишнома бо Тоҷикистон оид ба ташкили системаи муштараки минтақавии мудофиаи зиддиҳавоии ду кишвар амр содир кард. Тавре АМИТ «Ховар» бо истинод ба ТАСС хабар медиҳад, ин санад рӯзи душанбе дар махзани расмии интернетии иттилооти ҳуқуқӣ нашр шуд.
«Пешниҳоди ҳукумати Федератсияи Россия дар бораи имзои созишнома байни Федератсияи Россия ва Ҷумҳурии Тоҷикистон оид ба ташкили системаи муштараки минтақавии мудофиаи зиддиҳавоӣ қабул гардид», — омадааст дар санад.
Гуфта мешавад, ки масъулияти музокирот ва имзои созишнома бо иштироки Вазорати корҳои хориҷии Россия ба зиммаи Вазорати мудофиаи ФР вогузор шудааст.
«Ба Вазорати мудофиаи Россия супориш дода шавад, ки бо ҷониби Тоҷикистон бо иштироки Вазорати корҳои хориҷии Россия гуфтушунидҳо анҷом диҳад ва баъди ба даст омадани созиш, созишномаи зикршударо аз номи Федератсияи Россия имзо карда, ислоҳотеро, ки аз ҷониби ҳукумати ФР тасдиқ шудаанд, ба лоиҳаи он ворид намояд», — гуфта мешавад дар амр.
27 апрел вазири мудофиаи Россия Сергей Шойгу зимни музокирот бо ҳамтои тоҷикаш Шералӣ Мирзо дар Душанбе гуфт, ки бо мақсади баланд бардоштани эътимоднокии ҳифзи сарҳади давлатӣ дар фазо лоиҳаи созишнома дар бораи таъсиси системаи муштараки минтақавии мудофиаи зиддиҳавоии ду кишвар омода карда шуд.
АКС аз РИА Новости/Сергей Илин
Тоҷикистон ва Узбекистон ҳамкории амниятиро барои муқовимат ба таҳдидҳо тақвият мебахшанд
Ҳайати Тоҷикистон дар Форуми Осиё ва Уқёнуси Ором дар Филиппин иштирок намуд
Дар Кӯлоб ҷаласаи Шурои ҳамоҳангсозии фаъолияти мақомоти ҳифзи ҳуқуқ баргузор гардид
ҲАР АМАЛИ НОДУРУСТ ҶАВОБГАРӢ ДАР ПАЙ ДОРАД! Дар Душанбе паҳнкунандагони доруи психотропии «Прегабалин» дастгир шуданд
Ҳайати Тоҷикистон дар Вена дар конфронси Созмони Милали Муттаҳид оид ба мубориза бо қаллобӣ иштирок дорад
Дар Вена ҳамкории Тоҷикистон ва Британияи Кабир дар соҳаи ҳифзи ҳуқуқ баррасӣ гардид
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
