Вакилони МН масъалаи тағйирот ба Қонун «Дар бораи ғалла ва маҳсулоти коркарди он»-ро баррасӣ карданд

Май 3, 2021 11:27

ДУШАНБЕ, 03.05.2021 /АМИТ «Ховар»/. Имрӯз таҳти раёсати Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода ҷаласаи навбатии Шӯрои Маҷлиси намояндагон баргузор гардид, ки дар он  Лоиҳаи Қонуни Ҷумҳурии Тоҷикистон «Оид ба ворид намудани тағйирот ба Қонуни Ҷумҳурии Тоҷикистон «Дар бораи ғалла ва маҳсулоти коркарди он»  мавриди баррасӣ қарор гирифт.

Тавре котиби матбуоти Маҷлиси намояндагон Муҳаммадато Султонов ба АМИТ “Ховар” иттилоъ дод, лоиҳаи қонуни  мазкур  бо тартиби ҳуқуқи ташаббуси қонунгузорӣ аз тарафи Ҳукумати Ҷумҳурии Тоҷикистон пешниҳод гардида, мақсад аз  таҳияи он мукаммалгардонии меъёрҳои Қонуни Ҷумҳурии Тоҷикистон «Дар бораи ғалла ва маҳсулоти коркарди он», мушаххас намудани ваколатҳои мақомоти дахлдор дар соҳаи ғалла ва маҳсулоти коркарди он мебошад.

Раиси кумитаи Маҷлиси намояндагон оид ба масъалаҳои аграрӣ, захираҳои об ва замин Рустам Латифзода зимни баррасии Лоиҳаи Қонуни Ҷумҳурии Тоҷикистон «Оид ба ворид намудани тағйирот ба Қонуни Ҷумҳурии Тоҷикистон «Дар бораи ғалла ва маҳсулоти коркарди он» иброз дошт, ки дар лоиҳаи қонун ба моддаҳои 1, 8, 16 ва 19-и Қонуни амалкунанда тағйирот пешбинӣ гардида, тибқи онҳо мутобиқ намудани меъёрҳои қонун, муайян ва мушаххас намудани ваколатҳои мақомоти ваколатдори давлатӣ дар соҳаи ғалла ва маҳсулоти коркарди он муқаррар карда шудааст.

Тағйироти воридгардида барои бартараф кардани гуногунфаҳмӣ дар асоси мушаххас кардани ваколатҳои мақоми ваколатдори давлатӣ дар соҳаи истеҳсол ва муомилоти ғалла, коркарди саноатии ғалла, бехатарии озуқавории ғалла, стандартикунонӣ ва нозироти ғалла, маҳсулоти коркарди он ва захираҳои давлатии ғалла пешбинӣ шудааст.

АКС аз Маҷлиси намояндагон

Май 3, 2021 11:27

Хабарҳои дигари ин бахш

Барои котибони ҳайати байнипарлумонии кишварҳои аъзои АП САҲА тренингҳои техникӣ-иттилоотӣ доир мешаванд
Дар Маҷлиси намояндагон муҳокимаи парлумонӣ доир шуд
Маҳмадтоир Зокирзода дар мулоқоти сарони парлумонҳо иштирок намуд
Вакилони Маҷлиси намояндагон ба пешниҳоди Президент оид ба таъйини М. Бобоҷонзода ба вазифаи муовини Ваколатдор оид ба ҳуқуқи инсон — Ваколатдор оид ба ҳуқуқи кӯдак ризоят доданд
Дар Маҷлиси намояндагон ҷаласаи нахустини Шӯрои ҷаҳонии таҳаммулпазирии сулҳ ба таври фосилавӣ доир гардид
Дар Маҷлиси намояндагон Лоиҳаи Қонун «Дар бораи захираҳои генетикии Ҷумҳурии Тоҷикистон» баррасӣ шуд
Дар Шӯрои Маҷлиси намояндагон масъалаи ворид намудани тағйиру иловаҳо ба қонунҳо «Дар бораи нотариати давлатӣ» ва «Дар бораи чарогоҳ» баррасӣ шуд
Вакилони Маҷлиси намояндагон ва Сафири Япония дар Тоҷикистон ҳамкории минбаъдаро баррасӣ намуданд
Дар ҷаласаи Маҷлиси намояндагон Қонун «Дар бораи роҳҳои автомобилгард ва фаъолияти роҳдорӣ» баррасӣ шуд
Ҷаласаи Шӯрои коршиносони иқтисодии Ассамблеяи байнипарлумонии кишварҳои узви ИДМ дар реҷаи фосилавӣ доир гардид
Маҳмадтоир Зокирзода: Ҳамкорӣ бо Афғонистон дар феҳристи авлавияти сиёсати хориҷии Тоҷикистон қарор дорад
КМИР: Интихоботи миёнадаврии вакилон ба Маҷлиси намояндагони Маҷлиси Олии Ҷумҳурии Тоҷикистон ҷамъбаст гардид

Маводҳои таҳлилӣ