ЗИЁДА АЗ МИЛЛИОН ОДАМ ДАР ТАМОМИ ҶАҲОН «ДИКТАНТИ ҒАЛАБА» НАВИШТАНД. Чорабинии байналмилалӣ дар Россия, Тоҷикистон ва боз дар 79 кишвари дигар баргузор шуд
ДУШАНБЕ, 06.05.2021 /АМИТ «Ховар»/. 29 апрел дар Тоҷикистон дар 6 нуқта- дар шаҳрҳои Душанбе, Турсунзода ва вилояти Суғд «Диктанти Ғалаба» навиштанд. Нуқтаи асосии баргузор намудани чорабинии байналмилалии ватандӯстӣ Хонаи русӣ дар Душанбе гардид. Хизматчиёни ҳарбии пойгоҳи низомии 201-уми Россия ба ин чорабинӣ пайвастанд.
Чорабинии байналмилалии таърихӣ дар мавзӯи воқеаҳои Ҷанги Бузурги Ватанӣ, чун анъана, бо дастгирии Россотрудничество баргузор гардид. Соли равон ин чорабинӣ дар 81 кишвари ҷаҳон баргузор карда шуд. Бо назардошти хусусияти миқёси ҷуғрофӣ, «Россотрудничество» зикр кард, ки «шакли байналмилалии вазифаҳои тестӣ таҳия шудааст, ки ба якчанд гурӯҳҳои шартии мавзӯӣ — «Америка», «Аврупо», «Осиё», «ИДМ» ҷудо карда шудаанд, инчунин шакли осони он барои хориҷиёне, ки забони русӣ меомӯзанд ва дузабонаҳо» омода шудааст.
«Тибқи анъана, диктант бо забони русӣ гузаронида мешавад, аммо имсол шаклҳои он бо забонҳои англисӣ ва чинӣ низ таҳия карда шуданд», — иброз доштанд дар агентӣ. — Вазифаҳо аз саволҳо дар бораи саҳми кишварҳои эътилофи зиддигитлерӣ, кумаки иттифоқчиён, ташкили кор дар ақибгоҳ, ҳаракати партизанӣ дар Ғалабаи умумӣ» иборат мебошанд.
Натиҷаҳои «Диктанти Ғалаба» то 24 июн ҷамъбаст карда мешаванд. Ғолибон ба Паради Ғалаба дар Майдони Сурхи Москва даъват карда мешаванд. Ва хатмкунандагони мактабҳое, ки ба ҳама 25 саволи тестӣ ба таври ҳузурӣ (дар шакли офлайн) дуруст ҷавоб медиҳанд, ҳангоми дохил шудан ба донишгоҳҳо холҳои иловагӣ мегиранд.
АКСҲО : rus-ksors.tj
Дар Ҷумҳурии Мардумии Чин дуюмин Ассамблеяи умумии Эътилофи мероси Осиё баргузор гардид
Филми «Моҳӣ дар шаст» дар синамоҷашнвораи «Парвонаи алмосӣ» ба сегонаи беҳтаринҳо роҳ ёфт
«ФУРӮҒИ СУБҲИ ДОНОӢ КИТОБ АСТ». Имрӯз довталабони озмун барои «Шоҳҷоиза» рақобат менамоянд
Дар намоишгоҳи байналмилалии Пекин нигораҳои нодири Тоҷикистонро беш аз 1 миллион нафар тамошо намуданд
Довталабони даври ниҳоии Озмуни ҷумҳуриявии «Фурӯғи субҳи доноӣ китоб аст» бо адибон вохӯрӣ намуданд
Туҳфаи Пешвои миллат- «Шоҳнома»-и Ҳаким Фирдавсӣ ба собиқадорони меҳнати ноҳияи Кӯшониён тақдим карда шуд
Туҳфаи Пешвои миллат-«Шоҳнома»-и безаволи Абулқосим Фирдавӣ ба шаҳри Левакант расид
Бахшида ба 570-солагии Камолиддини Беҳзод конференсияи байналмилалӣ баргузор шуд
Дар маҷаллаи фарҳангӣ–иттилоотии «ЭКО-нома» фарҳангу ҳунари Тоҷикистон муаррифӣ шудааст
Ба зиёда аз 28 ҳазор хонаводаи шаҳри Бохтар китоби «Шоҳнома» тақдим мегардад
Иштирокчиёни Озмуни ҷумҳуриявии «Фурӯғи субҳи доноӣ китоб аст»: «Озмун сабқате ба манфиати ҷомеа, давлат ва миллат аст»
4 лоиҳаи ҳифзи мероси фарҳангии Тоҷикистон аз ҷониби Иттиҳоди байналмилалии ҳифзи мерос дастгирӣ ёфт
