ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Шуғнон зеристгоҳи барқии нав ба истифода дода мешавад
ДУШАНБЕ, 08.06.2021 /АМИТ «Ховар»/. Дар доираи таъмини иҷрои нақшаи чорабиниҳои омодагӣ ба таҷлили ҷашни 30- солагии Истиқлоли давлатии Ҷумҳурии Тоҷикистон дар ноҳияи Шуғнон тадбирҳои созандагиву бунёдкорӣ бомаром ҷараён дорад.Аз ҷумла, аз ҷониби ширкати Помир Энерҷӣ дар деҳаи Танги ҷамоати деҳоти Сучони ноҳияи Шуғнони Вилояти Мухтори Кӯҳистони Бадахшон корҳои сохтмонии зеристгоҳи барқии назди НОБ-и «Помир -1» дар арафаи анҷомёбӣ қарор дорад.
Тавре аз мақомоти иҷроияи ҳокимияти давлатии ноҳияи Шуғнон ба АМИТ “Ховар” иттилоъ доданд, корҳои сохтмонӣ дар зеристгоҳи барқӣ моҳи октябри соли 2020 оғоз гардида, мутобиқи нақша моҳи августи соли ҷорӣ мавриди истифода қарор дода мешавад.
Бо мақсади шиносоӣ аз рафти корҳои сохтмону васлкунии дар зеристгоҳи барқии мазкур раиси ноҳияи Шуғнон Ҷумъа Ҷумъазода боздид ба амал оварда, иқдоми ширкатро беҳтарин иқдом дар самти амалигардонии дастуру тавсияҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон арзёбӣ намуд.
Раиси ноҳия ҷиҳати зудтар ба анҷом расонидани корҳои сохтмонӣ ва васлу насби трансформатори зеристгоҳи барқии нав ба масъулини шабакаҳои барқии ноҳия дастуру тавсияҳои иловагӣ дод.
Навсозии зеристгоҳҳои болозикр имкон фароҳам меоварад, ки шиддатнокӣ дар шабакаҳои барқии минтақа устувор, сарбории трансформаторҳо муътадил ва сатҳу сифати хизматрасонӣ дар ин зеристгоҳҳо ба талаботи муосир ҷавобгӯ гарданд.
Ногуфта намонад, ки давоми солҳои соҳибистиқлолӣ ҷиҳати татбиқи яке аз ҳадафҳои муҳими стратегӣ-таъмини истиқлолияти энергетикӣ иқдоми бузурги созандагӣ пеш гирифта шуд, ки дар доираи он бо ҷалби сармояи хориҷӣ ва татбиқи барномаҳои давлатӣ дар ноҳияи Шуғнон нерӯгоҳи барқӣ “Помир 1” навсозӣ гардида, зеристгоҳҳои барқӣ низ аз нав таҷдиду барқарорсозӣ шуданд, ки сифати таъминоти нерӯи барқ ба аҳолӣ боз беҳтару хубтар гардид.
АКСҲО аз МИҲД-и н. Шуғнон
Барои омӯзгорони деҳаи дурдасти ноҳияи Ховалинг хобгоҳ сохта шуд
Дар деҳаи Шаҳбури ноҳияи Данғара меҳмонхонаи замонавии «Шоҳроҳ» ба истифода дода шуд
35-СОЛАГИИ ИСТИҚЛОЛИ ДАВЛАТӢ. Дар ноҳияи Мастчоҳ сохтмони якчанд иншооти ҷашнӣ идома дорад
35-СОЛАГИИ ИСТИҚЛОЛИ ДАВЛАТӢ. Дар ноҳияи Зафаробод Маркази хизматрасонии «Зарафшон» ба истифода дода шуд
Сарвари давлат Эмомалӣ Раҳмон дар деҳаи Пушинги ноҳияи Данғара мавзеи нави саноатиро бо 3 коргоҳи истеҳсолӣ ифтитоҳ намуданд
Пешвои миллат Эмомалӣ Раҳмон дар деҳаи Пушинги ноҳияи Данғара 3 бинои дуошёнаи истиқоматӣ барои омӯзгоронро ба истифода доданд
Президенти Ҷумҳурии Тоҷикистон Эмомалӣ Раҳмон дар деҳаи Пушинги ноҳияи Данғара кӯдакистони №11 ва 8,5 километр роҳҳои дохилиро тариқи фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Данғара Муассисаи таҳсилоти миёнаи умумии рақами 88-ро мавриди истифода қарор доданд
Пешвои миллат Эмомалӣ Раҳмон дар ноҳияи Данғара бинои нави Қасри фарҳанги деҳаи Пушингро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар ноҳияи Данғара бинои нави Ҷамоати деҳоти Пушингро ифтитоҳ намуданд
Сарвари давлат Эмомалӣ Раҳмон дар деҳоти Пушинги ноҳияи Данғара бинои Муассисаи томактабии «Гулистон»-ро ба истифода доданд
Пешвои миллат Эмомалӣ Раҳмон дар ноҳияи Данғара чор гармхонаи хоҷагии деҳқонии Восеъро мавриди истифода қарор доданд
