Дар Бохтар ҷаласаи чоруми Шӯрои кории Тоҷикистону Ӯзбекистон баргузор гардид
ДУШАНБЕ /10.06.2021/АМИТ «Ховар»/. Дар доираи нахустин Форуми байниминтақавии соҳибкории Ҷумҳурии Тоҷикистон ва Ҷумҳурии Ӯзбекистон, дар шаҳри Бохтар ҷаласаи 4-уми Шӯрои соҳибкорони Тоҷикистону Ӯзбекистон баргузор гардид.
Палатаи савдо ва саноати Ҷумҳурии Тоҷикистон дар ҳамкорӣ бо Палатаи савдо ва саноати Ҷумҳурии Ӯзбекистон аз созмондиҳандагони ҷаласа буда, дар он беш аз 70 нафар намояндагони соҳибкорони хурду миёна, аъзоёни Шӯрои соҳибкорони ду кишвар иштирок намуданд, хабар медиҳад Палатаи савдо ва саноати Тоҷикистон.
Дар ҷаласа зикр шуд, ки Тоҷикистон ва Ӯзбекистон ҷонибдори рушди минбаъдаи робитаҳои тиҷоративу иқтисодӣ, тавсеаи таъминоти муштараки маҳсулоти саноатӣ, фароҳам овардани шароити мусоид барои ҳавасмандгардонии савдои тарафайн ва инчунин ба рушди ҳамкории сармоягузорӣ амалигардонии лоиҳаҳо ва барномаҳои мутақобилан судманд дар бахшҳои афзалиятноки иқтисодиёти ду кишвар, мебошанд.
Рушди минбаъдаи ҳамкории гуногунҷанбаи Тоҷикистону Ӯзбекистон, ки ба манфиати тарафайн ва тавсеаи минбаъдаи робитаҳои дуҷониба дар асоси принсипҳои ҳамсоягии нек асос ёфтааст, яке аз самтҳои афзалиятноки сиёсати хориҷии ду кишвар, муайян гардидаанд.
Тибқи рӯзномаи Шӯрои корӣ ҳисоботи Раисони қисмҳои миллии Шӯрои соҳибкорон аз Ҷумҳурии Ӯзбекистон ва Ҷумҳурии Тоҷикистон шунида шуданд. Инчунин дар ҷаласа масъалаҳои рушди ҳамкории тиҷоративу иқтисодӣ ва сармоягузорӣ байни доираҳои тиҷоратии Ӯзбекистон ва Тоҷикистон дар соҳаҳои нақлиёт, коммуникатсия, кишоварзӣ, рушди технологияҳои иттилоотӣ ва тиҷорати электронӣ матраҳ гардиданд. Аз натиҷаи ҷаласаи чоруми Шӯрои соҳибкорони Тоҷикистону Ӯзбекистон, Протокол ба имзо расид, ки дар он тадбирҳо оид ба тақвияти минбаъдаи иштироки соҳибкорони хурду миёна дар чорабиниҳои дар қаламрави тарафҳо дар соли 2022 пешбинӣ шудаанд, дар заминаи палатаҳои савдо ва саноати ду кишвар, инчунин Ёддошти тафоҳум байни Палатаҳои савдо ва саноати Ҷумҳурии Тоҷикистон ва Ҷумҳурии Ӯзбекистон оид ба идоракунии тиҷорати наздимарзии ҳамкориҳо дар рушди кирмакпарварӣ ва атлас дар доираи лоиҳаи RUTSIS ба имзо расонида шуд.
Аксҳо аз Палатаи савдо ва саноати Тоҷикистон
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
Байни Тоҷикистон ва Қирғизистон Протокол оид ба мубодилаи маълумоти пешакии гумрукӣ дар бораи интиқоли молу воситаҳои нақлиёт ба имзо расид
Ҷаласаи 80-уми Шурои роҳбарони хадамотҳои гумруки давлатҳои иштирокдори Иттиҳоди Давлатҳои Мустақил баргузор гардид
Тоҷикистон ҷонибдори тақвияти ҳамкорӣ дар соҳаи саноат дар Иттиҳоди Давлатҳои Мустақил мебошад
Байни минтақаҳои озоди иқтисодии «Суғд»-и Тоҷикистон ва «Воронеж»-и Русия созишномаи ҳамкорӣ ба имзо расид
Дар Душанбе ҷаласаи мутахассисони мақомоти омори давлатҳои аъзои Иттиҳоди Давлатҳои Мустақил доир гардид
Дар Душанбе татбиқи лоиҳаҳои муштараки иқтисодии Тоҷикистон бо Бонки Олмонии рушд баррасӣ шуд
Ҷаласаи Шурои ҷамъиятӣ-машваратӣ доир ба фаъолияти гумрукӣ баргузор гардид
Хабарнигорони АМИТ «Ховар» бо фаъолияти Минтақаи озоди иқтисодии «Панҷ» шинос шуданд
Раванди татбиқи лоиҳаҳои сармоягузорӣ бо дастгирии молиявии Бонки Олмонии рушд баррасӣ гардид
