Дар Душанбе омодагӣ ба машқҳои муштараки амалиётӣ-стратегии СААД баррасӣ гардид

Июнь 11, 2021 12:13

ДУШАНБЕ, 11.06.2021 /АМИТ «Ховар»/. Аз 8-ум то 10-уми июн дар шаҳри Душанбе бо иштироки намояндагон ва як гурӯҳ афсарони Ситоди муттаҳидаи кишварҳои узви Созмони Аҳдномаи амнияти дастаҷамъӣ (СААД) ҷаласаи ситодӣ доир гардид, ки дар он омодагӣ ва дар сатҳи зарурӣ баргузор намудани машқҳои муштараки амалиётӣ-стратегӣ мавриди таҳлилу баррасӣ қарор гирифт. Дар ин бора сардори маркази матбуоти Вазорати мудофиаи ҶТ полковник Фаридун Маҳмадализода ба АМИТ «Ховар» хабар дод.

Иштирокчиёни ҷаласа зимни муҳокимаи масъалаҳо дар доираи омодагӣ ба ташкилу баргузории машқҳои муштараки низомии кишварҳои узви СААД, ки он дар соли равон таҳти унвони «Эшелон-2021», «Ҷустуҷӯ-2021» ва «Ҳамоҳангӣ-2021» дар ҳудуди Ҷумҳурии Тоҷикистон ба нақша гирифта шудааст, таклифу пешниҳодоти мушаххас намуданд. Дар ин замина намояндагони кишварҳои аъзо оид ба марҳилаҳои баргузории машқҳои муштарак, ҳадафу моҳияти унсурҳои зиддитеррористӣ, сафарбарии қӯшунҳо, тарзи ташкили идоракунии ҷузъу томҳо ва оид ба дигар масъалаҳои вобаста ба таъминоти ҳамаҷонибаро, баҳри дар сатҳи зарурӣ ташкилу ба роҳ мондани размоишҳои низомӣ баррасӣ намуданд. Илова бар ин аз ҷониби ҳайати иштирокчиёни ҷаласа машқгоҳи низомии «Ҳарбмайдон», ки тибқи нақша макони баргузории марҳилаҳои машқҳо пешбинӣ шудааст, мавриди таҳқиқи ҳамаҷониба қарор гирифт.

Аз рӯйи нақша ва матлаби баргузории машқҳои муштарак дар назар аст, ки дар размоиши низомии «Эшелон-2021», аз ҷониби нерӯҳои мусаллаҳи кишварҳои узви СААД, масоили вобаста ба ташкили таъминоти воситаҳои моддӣ-техникии қӯшунҳо ҳангоми омодагӣ ва доир намудани амалиёти муштарак амалан санҷида шаванд.

Дар машқҳои махсуси «Ҷустуҷӯ-2021» бошад воситаҳои разведкавии кишварҳои узви СААД, баҳри мусоидат ба Қувваҳои муштараки вокуниши фаврии ин созмон дар самти гузаронидани амалиётҳои гуногуни разведкавӣ коркард ва ташкилу роҳандозӣ гардад.

Бо ҳамин тартиб дар доираи баргузории машқҳои ҳарбии «Ҳамоҳангӣ-2021» тарҳрезии масъалаҳо оид ба омодагӣ ва ташкилу ба роҳ мондани амалиёти муштарак дар самти пешгирӣ намудани муноқишаҳои мусаллаҳонаи назди сарҳадӣ дар минтақаҳои марзии Осиёи Марказӣ пешбинӣ шудааст.

Умуман тибқи нақша дар назар аст, ки дар ин машқҳои муштарак низомиёни Қувваҳои Мусаллаҳи кишварҳои узви СААД иҷрои як қатор вазифаву уҳдарориҳои муҳими ҷангиро, ки дар шароити кӯҳистон ва дашту саҳро пешбинӣ шудааст, амалан коркарду тарҳрезӣ намоянд.

                                                                                                                                      АКС: АМИТ «Ховар»

Июнь 11, 2021 12:13

Хабарҳои дигари ин бахш

Дар ноҳияи Бобоҷон Ғафуров ва шаҳри Хуҷанд афсарону сарбозон аёдат карда шуданд
Кумитаҳои давлатии амнияти миллии Тоҷикистон ва Қирғизистон протоколи қатъи муноқишаи марзиро ба имзо расониданд
ҲАМЛАИ ТАҶОВУЗКОРОНАИ ҚИРҒИЗИСТОН. Коршинос дар бораи мусоҳибаи дирӯзаи Садир Жапаров изҳори назар кард ва оҳанги гуфтори ӯро «сиёҳ» хонд
ҲАМЛАИ ТАҶОВУЗКОРОНАИ ҚИРҒИЗИСТОН. Прокуратураи генералии Тоҷикистон нисбат ба гурӯҳи низомиён ва шаҳрвандони қирғиз парвандаи ҷиноятӣ оғоз кард
ҲАМЛАИ ТАҶОВУЗКОРОНАИ ҚИРҒИЗИСТОН. Дар шаклу шеваи бархӯрди кишвари ҳамсоя ҳадафу мақсадҳои дигар ниҳонанд,- Рустам Латифзода
«ҶОН БА РАҲИ ВАТАН НИСОР, МАН НАКУНАМ, КӢ МЕКУНАД?». Дар Вазорати мудофиа ҷаласаи комиссияи даъвати ҷумҳуриявӣ доир шуд
ПРОТОКОЛ БА ИМЗО РАСИД. Мулоқоти навбатии гурӯҳҳои кории Тоҷикистон ва Қирғизистон баргузор гардид
ОҚИБАТИ ҲАМА ГУНА ҶАНГ СУЛҲ АСТ. Коршиноси масоили сиёсӣ Зубайдулло Давлатов ҳамлаи таҷовузкоронаи Қирғизистонро маҳкум сохт
ҲАМЛАИ ТАҶОВУЗКОРОНАИ ҚИРҒИЗИСТОН. Шаҳрвандони солимфикри қирғиз аз иқдомоти саркардагони ҳодисаҳои марзӣ розӣ нестанд
ҚАМЧИБЕК ТАШИЕВ КИСТ? Посухи дипломати тоҷик ба ин суол
ҲАМЛАИ ТАҶОВУЗКОРОНАИ ҚИРҒИЗИСТОН. Бо дастури Пешвои миллат барои табобати сокинон ва низомиёни дар муноқишаҳои марзӣ зарардида табибони варзида ҷалб гардиданд
ҲАМЛАИ ТАҶОВУЗКОРОНАИ ҚИРҒИЗИСТОН. Гурӯҳи корӣ дар Исфара теъдоди иншоот ва манзилҳои истиқоматии харобгаштаро муайян мекунад