Мулоқоти сарварони кишварҳои Осиёи Марказӣ метавонад дар шакли ҳузурӣ сурат бигирад
ДУШАНБЕ, 01.06.2021/АМИТ «Ховар»/. Ӯзбекистон интизор дорад, ки мулоқоти сеюми машваратии сарварони кишварҳои Осиёи Марказӣ, ки қаблан дар соли 2020 пешбинӣ шуда буд, дар шакли ҳузурӣ баргузор хоҳад шуд. Тавре АМИТ «Ховар» иттилоъ медиҳад, дар ин хусус дирӯз котиби матбуотии Президенти Ҷумҳурии Ӯзбекистон, муовини роҳбари дастгоҳи ӯ Шерзод Асадов зимни брифинги навбатӣ хабар дод.
Ба гуфтаи Шерзод Асадов, кор дар ин самт идома дорад. «Аммо муҳимтар аз ҳама ин аст, ки мо кӯшиш мекунем, ки ин мулоқот дар шакли ҳузурӣ баргузор шавад. Шакли онлайн баррасӣ намешавад», — зикр кард ӯ.
Сухангӯи сарвари Ӯзбекистон гуфт, ки шароити пандемия имкон намедиҳад, ки макон ва вақти мулоқоти навбатӣ номбар карда шавад.
«Мо якҷоя бо шарикони худ як сол боз ба мулоқоти навбатӣ омодагӣ мегирем. Як бастаи хеле калон ва муътабари аснод омода карда мешавад, ки имзо хоҳанд шуд», — афзуд Шерзод Асадов.
Мулоқоти сеюми машваратии сарварони давлатҳои Осиёи Марказӣ дар ибтидо моҳи августи соли 2020 дар Бишкек ба нақша гирифта шуда буд, сипас ҳамоиш то тирамоҳ мавқуф гузошта шуд, аммо бо сабаби пандемияи коронавируси COVID-19, он то соли равон мавқуф гузошта шуд. Баъдтар Вазири корҳои хориҷии Ӯзбекистон Абдулазиз Комилов зимни мусоҳиба бо расонаҳои маҳаллӣ гуфта буд, ки ин ҳамоиш метавонад соли 2021 дар Туркманистон баргузор шавад.
Ёдовар мешавем, ки мулоқоти нахустини машваратии сарварони давлатҳои Осиёи Марказӣ моҳи марти соли 2018 дар пойтахти Қазоқистон Нур-Султон ва дуввумини он — моҳи ноябри соли 2019 дар Тошканд баргузор шуда буданд ва дар он ҷо низомномаи баргузории онҳо тасвиб шуд — соле як маротиба.
АКС аз манбаъҳои боз
Тоҷикистон барои рушди устувор ва иқтисоди «сабз» бо Комиссияи иқтисодии СММ ҳамкорӣ менамояд
Тоҷикистон дар таҳкими ҳамкории сиёсӣ, иқтисодӣ ва башардӯстона дар доираи ИДМ саҳми назаррас дорад
Аҳмад ибни Муҳаммад Ас-Сайид: «Робитаҳои иқтисодии Тоҷикистону Қатар муҳим арзёбӣ мегарданд»
Қоҳир Расулзода бо Валиаҳди Салтанати Негери Сембилани Малайзия Шоҳзода Тунку Алӣ Ризауддин ибни Муҳри мулоқот намуд
Холид Ал-Фолеҳ: «Арабистони Саудӣ дар Тоҷикистон беш аз 14 лоиҳаро тавассути Фонди саудии рушд амалӣ намудааст»
Намояндаи Тоҷикистон дар Форум оид ба сиёсати бетарафӣ, зеҳни сунъӣ (AI) ва ояндаи рақамӣ иштирок намуд
Сафири Тоҷикистон дар Конгресси ҷаҳонӣ оид ба ҳифзи табиат дар Абу Забӣ иштирок намуд
Сироҷиддини Муҳриддин: «Музокироти сарони кишварҳои ИДМ дар фазои созандаю самарабахш ва корӣ баргузор шуд»
Сергей Лебедев аз нав Дабири кулли Иттиҳоди Давлатҳои Мустақил таъйин гардид
Имрӯз дар Тоҷикистон ҷаласаи Шурои сарони кишварҳои Иттиҳоди Давлатҳои Мустақил баргузор мегардад
Сарвазири Арманистон Никол Пашинян бо сафари корӣ ба Тоҷикистон ташриф овард
