СҲИР барқароршавии нобаробари иқтисоди ҷаҳониро пас аз пандемия пешбинӣ мекунад
ДУШАНБЕ, 01.06.2021 /АМИТ «Ховар»/. Созмони ҳамкории иқтисодӣ ва рушд (СҲИР) барқароршавии нобаробари иқтисоди ҷаҳониро бинобар хуруҷҳои идомаёбандаи пандемияи коронавирус қайд мекунад. Дар ин бора дар гузориши интишорёфта гуфта шудааст, хабар медиҳад АМИТ «Ховар» бо истинод ба ТАСС.
«Бо эҳсоси хушнудӣ мо зикр мекунем, ки дурнамоҳои иқтисодӣ беҳтар мешаванд — ишора кардаанд муаллифони санад. — Вале ин ба таври нобаробар сурат мегирад».
Дар Созмон таъкид карданд, ки дар пасманзари хуруҷҳои такроршавандаи пандемия, ки мисли пештара зуд-зуд рух намедиҳанд, барқароршавии рушди иқтисоди ҷаҳонӣ идома дорад. Тибқи ҷадвали дар гузориш овардашуда, рушди ММД дар ҷаҳон дар соли 2021 дар сатҳи 5,8%, дар соли 2022 — 4,4% пешбинӣ шудааст.
Тавре ки дар СҲИР таъкид карданд, сарфи назар аз он, ки дар аксари кишварҳои ҷаҳон рушди ММД то охири соли 2022 ба сатҳи пеш аз буҳрон бар хоҳад гашт, аммо ин кофӣ нахоҳад буд.
«Дар аксари кишварҳои СҲИР сатҳи зиндагӣ то охири соли 2022 то ба сатҳи пеш аз пандемия пешбинишуда бар нахоҳад гашт», — ҳушдор медиҳад Созмон.
Ба гуфтаи муаллифони ин санад, ҳукуматҳои кишварҳои пешрафта ва баъзе кишварҳои иқтисоди рӯ ба тараққӣ тавонистаанд, ки коршоямии ширкатҳо ва ҷойҳои кориро ҳифз намоянд.
«Дар натиҷа, соҳаи истеҳсолӣ босуръат рушд меёбад, тиҷорат ба қадри боз шудани марзҳо барқарор мешавад ва барқароршавии фаъолияти меҳнатӣ боиси афзоиши шадиди истеъмол мешавад, — идома доданд дар СҲИР. — «Ин бисёр рӯҳбаланд мекунад».
Аммо, тавре муаллифони гузориш зикр кардаанд, мушкилот боқӣ хоҳад монд. Аз ҷумла, ба ақидаи онҳо, ин ба он вобаста аст, ки ба кишварҳои камдаромад ваксинаи зидди коронавирус хеле кам ворид карда мешавад. Хуруҷҳои эҳтимолии нави пандемия ба рушди иқтисодии чунин давлатҳо таъсири сахт хоҳад гузошт. «Ин боиси афзоиши минбаъдаи фақри шадид хоҳад шуд», — илова кардаанд муаллифон.
Онҳо иброз доштаанд: то замоне, ки аксарияти кулли аҳолии ҷаҳон бо ваксинаҳо эм карда нашавад, тамоми ҷаҳон осебпазир боқӣ хоҳад мемонад.
«Аъзоёни осебпазири ҷомеа метавонанд бинобар бекории тӯлонӣ ва ё коҳиши даромадҳо ба азоби бештар гирифтор шаванд, ки ин нобаробариро дар байни кишварҳо ва дар дохили кишварҳо зиёдтар ва суботи иқтисодиро барҳам мезанад» — ҳушдор медиҳад СҲИР.
Акс аз бойгонӣ
Ҳайати Тоҷикистон дар мулоқот бо намояндагони Хазинаи Байналмилалии Асъор масъалаҳои марбут ба низоми бонкиро баррасӣ намуд
Саҳми Бонки ҷаҳонӣ дар татбиқи ислоҳоти сохтории иқтисодиёти Тоҷикистон назаррас арзёбӣ гардид
Намоишгоҳи молу маҳсулоти корхонаҳои саноатии Узбекистон дар маркази ЭКСПО-и шаҳри Душанбе то 21 апрел идома меёбад
Дар қаламрави Тоҷикистону Узбекистон қариб 400 корхонаи муштарак фаъолият менамояд
Дар вилояти Хатлон татбиқи 368 лоиҳа ба маблағи 8,5 миллиард сомонӣ пешбинӣ шудааст
Вазири кишоварзии Узбекистон дар шаҳри Ҳисор бо фаъолияти корхонаи «Агротехсервис» шинос гардид
«Гардиши мол байни ду давлат дар ояндаи наздик ба 1 миллиард доллари амрикоӣ расонида мешавад», — бардошт аз Форуми соҳибкорию сармоягузории Тоҷикистон ва Узбекистон
Ҳайати Тоҷикистон бо роҳбарияти IFC роҳҳои тавсеаи ҳамкориро баррасӣ намуд
Дар Душанбе ҷаласаи Кумитаи муштараки роҳбарикунанда оид ба муаррифии ҳисоботи СММ баргузор шуд
Татбиқи лоиҳаҳои муштарак байни Тоҷикистон ва Узбекистон баррасӣ шуд
Ҳайати Тоҷикистон дар Бонн бо намояндагони Вазорати федералии Олмон оид ба ҳамкории иқтисодӣ ва рушд мулоқот намуд
Ҳамкории Тоҷикистон бо ниҳоди Созмони Милали Муттаҳид оид ба савдо ва рушд (UNCTAD) тақвият меёбад
