Сироҷиддин Муҳриддин бо вазирони корҳои хориҷии Туркия, Эрон, Афғонистон, Ёвари Дабири кулли СММ ва Мудири иҷроияи МҲТБО мулоқот намуд
ДУШАНБЕ, 21.06.2021 /АМИТ «Ховар»/. 19 июн дар ҳошияи Форуми дипломатии Анталия вохӯрии Вазири корҳои хориҷии Ҷумҳурии Тоҷикистон Сироҷиддин Муҳриддин бо Вазири корҳои хориҷии Ҷумҳурии Туркия Мавлуд Човушоғлу баргузор гардид.
Тавре АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад, дар заминаи тавофуқҳои қаблан ҳосилшуда вазирони корҳои хориҷӣ ҳолат ва дурнамои густариши муносибатҳои дуҷонибаи Тоҷикистон ва Туркияро баррасӣ намуданд.
Дар ҷараёни мулоқот ҳавасмандии ҷонибҳо ба таҳкими равобити дуҷонибаи сиёсӣ, тиҷоратӣ, иқтисодӣ ва фарҳангӣ, инчунин рушди ҳамкорӣ дар соҳаҳои сайёҳӣ ва маориф таъкид шуд.
Ҳамчунин худи ҳамон рӯз дар ҳошияи Форуми дипломатии Анталия мулоқоти Вазири корҳои хориҷии Ҷумҳурии Тоҷикистон Сироҷиддин Муҳриддин бо Вазири умури хориҷаи Ҷумҳурии Исломии Эрон Муҳаммад Ҷавод Зариф доир гашт.
Дар вохӯрӣ масъалаҳои густариши равобити дуҷонибаи сиёсӣ, тиҷоратию иқтисодӣ ва фарҳангӣ баррасӣ гардиданд.
Инчунин зарурати татбиқи тавофуқоти ҷаласаи 14-уми Комиссияи муштараки Тоҷикистону Эрон, ки 7-8 июни 2021 дар Душанбе баргузор гардида буд, таъкид шуд.
19 июн дар ҳошияи Форуми дипломатии Анталия Вазири корҳои хориҷии Ҷумҳурии Тоҷикистон Сироҷиддин Муҳриддин ҳамчунин бо Вазири умури хориҷаи Ҷумҳурии Исломии Афғонистон Муҳаммад Ҳаниф Атмар мулоқот намуд.
Дар суҳбат роҷеъ ба ҳолати кунунӣ ва дурнамои ҳамкорӣ байни ду кишвар, вазъи Афғонистон, ҳамкории минтақавӣ дар раванди истиқрори сулҳ ва субот дар он кишвар, амалисозии лоиҳаҳои минтақавӣ, бахусус дар бахшҳои энергетика, зерсохтор ва нақлиёт бо дастгирии созмонҳои байналмилалию минтақавӣ ва ниҳодҳои молиявии байналмилалӣ ва мавзӯъҳои дигар табодули назар сурат гирифт.
Вазири корҳои хориҷии Ҷумҳурии Тоҷикистон Сироҷиддин Муҳриддин дар ҳошияи сафари корӣ ба Ҷумҳурии Туркия ҷиҳати иштирок дар Форуми дипломатии Анталия инчунин бо Ёвари Дабири кулли СММ дар умури сиёсӣ Мирослав Енча мулоқот кард.
Дар мулоқот доираи васеи масъалаҳои мавриди эҳтимоми муштарак, аз ҷумла ҳамкорӣ бо СММ, татбиқи барномаҳои СММ дар Ҷумҳурии Тоҷикистон, ҳамкорӣ дар соҳаи об, тағйири иқлим, амнияти минтақавӣ, мубориза бо терроризм, гардиши ғайриқонунии маводди мухаддир ва ғайра баррасӣ шуд.
19 июн дар ҳошияи Форуми дипломатии Анталия Вазири корҳои хориҷии Ҷумҳурии Тоҷикистон Сироҷиддин Муҳриддин бо Мудири иҷроияи Машварати ҳамкорӣ ва тадбирҳои боварӣ дар Осиё (МҲТБО) Кайрат Сарибай мулоқот намуд.
Дар вохӯрӣ масъалаҳои ҳамкории Тоҷикистон ва МҲТБО дар соҳаҳои гуногун мавриди баррасӣ қарор гирифтанд.
АКСҲО аз ВКХ ҶТ
Дар шаҳри Хуҷанд муовинони сарвазирони Тоҷикистон ва Қирғизистон мулоқот намуданд
Дар Женева ташаббусҳои глобалии Тоҷикистон баррасӣ шуд
Дар Вазорати корҳои хориҷӣ Рӯзи Истиқлолияти Ҷумҳурии Тоҷикистонро таҷлил намуданд
Дар шаҳри Минск бахшида ба 33-солагии Истиқлоли давлатии Тоҷикистон ҳамоиши тантанавӣ доир шуд
Ҷалби шаҳрвандони Тоҷикистон барои омӯзиши касбҳои гуногун дар Олмон баррасӣ шуд
Сафири Амрико дар Тоҷикистон Мануэл Микаллер: «Давоми панҷ соли охир Тоҷикистон дар роҳи рушди иҷтимоиву иқтисодӣ устуворӣ ва азми пойдор нишон дод»
Мулоқоти сеҷониба байни вазирони корҳои хориҷии Тоҷикистону Кувайт ва муовини дабири кулли СММ баргузор гардид
Намояндаи Тоҷикистон дар чорабинии канорӣ дар масъалаи ҳалли мушкилоти ҷаҳонии маводи мухаддир иштирок намуд
Тавсеаи ҳамкории Тоҷикистон бо Дафтари миллии Комиссари олии Созмони Милали Муттаҳид оид ба паноҳандагон баррасӣ гардид
Дар майдони Таймс Сквери Ню-Йорк бахшида ба Истиқлолияти давлатии Ҷумҳурии Тоҷикистон навори ҷашнӣ пахш мегардад
Дар Женева ҳамкории Тоҷикистон бо Федератсияи байналмилалии ассотсиатсияҳо оид ба ҳамлу нақл баррасӣ шуд
Намояндаи Тоҷикистон муовини мудири кулли Созмони исломии амнияти озуқаворӣ интихоб гардид
