Sputnik: Истироҳатгоҳҳои тобистонаи Россия мактаббачагони Тоҷикистонро интизоранд
ДУШАНБЕ, 03.06.2021 /АМИТ «Ховар»/. Вазири маорифи Россия Сергей Кравтсов иттилоъ додааст, ки имсол дар истироҳатгоҳҳои Россия бастҳои байналмилалӣ ташкил карда мешаванд. Дар ин бора АМИТ «Ховар» бо истинод ба хабаргузории россиягии «Sputnik» хабар медиҳад.
Дар доираи ин иқдом, кӯдакон аз Тоҷикистон, Қирғизистон ва Ӯзбекистон барои истироҳат ба Россия мераванд.
«Дар ҳар як маркази кӯдакон мо таҷрибаи бастҳои байналмилалиро, аз ҷумла барои кӯдакон аз Тоҷикистон, Қирғизистон ва Ӯзбекистон идома хоҳем дод», — гуфт ӯ ҳангоми ҷаласаи президенти ФР Владимир Путин бо аъзои ҳукумат.
Ба гуфтаи вай, барои кӯдакони хориҷӣ модули алоҳидаи таълимӣ барои омӯзиши забони русӣ пешбинӣ шудааст.
Кравтсов афзуд, ки дар якҷоягӣ бо вазирони кишварҳои мазкур гурӯҳҳои корӣ барои таблиғи забони русӣ дар ин давлатҳо ташкил шудаанд, ки таваҷҷуҳи баланди ҳамтоён мушоҳида мешавад.
Як рӯз пеш, президенти Россия Владимир Путин ба Вазорати маорифи Россия дастур дод, ки барои дастгирии омӯзиши забони русӣ дар хориҷа пешниҳодҳо таҳия кунад.
Муҳлати коркарди санад то 15 июли соли равон муайян карда шудааст.
Сергей Кравтсов инчунин иттилоъ дод, ки соли 2024 дар Маркази байналмилалии кӯдакон «Артек» истироҳатгоҳи нави кӯдаконаи «Солнечний» ифтитоҳ хоҳад шуд ва он имкон медиҳад, ки дар як сол «Артек» то 55 ҳазор кӯдакро қабул кунад.
«Бо шарофати барномаи рушди «Артек», 9 истироҳатгоҳ таъмир карда шуданд ва ҳоло фаъол мебошанд. Дар соли 2024 мо ба истифода додани истироҳатгоҳи даҳуми комилан нави «Солнечний» -ро ба нақша гирифтаем. Бо ифтитоҳи он аз рӯи шумораи кӯдакон дар «Артек», мо ба 55 ҳазор (кӯдак) дар як сол хоҳем расид. Дар замони шӯравӣ, дар соли 1985- ҷашни 60-солагии «Артек» дар он ҳамагӣ 35 ҳазор кӯдак буд. Яъне шумораи кӯдакон 20 ҳазор нафар зиёд хоҳад шуд», — гуфт ӯ.
«Артек» — дар гузашта маъруфтарин истироҳатгоҳи пешоҳангони ИҶШС соли 1925 ташкил шудааст. Пас аз пайваст шудани Қрим бо Россия дар соли 2014 маркази кӯдакон, ки ҳоло аз 9 истироҳатгоҳ иборат аст, ба моликияти федералӣ табдил ёфт. Moҳи марти соли 2015 ҳукумати Россия барномаи рушди марказро то соли 2020 тасдиқ кард: дар он тамири асосии иншоот, бозсозӣ ва бунёди истироҳатгоҳҳо ва иншооти инфрасохторӣ пешбинӣ шудаанд.
АКСИ: © Sputnik / Макс Ветро
16 СЕНТЯБР — РӮЗИ БАЙНАЛМИЛАЛИИ КАРДИОЛОГИЯИ ИНТЕРВЕНСИОНӢ. Табобати бемориҳои дилу раг бо истифодаи ҷарроҳиҳои муосир ва бе буриши калон ба куллӣ тағйир ёфтааст
Тоҷикистон ва Британияи Кабир масъалаи таҳия ва имзои санади нави ҳамкориро дар самти пешгирии ҳолатҳои фавқулода баррасӣ карданд
Дар Душанбе роҳҳои нави ҳамкорӣ бо ҷамъиятҳои тоҷикон ва ҳамватанони бурунмарзӣ баррасӣ гардиданд
Тоҷикистон ва Чин робитаҳои илмӣ-таҳлилӣ ва ҳамкории минтақавиро густариш медиҳанд
«ХУШДОМАНИ БЕҲТАРИН». Ин озмуни ҷумҳуриявӣ бо мақсади таҳкими фарҳанги оиладорӣ баргузор мешавад
Дар фасли тирамоҳ бемориҳои сироятии мавсимӣ зиёд мешаванд
«БЕҲТАРИН ҲАМСАР». Даври якуми озмуни ҷумҳуриявӣ дар ҷамоатҳо, деҳот ва маҳаллаҳо оғоз шуд
Дар пиряхи Тоҷикистон экспедитсияи байналмилалӣ оид ба навсозии стансияи баландкӯҳи Горбунов гузаронида шуд
МАҚОМИ ЗАН ДАР ДАВРОНИ ИСТИҚЛОЛ. Давоми сеюним даҳсола мавқеъ ва мақоми зан дар ҷомеа ба куллӣ тағйир ёфт
Дар назди Коллеҷи муҳандисӣ-техникии ноҳияи Нуробод бинои нави таълимӣ ва хобгоҳ сохта мешавад
Дар Суғд масъалаи риояи талаботи санитарию эпидемиологӣ дар муассисаҳои хизматрасонӣ баррасӣ гардид
35-СОЛАГИИ ИСТИҚЛОЛИ ДАВЛАТӢ. Дар ноҳияи Тоҷикобод хати нави оби нӯшокӣ ва иншооти иҷтимоӣ мавриди истифода қарор гирифтанд
