Ваколатдор оид ба ҳуқуқи инсон Умед Бобозода дар ҷаласаи навбатии Алянси Авруосиёии Омбудсменҳо иштирок кард
ДУШАНБЕ, 25.06.2021. /АМИТ «Ховар»/. 24 июн ҷаласаи V Алянси Авруосиёии Омбудсменҳо (ЕАО) дар шаҳри Москваи Федератсияи Россия баргузор гардид, ки дар он Ваколатдор оид ба ҳуқуқи инсон дар Ҷумҳурии Тоҷикистон Умед Бобозода ширкат намуд. Дар ин бора ба мухбири АМИТ «Ховар» аз Хадамоти матбуоти Ваколатдор оид ба ҳуқуқи инсон дар Ҷумҳурии Тоҷикистон хабар доданд.
Дар ҷаласаи мазкур Умед Бобозода дар мавзӯи “Масоили ҳимояи ҳуқуқии маъюбон дар Ҷумҳурии Тоҷикистон” маърӯза намуда, аз ҷумла, дар бораи дастовардҳои Ҷумҳурии Тоҷикистонро дар ин ҷода, хусусан аз ҷониби Асосгузори сулҳу ваҳдати миллӣ-Пешвои миллат Президенти Ҷумҳурии Тоҷикистон муҳтарам Эмомалӣ Раҳмон имзо намудани Конвенсия байналмилалӣ дар бораи ҳифзи ҳуқуқи маъюбон, қабули санадҳои муҳими стратегӣ дар самти зикршуда, нақши мақомоти Ваколатдор оид ба ҳуқуқи инсон дар Ҷумҳурии Тоҷикистон дар ҳимояи ҳуқуқи маъюбон, хусусан дар давраи пандемияи COVID-19 ба иштирокдорон маълумоти муфассал дод.
Дар ҷаласаи мазкур масоили “Мубодилаи беҳтарини таҷрибаҳо оид ба масоили мубрами ҳимояи ҳуқуқҳои маъюбон дар фазои Авруосиёӣ” мавриди баррасии иштирокчиён қарор гирифт.
Дар ҷаласа Омбудсменҳои давлатҳои аъзои Алянс: Федератсияи Россия, Сербия, Ҷумҳурии Исломии Эрон, ҷумҳуриҳои Арманистон, Қазоқистон, Қирғизистон, Муғулистон ва Тоҷикистон, инчунин аз кишварҳои мухталифи фазои Осиё ва Аврупо, намояндагони созмонҳои байналмилалӣ ва ҷомеаи шаҳрвандӣ ба тариқи ҳузурӣ ва маҷозӣ ширкат варзиданд.
Баъдан байни аъзоёни Алянс муҳокимаи мавзуъ ва мубодилаи таҷрибаҳо сурат гирифа, дар фарҷоми ҷаласа қарор қабул карда шуд.
Аз ҷониби ширкаткунандагон иброз гардид, ки ҷаласаи навбатии Алянс моҳи октябри соли равон дар шаҳри Москва барпо мегардад.
Хотиррасон менамоем, ки Ваколатдор оид ба ҳуқуқи инсон дар Ҷумҳурии Тоҷикистон ҳанӯз соли 2019 тибқи дастури Асосгузори сулҳу ваҳдати миллӣ-Пешвои миллат Президенти Ҷумҳурии Тоҷикистон муҳтарам Эмомалӣ Раҳмон узви комилҳуқуқи Алянси Авруосиёии Омбудсменҳо гардид ва пайваста дар ҷаласаҳои он ширкат меварзад.
Имрӯз дар Тоҷикистон ҳавои тағйирёбандаи бебориш пешгӯӣ мешавад
«Ибни Сино ва Абубакри Розӣ — нобиғаҳои тамаддуни башарӣ». Дар Душанбе таҳти ин унвон ҳамоиш доир гардид
Дар Душанбе Ҷаласаи Комиссияи байнидавлатӣ оид ба рушди устувори кишварҳои Осиёи Марказӣ баргузор гардид
Имрӯз дар шаҳри Душанбе ҳаво то 15 дараҷа гарм мешавад
Дар Донишгоҳи давлатии Кӯлоб бахшида ба Рӯзи Конститутсияи Тоҷикистон конференсияи илмӣ-назариявӣ баргузор шуд
Дар Суди конститутсионии Тоҷикистон бахшида ба Рӯзи Конститутсия маҷлиси тантанавӣ доир гардид
Дар Агентии ҳифзи меъроси таърихию фарҳангӣ 31-солагии Конститутсияи Тоҷикистонро таҷлил намуданд
Дар шаҳри Душанбе чорабинии фарҳангӣ ба ифтихори Рӯзи Конститутсияи Ҷумҳурии Тоҷикистон баргузор гардид
КОНСТИТУТСИЯ — ИНЪИКОСКУНАНДАИ СУННАТҲОИ ПУРҒАНОВАТИ ХАЛҚИ ТОҶИК. Андешаҳои ҳуқуқшинос Исмоил Абдуалимзода оид ба ҷанбаҳои таърихии ин санад
Имрӯз дар баъзе ноҳияҳои Тоҷикистон туман мефарояд
Бахшида ба Рӯзи Конститутсия дар ноҳияи Данғара ҳамоиши идона доир шуд
Дар Донишгоҳи байналмилалии сайёҳӣ ва соҳибкорӣ дар ҳошияи иштироки Президенти Тоҷикистон дар Саммити СММ ҳамоиши илмӣ баргузор шуд
