Ба репсаро бо тахаллуси «Navik-MC» барои кирдори зиддиҷамъиятӣ 10 шабонарӯз ҳабси маъмурӣ ҷазо таъйин гардид

Июль 9, 2021 16:34

ДУШАНБЕ, 09.07.2021 /АМИТ «Ховар»/. Дар шабакаҳои иҷтимоии интернетӣ наворе нашр гардид, ки дар он як ҳолати бетартибӣ ва кирдори дағалонаи зиддиҷамъиятӣ, қасди аз ҷояш баркандани таҷҳизоти худкори бонкӣ аз ҷониби як нафар ҷавони 20-25 сола дида мешуд. Зимнан корбарону истифодабарандагони шабакаҳои иҷтимоӣ бо ирсоли навор аз милитсияи шаҳри Душанбе дархост намуданд, ки ҳодисаи  мазкур мавриди баррасӣ қарор дода шуда, нисбат ба  ин кирдори ғайриахлоқӣ баҳои ҳуқуқӣ дода шавад. Кормандони Раёсати ВКД дар шаҳри Душанбе дар доираи баргузории чорабиниҳои фаврӣ-ҷустуҷӯӣ ҷавони дар навор инъикосёфтаро муайяну дастгир ва ба мақомоти корҳои дохилии шаҳри Душанбе дастрас намуданд.

Тавре аз Вазорати корҳои дохилии мамлакат ба АМИТ «Ховар» хабар доданд,  муайян гардид, ки ин нафар шаҳрванд Валиев Наврӯз Шарифович,  соли  таваллудаш 14.03.1995, истиқоматкунандаи шаҳри Душанбе, кӯчаи Фирдавсӣ, оиладор соҳиби ду фарзанд, репсаро бо тахаллуси “Navik-MC” мебошад.

Зимни санҷиши ҳодиса номбурда иброз дошт, ки 25  июни соли равон, тақрибан соати 16:00 дақиқа бо мақсади гирифтани маблағ ба нуқтаи дастгоҳи худкори бонкӣ (бонкамат), ки ба ширкати «Душанбе Ситӣ» тааллуқ дорад, рафтаааст. Ӯ корти худро ба «бонкамат» ворид сохтааст, ки бо сабаби нуқсони техникӣ доштани дастгоҳ маблағ гирифта наметавонад. Номбурда аз ин ҳолат асабонӣ шуда, бо вайрон намудани тартиботи ҷамъиятӣ дастгоҳи худкори бонкиро аз ҷои насбшуда барканданӣ шуда, якчанд маротиба ба дастгоҳ зарба мезанад.

Вобаста ба ҳолати мазкур нисбат ба  Валиев Наврӯз тибқи талаботи моддаи 460 (майдаавбошӣ) Кодекси ҳуқуқвайронкунии маъмурии Ҷумҳурии Тоҷикистон парвандаи маъмурӣ тартиб дода шуда, бо Қарори Суд ҷазо дар намуди ҳабси маъмурӣ ба муҳлати 10 шабонарӯз таъйин карда шуд.

Июль 9, 2021 16:34

Хабарҳои дигари ин бахш

«Ҷойгоҳи зан дар даврони Истиқлол»-таҳти чунин унвон дар Левакант конфронси ҷумҳуриявӣ доир гардид
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Ҳунарҳои мардумӣ бо усули «хона ба хона» ва «маҳалла ба маҳалла» тарғиб карда шуданд
Дар ноҳияи Муъминобод 26 китобхона фаъолият менамояд
Имрӯз дар шаҳри Душанбе ҳаво то 36 дараҷа гарм мешавад
Бахшида ба 80-солагии таъсиси Созмони Милали Муттаҳид конфронси илмӣ-амалӣ доир шуд
Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон