Дар Донишкадаи давлатии фарҳанг ва санъати Тоҷикистон кафедраи «Технологияи ВАО» таъсис ёфт
ДУШАНБЕ, 22.07.2021 /АМИТ «Ховар»/. Моҳи майи имсол бо қарори Шӯрои олимони Донишкадаи давлатии фарҳанг ва санъати Тоҷикистон кафедраи «Технологияи ВАО» бо ихтисосхои «ВЕБ-журналистика», «РR-робита бо ҷомеа» ва «Кинотелеоператор» таъсис ёфт. Кафедраи нав аз моҳи августи имсол ба фаъолият шурӯъ намуда, ба он устодони ҳирфаии соҳа ҷалб карда хоҳанд шуд. Дар ин бора имрӯз зимни нишасти матбуотӣ Ректори Донишкадаи мазкур Муҳриддин Низомӣ иттилоъ дод.
Ба зикри мавсуф, имрӯз дар донишкада 2 лоиҳаи грантӣ, ки аз ҷониби Бонки ҷаҳонӣ маблағгузорӣ мегарданд ва 4 лоиҳаи илмӣ бо маблағгузории Академияи миллии илмҳои Тоҷикистон амалӣ гардида истодаанд.
Ҳоло Донишкадаи давлатии фарҳанг ва санъати Тоҷикистон ба номи Мирзо Турсунзода бо 28 донишгоҳу донишкадаҳои кишварҳои хориҷӣ ҳамкории илмӣ, таълимӣ ва эҷодӣ ба роҳ монда, 87 нафар донишҷӯ аз хориҷи мамлакат дар шакли рӯзона ва ғоибона ба таҳсил дар донишкада фаро гирифта шудаанд.
«Дар даври ноҳиявии озмуни «Тоҷикистон — Ватани азизи ман», ки 10 июни соли равон дар Муассисаи давлатии Филармонияи давлатии Тоҷикистон ба номи Акашариф Ҷӯраев ҷамъбаст гардид,15 нафар устодону донишҷӯёни донишкада ғолиб омаданд. Аз ин миён 5 нафар сазовори ҷойи якум, 5 нафар ҷойи дуюм ва 5 нафар ғолиби ҷойи сеюм гардиданд»,- гуфт ректори Донишкадаи давлатии фарҳанг ва санъати Тоҷикистон.
Инчунин бахшида ба 30-солагии Истиқлоли давлатии Ҷумҳурии Тоҷикистон ва 110- солагии Қаҳрамони Тоҷикистон Мирзо Турсунзода бо ибтикори роҳбарияти донишкада дар саҳни муассиса гулгашт бунёд гардида, дар он нимпайкараи нави устод Мирзо Турсунзода гузошта шуд.
Филми ҳунарии «Моҳӣ дар шаст» дар кинофестивали 48-уми байналмилалии Москва намоиш дода шуд
Дар Душанбе бахшида ба Рӯзи байналмилалии ҳифзи ёдгориҳои таърихию фарҳангӣ ҳамоиш баргузор гардид
«ЯК МАТОВУ САД РАНГ». Дар Кӯлоб даври шаҳрии фестивал-озмун баргузор гардид
РӮЗИ БАЙНАЛМИЛАЛИИ ҲИФЗ ВА НИГОҲДОРИИ ЁДГОРИҲО ВА ҶОЙҲОИ ТАЪРИХӢ. Қалъаи Ҳисор таърихи зиёда аз 3000-сола дорад
ТАЪРИХИ ВАТАНРО МЕОМӮЗЕМ! Имрӯз дар мавзеъҳои таърихии мамлакат Рӯзи дарҳои боз гузаронида мешавад
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир гардид
«РАҚС МОРО МУТТАҲИД МЕНАМОЯД». Таҳти чунин унвон дар Тоҷикистон фестивали байналмилалӣ доир мегардад
Дар ноҳияи Айнӣ бахшида ба зодрӯзи Қаҳрамони Тоҷикистон Садриддин Айнӣ ҳамоиши илмӣ-адабӣ баргузор гардид
ИМРӮЗ — ЗОДРӮЗИ САДРИДДИН АЙНӢ. Осори Устод Айнӣ ҳамчун сарчашмаи муҳими илмӣ ва фарҳангӣ истифода мешавад
АЙНИШИНОСЕ ПУРТАЛОШ АЗ КИШВАРИ ҲАМЗАБОН. Эҳдо ба зодрӯзи сардафтари адабиёти муосири тоҷик Садриддин Айнӣ
ИҚТИСОДИ РАҚАМӢ ВА ИННОВАТСИЯ. Дар самти рақамикунонии ёдгориҳои таърихию фарҳангӣ ҳамоиш доир шуд
«ДИДОР». Бахшида ба 35-солагии Истиқлоли давлатӣ намоиши мусаввараҳои нодир ифтитоҳ ёфт
