Имрӯз дар шаҳри Турсунзода таҳти унвони «Марз-2021» санҷиши омодагии ҷангӣ баргузор гардид

Июль 22, 2021 10:05

ТУРСУНЗОДА, 22.07.2021 /АМИТ «Ховар»/. Дар асоси  Фармони Президенти Ҷумҳурии Тоҷикистон, Пешвои миллат, Сарфармондеҳи Олии Қувваҳои Мусаллаҳи Тоҷикистон, генерали артиш муҳтарам Эмомалӣ Раҳмон субҳи имрўз дар шаҳри Турсунзода таҳти  унвони «Марз-2021» санҷиши омодагии ҷангии Қувваҳои Мусаллаҳ, мақомоти ҳифзи ҳуқуқ ва ҳайати шахсии захираҳои сафарбарӣ  баргузор гардид.  Дар ин бора котиби матбуоти раиси шаҳри Турсунзода Фирӯз Холиқов ба хабарнигори АМИТ “Ховар” иттилоъ дод.

Зимни баргузории ин машқи низомӣ зиёда аз  3000 нафар  аз ҳисоби шаҳрвандони дар эҳтиёт буда, ҳайати шахсии афсарону сарбозони қисмҳои низомии Қувваҳои Мусаллаҳи Тоҷикистон, мустақар дар шаҳри Турсунзода, ҷавонон, кормандони мақомоти ҳифзи ҳуқуқ ва роҳбарону кормандони ташкилоту муассисаҳо баъд аз  бонги хатар дар ҷойи муайяншудаи самтҳои амалиётӣ ҷамъ омада, ҳолати омодабошии ҷангии онҳо мавриди санҷиш қарор гирифт.

Бо мақсади санҷиши омодабошӣ техникаҳои зиреҳпӯши ҷангиву нақлиётӣ, силоҳу муҳимоти муосири ҳарбӣ, техникаҳои автомобилӣ низ ба мавзеи муайянгардида сафарбар гардиданд.

Раиси шаҳри Турсунзода Парвиз Акрамзода иброз дошт, ки “вазъи имрӯзаи ҷомеаи ҷаҳонӣ аз ҳар яки мо тақозо менамояд, ки ҷиҳати ҳимояи Ватан ва марзу буми он ҳамеша омода бошем. Машқҳои имрӯза собит  намуданд, ки сокинони шаҳри Турсунзода нисбат ба ҳар дастуру супориши муҳтарам Пешвои миллат омодаанд ва ҳифзи сарзамини муқаддасро  қарзи фарзандӣ ва масъулияти шаҳрвандии худ медонанд”.

Тибқи иттилои манбаъ, комиссари ҳарбии шаҳр Саймумин Саидзода иброз дошт, ки  “машқҳои низомӣ дар сатҳи баланди омодагӣ доир гардида, баргузории чунин машқҳо ҷиҳати  баланд бардоштани сатҳи касбият ва омодабошии ҷангии ҷузъу томҳо, инчунин шаҳрвандони дар эҳтиёт буда мусоидат менамояд”.

Сокини шаҳри Турсунзода Меликмурод Холов доир ба баргузории чорабинии имрӯза  иброз дошт, ки  “ман омўзгор ҳастам ва ҳанӯз дар даврони Шўравӣ дар сафи Қувваҳои мусаллаҳ адои хизмат намудам. Ин субҳ бо эълони бонги хатар ба ин майдон омада, шоҳид гардидам, ки ҳайати шахсии қисмҳои  ҳарбии дар шаҳр қарор дошта,  марзбонони далеру шуҷои тоҷик минбаъд низ аз уҳдаи иҷрои вазифаи муқаддаси худ- ҳифзи боэътимоди марзҳои кишварамон бо сарбаландӣ мебароянд”.

Сокини деҳоти Навобод Нуриддин Юлдошев зикр намуд, ки  “ман зода  ва сарбози  даврони истиқлол буда, соати 4 субҳ бо эълони бонги хатар ба ин машқҳо пайвастам. Ман омодаам дар ҳолати зарурӣ ба ҳифзи хоки муқаддаси давлатамон баромада, синаи худро сипар намоям”.

 

Аксҳо аз Мақомоти иҷроияи ҳокимияти давлатии шаҳри Турсунзода

Июль 22, 2021 10:05

Хабарҳои дигари ин бахш

Тоҷикистон ва Амрико ҳамкориро дар самти таҳдидҳои замони муосир тақвият медиҳанд
Котиби Шурои амнияти Ҷумҳурии Тоҷикистон бо Сафири Британияи Кабир мулоқот намуд
ИСТИҚЛОЛИЯТИ ДАВЛАТӢ — ПОЙДЕВОРИ АРТИШИ МИЛЛӢ. Ба ифтихори 34-солагии Истиқлолияти давлатии Ҷумҳурии Тоҷикистон
Эмомалӣ Раҳмон: «Имрӯз хизмат дар сафи Гвардияи миллӣ боиси ифтихори ҳар ҷавони ватандӯсту ватанпарвар мебошад»
Нигоҳе ба 30 соли Гвардияи миллӣ дар роҳи ҳифз ва таҳкими истиқлоли давлатӣ
Имсол ба фаъолияти Гвардияи миллии Ҷумҳурии Тоҷикистон 30 сол пур шуд
Дар Вазорати корҳои дохилӣ бахшида ба 34-солагии Истиқлоли давлатӣ ҳамоиши идона доир гардид
Беш аз 300 таълимгирандаи Донишкадаи ҳарбӣ савганди садоқат ба Ватан ёд намуд
Дар Тоҷикистон назорат барои таваққуфи нодуруст дар ҷойҳои манъшуда пурқувват карда шуд
Дар Душанбе Маркази зиддимухаддиротии Созмони ҳамкории Шанхай таъсис меёбад
Дар Душанбе Маркази тамоси электронӣ оид ба қабули муроҷиатҳо ташкил карда шуд
АМАЛИЁТИ «БАЧАҲО». Бо мақсади пешгирии ҳодисаҳои роҳу нақлиёт бо иштироки кӯдакону наврасон гузаронида мешавад