Миёни МОИ «Кӯлоб» ва «Тирмиз» санади ҳамкорӣ ба имзо расонида шуд

Июль 27, 2021 16:32

ДУШАНБЕ, 27.07.2021 /АМИТ «Ховар»/. Миёни минтақаҳои озоди иқтисодии /МОИ/ «Кӯлоб»  ва «Тирмиз» Ёддошти тафоҳум ба имзо расонида шуд. Санади мазкур, ки барои тақвияти ҳамкорӣ миёни  ин ду минтақаи иқтисодӣ, ҷалби сармояи дохилӣ  ва татбиқи  лоиҳаҳои афзалиятноки  муштарак заминаи устувор мегузорад, дар доираи сафари кории ҳайати вилояти Хатлон ба вилояти Сурхондарёи Ҷумҳурии Узбекистон таҳти роҳбарии раиси вилояти Хатлон Қурбон Ҳакимзода  ба имзо расонида шуд.

Ҳайати кории вилояти Хатлон, ки аз  раисони якчанд шаҳру ноҳияҳои вилоят, роҳбарони маъмурияти МОИ «Кӯлоб», соҳибкорону сармоягузорон ва хоҷагидорон иборат буд, аз  МОИ «Тирмиз», Маркази байналмилалии тиҷоратии Тирмиз ва Маркази байналмилалии логистикии «Тирмиз Карго Сентр» боздид  намуд.

Иттилоъ дода шуд, ки МОИ «Тирмиз» соли 2018 дар масоҳати 80,6 гектар таъсис дода шуда, дар  ҳудуди он бунёди Маркази байналмилалии тиҷоратии Тирмиз дар майдони 26 гектар бо арзиши умумии 75 миллион доллар  пешбинӣ гардидааст.

Дар доираи сафар вохӯрии роҳбари маъмурияти МОИ «Кӯлоб»  Мустафо Абдуллозода бо роҳбари дирексияи МОИ «Тирмиз» Улуғбек   Сапиев сурат гирифта, маводи иттилоотӣ оид ба имконоти сармоягузорӣ дар МОИ «Кӯлоб»  барои ҷалби сармоягузорони  Ҷумҳурии Узбекистон  ба ин минтақа  пешниҳод гардида, барои боздид аз МОИ  «Кӯлоб»  ва аз наздик шинос шудан бо имконияти сармоягузорӣ даъват ба амал оварда шуд.

Инчунин  ҳайати вилояти Хатлон аз якчанд иншооти истеҳсолию ғайриистеҳсолӣ, аз ҷумла корхонаи истеҳсоли либосҳои тайёр-  ҶСК «ZIF Textile», кластери пахтаи ҶСК «Angor Surxon G’ururi», корхонаи  истеҳсоли ришта- ҶСК «Шеробод Текстил Инвест»,  хоҷагии анорпарварӣ,  гармхонаи комплексии  ҶСК «Шеробод Агро Импекс», корхонаи коркарди анор- ҶСК «Шеробод Анор Импекс», комбинати  абрешими ҶСК «Интер Силк Про», корхонаи истеҳсоли шиша ҶСК «Glass Expo Surxon» боздид намуданд.


Зимни сафари корӣ Форуми тиҷоратӣ байни вилоятҳои Сурхондарё ва Хатлон бо иштироки ҳайатҳои расмии Тоҷикистон ва Узбекистон ва сармоягузорону соҳибкорон баргузор гардида, дар он ба иштирокчиён маълумоти муфассал оид ба вазъи иҷтимоию иқтисодии  вилоятҳои Хатлон ва Сурхондарё пешниҳод карда шуд.

Июль 27, 2021 16:32

Хабарҳои дигари ин бахш

Фурудгоҳи байналмилалии Душанбе дар нуҳ моҳ ба зиёда аз 600 ҳазор мусофир хизмат расонид
Шабакаҳои тақсимоти барқи шаҳри Хуҷанд: Омодагӣ ба давраи зимистон дар сатҳи зарурист
Шумораи дорандагони кортҳои пардохтӣ аз «Амонатбонк» аз 1,5 миллион нафар гузашт
Дар НБО-и «Норак» ва «Бойғозӣ» корҳои таъмир ва навсозӣ ҷараён доранд
Дар Вазорати кишоварзии Тоҷикистон омилҳои баландшавии нархи орду гандумро шарҳ доданд
Шералӣ Кабир сармоягузорони маҷориро даъват намуд, ки дар рушди саноати Тоҷикистон саҳм гузоранд
ЧИН ҲАМКОРИРО БО ТОҶИКИСТОН ТАҲКИМ МЕБАХШАД. Форуми махсус оид ба рушди муносибатҳои Чин ва кишварҳои Осиёи Марказӣ ба густариши ҳамкории иқтисодӣ дар минтақа равона шудааст
Муовини Вазири молияи Тоҷикистон дар машварати минтақавии Фонди байналмилалии рушди кишоварзӣ (IFAD) дар Туркия ширкат намуд
Масъалаи таъсиси корхонаҳои муштарак дар минтақаҳои озоди иқтисодии Тоҷикистон баррасӣ шуд
Тоҷикистон бо табиати зебою нотакрор метавонад барои шаҳрвандони Корея аз кишварҳои писандидаи сайёҳӣ гардад
Хатлон: Левакант ва Данғара дурнамои ҷамъоварии пахтаро иҷро намуданд
Хуршед Зиёӣ: «Таъмини амнияти иқтисодӣ яке аз масъалаҳои афзалиятноки стратегии давлат аст»