Навсозии роҳи мошингарди маркази шаҳри Истаравшан идома дорад
ДУШАНБЕ, 05.07.2021 /АМИТ «Ховар»/. Мақомоти иҷроияи ҳокимияти давлатии шаҳри Истаравшан бо мақсади пешгирӣ аз тамбашавӣ, садамаҳои нохуш, инчунин таъмини ҳаракати озоди воситаҳои наклиёт тасмим гирифтааст, роҳи мошингарди хиёбони Исмоили Сомонӣ-Шонатарошон-Гули Сурхи шаҳрро навсозӣ намояд. Бо дастгирии соҳибкорон роҳи самти чапи сойи «Зарринруд»-ро аз назди ҶСК «Хуросон» то шаҳраки Гули Сурх васеъ намояд. Мувофиқи лоиҳа дарозии роҳи мазкур 430 метр буда, паҳноии он бо назардошти роҳравҳо 20 метрро дар бар мегирад.
Тавре аз Мақомоти иҷроияи ҳокимияти давлатии шаҳри Истаравшан ба АМИТ «Ховар» хабар доданд, дар ин масир ҳаракати воситаҳои нақлиёт аз деҳаи Шонатарошон тавассути пули дарозиаш 40 метра ба шаҳраки Гули Сурх сурат мегирад. Сохтмони пул айни замон дар арафаи анҷомёбӣ қарор дошта, то имрӯз 250 метри роҳи мазкур васеъ карда шудааст.
Ёдовар мешавем, ки бахшида ба 30-солагии Истиқлоли давлатии Ҷумҳурии Тоҷикистон дар шаҳри Истаравшан мумфаршкунии роҳҳои мошингарди байни шаҳраку маҳаллаҳо босуръат идома доранд. Аз ҷумла, чанде пеш дар кӯчаи ба номи Мумин Иброҳимови маҳаллаи Курушкадаи шаҳри Истаравшан ба мумфаршкунии роҳи мошингард оғоз карданд. Дарозии роҳ якҷо бо кӯчаҳои ҳамшафати он наздики 1 км ва паҳноии он 9 метрро ташкил медиҳад.
Дар оғози корҳои асфалтпӯшкунии роҳи кӯчаи мазкур раиси шаҳри Истаравшан Адҳам Маъмурзода ва собиқадорону сокинони маҳалла иштирок намуданд. Дар кӯчаҳои дигари маҳаллаи мазкур низ сокинон тасмим гирифтаанд, ки то ҷашни ваҳдати миллӣ мумфаршкунии роҳи мошингарди кӯчаҳояшонро ба анҷом бирасонанд. Сокинони маҳаллаи мазкур иброз доштанд, ки барои сазовор ва бошукӯҳ пешвоз гирифтани ҷашни миллӣ ҳар як тоҷкистониро зарур аст, ки саҳми хешро дар ободонию шукуфоии сарзамин гузоранд.
Хотиррасон мешавем, ки то ҷашни 30-солагии Истиқлоли давлатӣ дар шаҳри Истаравшан бунёди 450 иншоот дар назар дошта шудааст. Аз ин шумора зиёда аз 270-тои он мавриди истифода қарор гирифтаанд.
Пешвои миллат Эмомалӣ Раҳмон дар вилояти Хатлон Маркази таълимии воҳидҳои таъиноти махсуси Кумитаи давлатии амнияти миллии Ҷумҳурии Тоҷикистонро ифтитоҳ намуданд
МАҲСУЛОТИ ВОРИДОТИВАЗКУНАНДА. Дар Душанбе Корхонаи истеҳсоли «Сэндвичпанел» ба истифода дода шуд
Президенти Тоҷикистон Эмомалӣ Раҳмон бинои Муассисаи давлатии омодасозии кадрҳои баландихтисоси низомиро дар шаҳри Душанбе мавриди истифода қарор доданд
Сарвари давлат Эмомалӣ Раҳмон дар шаҳри Душанбе ба фаъолияти корхонаи истеҳсоли нӯшокиҳои ташнашикан ҶДММ «АРК саноат» оғоз бахшиданд
Пешвои миллат Эмомалӣ Раҳмон дар ноҳияи Синои шаҳри Душанбе Корхонаи истеҳсоли «Сэндвичпанел»-ро мавриди баҳрабардорӣ қарор доданд
Президенти Тоҷикистон Эмомалӣ Раҳмон КВД «Маркази рақамикунонии соҳаи нақлиёт», Маркази минтақавии дипломатияи нақлиётӣ ва КВД «Пажуҳишгоҳи Лоиҳакашии иншооти нақлиётӣ» -ро дар шаҳри Душанбе ба истифода доданд
Сарвари давлат Эмомалӣ Раҳмон Маркази минтақавии бехатарӣ, амният ва кафолати химиявӣ, биологӣ, радиатсионӣ ва ядроии Академияи миллии илмҳои Тоҷикистонро ба истифода супориданд
Пешвои миллат Эмомалӣ Раҳмон бинои таълимӣ барои факултети забон ва адабиёти руси Донишгоҳи давлатии омӯзгории Тоҷикистон ба номи Садриддин Айниро мавриди баҳрабардорӣ қарор доданд
Дар ноҳияи Данғара аз ҷониби соҳибкорон наздики 70 километр роҳ мумфарш ва 60 километр сангфарш карда шудааст
Бахшида ба 30-солагии Конститутсияи Тоҷикистон дар ноҳияи Рӯдакӣ иншооти гуногун ба истифода дода шуданд
Сарвари давлат Эмомалӣ Раҳмон дар ноҳияи Рӯдакӣ корхонаи «Хишти аввал»-ро ба истифода доданд
Президенти Тоҷикистон Эмомалӣ Раҳмон дар ноҳияи Рӯдакӣ ба фаъолияти марҳилаи дуюми корхонаи истеҳсоли пойафзолбарорӣ оғоз бахшиданд
