Ҳоким Холиқзода: Рушди иқтисодиёти Тоҷикистон муътадил арзёбӣ мегардад

Июль 22, 2021 13:12

ДУШАНБЕ, 22.07.2021 /АМИТ «Ховар»/. Бонки миллии Тоҷикистон аз муътадил  арзёбӣ гардидани рушди иқтисодиёти Тоҷикистон дар шашмоҳаи якуми соли равон хабар медиҳад. Гуфта мешавад, ки дар шаш моҳи соли равон   Маҷмӯи маҳсулоти дохилии номиналии  ҷумҳурӣ 40,0 миллиард сомонӣ ва афзоиши воқеии он 8,7  фоизро ташкил  дод, ки рушди рушди воқеии он нисбат ба ҳамин давраи соли гузашта 5,2 банди фоизӣ  зиёд мебошад.

Раиси Бонки миллии Тоҷикистон Ҳоким Холиқзода имрӯз дар ҷамъи хабарнигорон дар Душанбе зимни натиҷагирӣ аз фаъолияти БМТ дар зарфи соли равон гуфт, ки афзоиши ММД  аз ҳисоби истеҳсоли маҳсулоти саноатӣ беш аз 24 фоиз, сохтмон зиёда аз 22 фоиз,  гардиши савдои чакана 17,1 фоиз, хизматрасониҳои пулӣ  беш аз 16 фоиз ва истеҳсоли маҳсулоти кишоварзӣ зиёда аз 8 фоиз ҳосил гардидааст. Инчунин дар ин давра сатҳи таваррум 3,9 фоизро ташкил намуд, ки нисбат ба ҳамин давраи соли  гузашта 0,4 банди фоизӣ  паст мебошад. Ҳоким Холиқзода афзуд, ки нишондиҳандаи мазкур  асосан аз ҳисоби тағйирёбии нархи маҳсулоти хӯрокворӣ 5,1 фоиз, молҳои ғайрихӯрокворӣ 3,1 фоиз  ва хизматрасониҳои  пулӣ ба аҳолӣ 1,6 фоиз ба амал омад.

Дар нишасти матбуотӣ  зикр шуд, ки Бонки миллии Тоҷикистон дар ин давра бо мақсади нигоҳ доштани сатҳи муътадили  нархҳо ва равани  танзими ҳаҷми пул сиёсати мутавозуни пулию қарзиро  тавассути механизму фишангҳои  худ ҷиҳати маҳдуд сохтани  таъсири омилҳои  монетарӣ ба нишондиҳандаҳои макроиқтисодӣ амалӣ намуд. Аз ҷумла, меъёри бозтамвил ҳамчун фишанги асосии  сиёсати пулию қарзӣ ҷиҳати анҷом додани амалиёти монетарӣ  дар асоси дурнамои таъсири хавфҳои эҳтимолӣ ба иқтисодиёт бо назардошти афзоиши фишорҳо, интизориҳои таваррумӣ дар ин давра тадриҷан 1,25 банди фоизӣ  зиёд карда шуда,  дар сатҳи 12,0 фоизи солона муқаррар гардид.

Июль 22, 2021 13:12

Хабарҳои дигари ин бахш

Моҳи сентябр таҷдиди Неругоҳи барқи обии «Қайроқум» пурра ба итмом мерасад
Рейтинги кредитии соҳибихтиёрии Тоҷикистон дар сатҳи «B» бо дурнамои «устувор» тасдиқ шуд
Дар корхонаҳои саноатии ноҳияи Мастчоҳ ба маблағи беш аз 113 миллион сомонӣ маҳсулот истеҳсол карда шудааст
Дар шашмоҳаи якуми соли 2025 ба низоми бонкии Тоҷикистон 3 миллиард доллари ИМА сармояи хориҷӣ ҷалб карда шуд
EXPO-2025. Ҳамарӯза гӯшаи Тоҷикистонро 25 ҳазор нафар тамошо менамоянд
Соли равон 61 музоядаи фурӯши коғазҳои қиматнок ба маблағи 12,4 миллиард сомонӣ доир карда шуд
МАСЛИҲАТИ МУТАХАССИС. Истеъмоли ҷаъфарӣ ба биниш ва саломатии чашм муфид аст
Мақомоти зиддикоррупсионии Тоҷикистон ва Узбекистон дар Душанбе табодули таҷриба намуданд
Лоиҳаи «Барномаи миллии рушди Ҷумҳурии Тоҷикистон барои солҳои 2026–2030» баррасӣ гардид
ҲИСОББАРОБАРКУНИИ ҒАЙРИНАҚДӢ. Дар Тоҷикистон кортҳои пардохтии бонкӣ 9,1 миллион ададро ташкил медиҳанд
Коргоҳи истеҳсоли пойафзоли шаҳри «Бӯстон» ба бозор маҳсулоти босифат ва рақобатпазир пешниҳод менамояд
Ҳаҷми қарзҳои дар шашмоҳаи якуми соли 2025 додашуда 13,7 миллиард сомониро ташкил дод