Покистон барои соли таҳсили 2021-2022 ба шаҳрвандони Тоҷикистон дар зинаҳои бакалавриат, магистратура, доктор PhD бурсияҳои таҳсилӣ ҷудо намуд
ДУШАНБЕ, 11.07.2021/АМИТ «Ховар»/. Муассисаи давлатии «Маркази барномаҳои байналмилалӣ»-и Вазорати маориф ва илми Ҷумҳурии Тоҷикистон иттилоъ медиҳад, ки Ҷумҳурии Исломии Покистон барои соли таҳсили 2021-2022 аз рӯи ихтисосҳои муҳандисӣ, хоҷагидорӣ, физика ва илмҳои табиатшиносӣ дар зинаҳои бакалавриат, магистратура, доктор PhD бурсияҳои таҳсилӣ ҷудо намудааст. Дар ин бора аз Муассисаи мазкур ба АМИТ «Ховар» иттилоъ доданд.
Довталабони зинаи бакалавр бояд 12-сола маълумоти таҳсилоти миёнаи умумӣ дошта бошанд. Он давталабе, ки бурсияи зинаи бакалавро соҳиб мегардад, чунин имкониятро даст меорад: таҳсилу хобгоҳ ройгон, идрорпулӣ -120 000 рупия, пардохт барои китоб дар 1 сол 10 000 рупия, пардохти чипта 1 бор (рафту омад) ва стипендия.
Довталабони зинаи магистр бояд дипломи хатми бакалавриат пешниҳод намоянд. Барои зинаи магистр стипендия, таҳсилу хобгоҳ ройгон, идрорпулӣ -144 000 рупия, пардохт барои китоб дар 1 сол 20 000 рупия ва пардохти чипта 1 бор (рафту омад) муқаррар гардидааст.
Довталабони зинаи доктор PhD бояд 18 -сола маълумоти таҳсили дошта бошанд (12 сол маълумоти таҳсилоти миёна, 4 -сола маълумоти олии нопурра (бакалавр) ва 2 сол маълумоти таҳсилоти олии зинаи магистратура. Ба довталабони зинаи доктор PhD стипендия, таҳсили ройгон, хобгоҳи ройгон, идрорпулӣ -144 000 рупия, пардохт барои китоб дар 1 сол 20 000 рупия ва пардохти чипта 1 бор (рафту омад) пешниҳод гардидааст.
Таҳсил дар донишгоҳҳои Ҷумҳурии Исломии Покистон ба забони англисӣ бароҳмонда шудааст, аз ин рӯ донистани забони англисӣ ва доштани сертификатаҳои TOEFL ва IELTS ҳатмист.
Барои ба даст овардани бурсияҳо ҳуҷатҳои зерин: нусхаи аттестати муассисаи таълимӣ, дипломи бакалавриат, дипломи магистратура бо замимаи баҳоҳо дар шакли хаттӣ ва электронӣ бо тарҷумаи забони англисӣ, нусхаи сертификатҳои TOEFL ва IELTS дар шакли хаттӣ ва электронӣ, номаи ҳавасмандӣ бо забони англисӣ (барои довталабони магистр ва доктор PhD) талаб карда мешавад.
Довталабон метавонанд то 31 июли соли равон ҳуҷҷатҳои лозимаро ба суроғаи Маркази барномаҳои байналмилалӣ дар шаҳри Душанбе, кӯчаи М.Турсунзода 47 пешниҳод намоянд ё тариқи телефони 2-23-23-59 тамос гиранд.
Акс аз бойгонӣ
Дар Хадамоти гумрук татбиқи лоиҳаи низоми «АСИКУДА» ба таври расмӣ оғоз ёфт
ЯРМАРКАИ БАЙНАЛМИЛАЛИИ «SLOW FOOD». Захираҳои табиӣ ва экологии Тоҷикистон дар он муаррифӣ ва тарғиб шуданд
ОБУ ҲАВО: Имрӯз дар ноҳияҳои алоҳидаи Тоҷикистон борони кӯтоҳмуддат меборад
АЗ ҚАБУЛИ ҚОНУН «ДАР БОРАИ ЗАБОНИ ДАВЛАТӢ» 13 СОЛ ПУР ШУД. Дар Тоҷикистон Рӯзи забони давлатӣ таҷлил гардид
Олимҷон Муҳаммадҷонзода : Таъсиси нахустин маҷаллаи «Забон ва истилоҳот» дар рушду густариши забони давлатӣ саҳм мегузорад
«ЗАБОНИ МИЛЛАТ-ҲАСТИИ МИЛЛАТ». Дар Агентии хизмати давлатӣ ҷамъомади тантанавӣ баргузор гардид
ОБУ ҲАВО: Имрӯз дар Тоҷикистон ҳаво рӯзона то 30 дараҷа гарм мешавад
ОБУ ҲАВО: Имрӯз дарТоҷикистон ҳавои тағйирёбанда дар назар аст
30-СОЛАГИИ ИҶЛОСИЯИ XVI ШӮРОИ ОЛӢ. ҲХДТ таҳти унвони «30 соли созандагӣ бо Пешвои муаззами миллат» Конференсияи ҷумҳуриявии илмӣ-назариявӣ доир менамояд
«ИН ҚАДАР ШИРИНУ ДИЛБАНД АСТ ОН…». Забони давлатӣ симо ва пайкари миллат мебошад
ДАЪВАТИ ТИРАМОҲӢ. Артиши миллӣ-мактабе, ки дарси садоқату вафо, ватандӯстӣ, шарафмандию ҷавонмардӣ меомӯзад
ОБУ ҲАВО: Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
