Раиси Кумитаи рушди сайёҳӣ аз кӯҳнавард Виталий Хинензон даъват намуд, ки дар омода намудани кӯҳнавардон саҳм гузорад
ДУШАНБЕ, 09.07.2021/АМИТ «Ховар»/. Раиси Кумитаи рушди сайёҳии назди Ҳукумати Ҷумҳурии Тоҷикистон Тоҷиддин Ҷӯразода бо кӯҳнавард Виталий Хинензон, нахустин тоҷикистоние, ки рӯзи 1 июни соли равон Ҷомолунгма (Эверест), баландтарин нуқтаи сайёраро фатҳ кард, вохӯрӣ намуд. Раиси Кумита парафшон кардани парчами Тоҷикистонро дар қуллаи Эверест дастоварди муҳим арзёбӣ намуда, иброз дошт, ки муаррифии кишвари азизамон дар чунин қуллаи баланд боиси зиёд шудани шумораи ҳаводорони сайру саёҳат ба Ватани биҳиштосоямон мегардад.
Зикр гардид, ки дар зарфи солҳои Истиқлолияти давлатии Ҷумҳурии Тоҷикистон аз ҷониби Ҳукумати мамлакат таҳти сарварии Пешвои муаззами миллат муҳтарам Эмомалӣ Раҳмон барои рушди соҳаи сайёҳӣ, бахусус густариши саёҳати варзишӣ — кӯҳнавардӣ таваҷҷуҳи махсус дода шуда, корҳои зиёд ба анҷом расонида шуданд.
Таҳия ва қабули стратегияву барномаҳои миёнамуҳлати рушди сайёҳӣ, фароҳам овардани шароити муосир барои рушди сайёҳӣ, бахусус барои ширкатҳои сайёҳӣ додани имтиёзҳо бо мақсади рушди инфрасохтори сайёҳӣ аз иқдомҳои дурандешонаи Ҳукумати Ҷумҳурии Тоҷикистон дар самти рушди сайёҳӣ, бахусус кӯҳнавардӣ дар кишварамон мебошанд.
Ҷумҳурии Тоҷикистон дар радифи кишварҳое меистад, ки метавонад аз намуди сайёҳии кӯҳӣ даромади зиёд ба даст орад, зеро 93 фоизи қаламрави мамлакатро кӯҳҳо ташкил кардаасту табиати такрорнашаванда дорад.
Сайёҳии кӯҳнавардӣ нисбат ба дигар соҳаҳои фаъолияти сайёҳӣ яке аз соҳаи афзалиятнок ва пешқадам ба ҳисоб меравад. Саёҳат ба мамлакатҳои куҳсор таваҷҷӯҳи сайёҳонро бештар ба худ ҷалб мекунад. Сайёҳон дар ҳамешагӣ намуди сайёҳии фаъолро аз ќабили сайёҳии саргузаштӣ, трекинг, алпинизм, сайёҳии кӯҳӣ ва рафтингро интихоб мекунанд.
Тоҷиддин Ҷӯразода Виталий Хинензонро даъват намуд, ки бо дарназардошти таҷрибаи бойи худ дар самти кӯҳнавардӣ дар омода кардани мутахассисони ҷавон ва муаррифии назокату зарфиятҳои табиати кӯҳсори кишвар бо Кумита ва ассотсиатсияву ширкатҳои сайёҳии ватанӣ ҳамкории амалӣ намояд.
Ин сайёҳи кӯҳнавард таҷрибаи беш аз 20 — сола дошта, қуллаи Исмоили Сомонӣ ва дигар қуллаҳои маъруфи дохил ва хориҷи кишварро фатҳ кардааст.
Акс аз Кумитаи рушди сайёҳии назди Ҳукумати ҷумҳурӣ
Ба муносибати Рӯзи Президент дар Душанбе хатсайри сайёҳӣ ташкил карда шуд
Дар нуҳ моҳи соли 2025 зиёда аз 90 ҳазор нафар сайёҳ мавзеъҳои таърихию фарҳангии Тоҷикистонро тамошо карданд
Имсол дар Вилояти Мухтори Кӯҳистони Бадахшон даромад аз ҳисоби хизматрасонии сайёҳон 20,4 миллион сомониро ташкил дод
РУШДИ САЙЁҲӢ. Дар Суғд шумораи сайёҳони дохилӣ ва хориҷӣ афзоиш ёфта, инфрасохтори соҳа тақвият меёбад
Имкониятҳои сайёҳии Тоҷикистон дар намоишгоҳи байналмилалии «World Travel Market – 2025» муаррифӣ мегарданд
ШАРШАРАҲОИ ЗЕБОИ БАЛҶУВОН. Табиати нотакрори ин минтақаро беш аз 45 ҳазор сайёҳон тамошо карданд
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Намояндагони Донишгоҳи байналмилалии сайёҳӣ ва соҳибкории Тоҷикистон дар Саммити байналмилалии табодули академӣ иштирок намуданд
РУШДИ САЙЁҲӢ. Беш аз 90 ҳазор сайёҳон шаҳри бостонии Кӯлобро тамошо намуданд
Беш аз 46 ҳазор сайёҳи дохилию хориҷӣ бо мавзеъҳои зебои Данғара шинос гардиданд
РУШДИ САЙЁҲӢ. Имсол ба вилояти Хатлон беш аз 900 ҳазор сайёҳ ташриф овардааст
Пешвои миллат Эмомалӣ Раҳмон дар ҳудуди ноҳияи Данғара ба таври фосилавӣ Маркази хизматрасонии сайёҳӣ ва зиёда аз 50 километр роҳҳои мумфаршгардидаро ифтитоҳ намуданд
