Дар Душанбе оид ба нақши ҷавонони мақомоти гумрук дар таъмини амнияти иқтисодӣ ҳамоиш доир шуд
ДУШАНБЕ, 07.08.2021 /АМИТ «Ховар»/. Ба ифтихори ҷашни 30-солагии Истиқлоли давлатии Ҷумҳурии Тоҷикистон 6 август дар шаҳри Душанбе таҳти унвони «Нақши ҷавонони мақомоти гумрук дар таъмини амнияти иқтисодӣ» ҳамоиши ҷавонони мақомоти гумрук баргузор гардид.
Тавре аз Хадамоти гумруки назди Ҳукумати Ҷумҳурии Тоҷикистон ба АМИТ «Ховар» хабар доданд, иштирокдорони ҳамоиш дар Донишкадаи такмили ихтисоси кормандони Хадамоти гумрук бо техникаву воситаҳои техникии назорати гумрукӣ ва тарзи истифодаи онҳо зимни машғулияти тахассусӣ шинос гардиданд.
Дар ҳамоиш муовини аввали Сардори Хадамоти гумрук Азим Турсунзода ва муовини якуми раиси Кумитаи ҷавонон ва варзиши назди Ҳукумати ҷумҳурӣ Ризо Назарзода доир ба саҳми ҷавонон дар рушди соҳаҳои иқтисодию иҷтимоии ҷомеа дар зарфи 30 соли Истиқлоли давлатии Ҷумҳурии Тоҷикистон, хусусан нақши кормандони ҷавони мақомоти гумруки Тоҷикистон дар таъмини амнияти иқтисодии кишвар, рушду пешрафт ва шукуфоии он сухан гуфтанд. Зикр шуд, ки дар зарфи 30 соли Истиқлоли давлатии Ҷумҳурии Тоҷикистон кишварамон дар бахшҳои мухталиф, хусусан дар самти татбиқи ҳадафҳои стратегии мамлакат ба дастовардҳои намоён ноил гардид, ки дар амалӣ гардонидани онҳо саҳми ҷавонони мақомоти гумрук назаррас мебошад.
Дар ҳамоиш ҳамзамон аз ҷониби намояндаи Кумитаи ҷавонон ва варзиши назди Ҳукумати ҷумҳурӣ ба ҷавонони фаъоли мақомоти гумрук барои саҳми назаррас дар таъмини амнияти иқтисодии кишвар ва пешбурди фаъолияти мақомоти гумрук сипосномаҳо супорида шуда, барои ҷавонон барномаи рангини фарҳангӣ пешкаш гардид.
АКСҲО аз Хадамоти гумруки назди Ҳукумати Ҷумҳурии Тоҷикистон
35-СОЛАГИИ ИСТИҚЛОЛИ ДАВЛАТӢ. Бо бунёди иншооти муосир симои шаҳри Ваҳдат ба куллӣ дигаргун гардидааст
Дар болои Сирдарё пули нави иловагии мошингард сохта мешавад
Сокинони деҳаи Сангпари шаҳри Кӯлоб бо оби нӯшокии босифат таъмин гаштанд
Эмомалӣ Раҳмон: «Наврӯзро ба шукронаи сулҳу оромӣ дар давраи омодагӣ ба ҷашни бузурги миллӣ – 35-солагии Истиқлоли давлатӣ пешвоз мегирем»
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Бахшида ба Ҷашни байналмилалии Наврӯз дар ноҳияи Ёвон иншооти ҷашнӣ ифтитоҳ гардид
Дар Донишкадаи давлатии санъати тасвирӣ ва дизайни Тоҷикистон намоиши «Баҳори Истиқлол» баргузор шуд
Сохтмони муҷассама дар гардиши дараи Алмосии шаҳри Ҳисор ба анҷом мерасад
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
СИЁСАТИ ФАРҲАНГПАРВАРОНАИ ПЕШВОИ МИЛЛАТ – ЗАМИНАИ ГУСТАРИШИ МАЪРИФАТ ВА ХУДШИНОСИИ МИЛЛӢ. Дар ҳошияи Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ
СОЛИ ОБОДОНИЮ БУНЁДКОРӢ. Дар Ҷамоати деҳоти Овчиқалъача биноҳои иловагии муассисаҳои маорифу тандурустӣ сохта мешаванд
35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон бинои меҳмонхонаи «Хуҷанд» пурра таҷдиду навсозӣ мегардад
