Маҷаллаи Wostok-и Берлин шумораи навбатии худро пурра ба Тоҷикистон бахшидааст
ДУШАНБЕ, 30.08.2021 /АМИТ «Ховар»/. Дар остонаи таҷлили 30-юмин солгарди Истиқлоли давлатии Ҷумҳурии Тоҷикистон маҷаллаи олмониии Wostok шумораи навбатии худро дар ҳаҷми 80 саҳифа пурра ба Тоҷикистон бахшид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Дар шумораи махсуси маҷалла зери унвони «Тоҷикистон — сарзамини баландкӯҳ ва дорои фарҳангу таърихи пурғановат» паҳлуҳои мухталифи ҳаёти сиёсиву иқтисодӣ ва фарҳангии Тоҷикистон ва халқи тоҷик инъикос гардида, дар ин замина ба дастовардҳои кишвар дар замони истиқлол диққати бештар дода шудааст.
Ҳайати таҳририяи маҷалла дар ҳамкорӣ бо Сафорати Тоҷикистон дар Берлин ва вазорату идораҳои кишварамон дар 21 мавзӯи мукаммал таърихи ташаккули халқи тоҷик, анъанаҳо, раванди истиқлол ва ваҳдати миллӣ, ҳаёт ва фаъолияти шахсиятҳои маъруф, муаррифии зарфияти иқтисодиву саноатии Тоҷикистон ва шаҳру ноҳияҳои алоҳидаи он, мавзеъҳои сайёҳӣ ва таомҳои миллии онро бо сабку услуби хос инъикос намудааст.
Дар баррасии самтҳои асосии сиёсати дохилӣ ва хориҷии Тоҷикистон ба «сиёсати дарҳои боз», узвияти кишвар дар созмонҳои байналмилаливу минтақавӣ, бахусус ташаббусҳои глобалии Президенти Ҷумҳурии Тоҷикистон ва аҳамияти он ба ҷомеаи ҷаҳонӣ диққати бештар равона гардида, талошҳои Ҳукумати кишвар дар раванди амалисозии стратегияҳои муҳими кишвар, бахусус татбиқи «иқтисоди сабз» шоиста арзёбӣ шудааст.
Бо назардошти вазъи кунунии амнияти минтақа, кӯшишҳои Президенти Ҷумҳурии Тоҷикистон дар самти таъмини сулҳу субот ва талошҳои ӯ баҳри муқовимати дастҷамъонаи минтақа бар зидди чолишҳои замони муосир ба таври хос қайд шудаанд.
Шакли электронии маҷалларо метавонед бо суроғаи зерин дарёфт намоед:
www.botschaft-tadschikistan.de/Wostok
АКС аз ВКХ ҶТ
Сироҷиддин Муҳриддин бо роҳбарони ҳайатҳои кишварҳо ва созмонҳои байналмилалӣ мулоқотҳои судманд анҷом дод
Муовини якуми Сарвазири Тоҷикистон бо Вазири давлатии Ҷопон оид ба корҳои хориҷӣ мулоқот намуд
Муовини Сарвазири Тоҷикистон Дилрабо Мансурӣ бо муовини Сарвазири Шоҳигарии Лесото Ҷастис Нтоменг Ҷастина Маҷара мулоқот намуд
Дар Амороти Муттаҳидаи Араб оид ба ташаббусҳои ҷаҳонии Президенти Тоҷикистон баёнияи матбуотӣ нашр гардид
Мулоқоти Сарвазири Тоҷикистон Қоҳир Расулзода бо муовини Сарвазири Озарбойҷон Самир Рауф доир гардид
Сарвазири Тоҷикистон Қоҳир Расулзода бо ноиби Президенти Ҷумҳурии Малдив Ҳусейн Муҳаммад Латиф мулоқот намуд
Амина Муҳаммад аз давлатҳои ҷаҳон дар самти ҳалли масоили марбут ба ҳифзи пиряхҳои сайёраи Замин даъвати оҷилӣ намуд
Директори иҷроияи Бунёди иқлими сабз пешсафии афзояндаи Тоҷикистонро дар ҳалли мушкилоти глобалии иқлим ва ҳифзи пиряхҳо ситоиш намуд
Армида Салсиаҳ Алишаҳбана: «ЭСКАТО ҳамкории судмандро бо Тоҷикистон муҳим арзёбӣ менамояд»
Амина Муҳаммад, муовини аввали Дабири кулли СММ: «Ташаббуси Президенти Тоҷикистон барои муттаҳидии ҷомеаи ҷаҳонӣ дар баррасии мушкилоти ҷиддии иқлимӣ муҳим мебошад»
Байни Ҷумҳурии Тоҷикистон ва Ҷумҳурии Исломии Эрон санадҳои нави ҳамкорӣ ба имзо расиданд
Дар Душанбе мулоқоти роҳбарони хадамоти консулии Тоҷикистон ва Русия баргузор шуд
