Путин зидди ҷойгиркунии паноҳҷӯён аз Афғонистон дар кишварҳои Осиёи Марказӣ то гирифтани раводид ба ИМА ва Аврупо сухан гуфт
ДУШАНБЕ, 23.08.2021 /АМИТ «Ховар»/. Русия мухолифи ҷойгиркунии паноҳҷӯён аз Афғонистон дар кишварҳои Осиёи Марказӣ то гирифтани раводид ба ИМА ва Аврупо мебошад. Тавре АМИТ «Ховар» бо истинод ба ТАСС хабар медиҳад, дирӯз, 22 август дар ин бора Президенти Русия Владимир Путин изҳор дошт.
«Яъне, ба ин кишварҳо, ба ҳамсоягони мо бе раводид фиристондан мумкин аст, аммо худ намехоҳанд бидуни раводид қабул кунанд? Ин чӣ тарзи муносибати таҳқиромез дар ҳалли ин масъала аст?» — зикр кард Сарвари давлат зимни мулоқот бо намояндагони ҳизби «Русияи воҳид».
Ба гуфтаи Путин, бо истифода аз низоми бидуни раводид террористон метавонанд ба қаламрави Федератсияи Русия ва дигар кишварҳо ворид шаванд.
«Танҳо ҳоло дар бораи Афғонистон гуфта шудааст. Он ба амнияти мо таъсири бевосита дорад», — таъкид кард раҳбари Русия.
Вай ишора кард, ки ин масъала дар мулоқоти сарони кишварҳои Созмони аҳдномаи амнияти дастҷамъӣ (СААД) ва Созмони Ҳамкории Шанхай (СҲШ) баррасӣ хоҳад шуд.
Суханони Путинро Вазири корҳои хориҷии Русия Сергей Лавров низ тасдиқ кард.
«Фардо нишасти маҷозии саммити СААД, моҳи сентябр нишасти ҳузурии СААД ва нишасти Созмони Ҳамкории Шанхай, албатта, асосан ба таъмини амнияти кишварҳои иштирокчӣ дар заминаи рушди вазъи Афғонистон ва атрофи он бахшида мешавад»,-гуфт ӯ.
Президенти Федератсияи Русия таъкид кард, ки Русия намехоҳад вазъияти солҳои 90-ум ва миёнаҳои солҳои 2000-ум, «вақте ки мо воқеан дар Қафқози Шимолӣ ҷанг доштем», такрор шавад.
АКС: Хадамоти матбуоти Президенти ФР/ТАСС
Тоҷикистон ва Узбекистон ҳамкории амниятиро барои муқовимат ба таҳдидҳо тақвият мебахшанд
Ҳайати Тоҷикистон дар Форуми Осиё ва Уқёнуси Ором дар Филиппин иштирок намуд
Дар Кӯлоб ҷаласаи Шурои ҳамоҳангсозии фаъолияти мақомоти ҳифзи ҳуқуқ баргузор гардид
ҲАР АМАЛИ НОДУРУСТ ҶАВОБГАРӢ ДАР ПАЙ ДОРАД! Дар Душанбе паҳнкунандагони доруи психотропии «Прегабалин» дастгир шуданд
Ҳайати Тоҷикистон дар Вена дар конфронси Созмони Милали Муттаҳид оид ба мубориза бо қаллобӣ иштирок дорад
Дар Вена ҳамкории Тоҷикистон ва Британияи Кабир дар соҳаи ҳифзи ҳуқуқ баррасӣ гардид
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
