Расмикунонии муҳоҷирони меҳнатӣ дар Русия то 30 сентябри соли равон идома меёбад

Август 13, 2021 14:01

ДУШАНБЕ, 13.08.2021 /АМИТ «Ховар»/. Расмикунонии онҳо барои иқомат дар мамлакати будубош ва иҷозати фаъолияти меҳнатӣ идома дошта, муҳлати он дар ин давлат то 30 сентябри соли 2021 тамдид карда шудааст, хабар медиҳад АМИТ “Ховар” бо истинод ба Вазорати меҳнат, муҳоҷират ва шуғли аҳолии Ҷумҳурии Тоҷикистон.

Тибқи Фармони Президенти Федератсияи Русия аз 15 июни соли 2021, №364 “Дар бораи чораҳои мувақатӣ барои танзими вазъи ҳуқуқии шаҳрвандони хориҷӣ ва шахсони бешаҳрвандӣ дар Федератсияи Русия дар давраи рафъи оқибатҳои паҳншавии сирояти нави коронавирус (COVID-19)” муҳлати будубош ва расмикунонӣ  то 30 сентябри соли 2021 тамдид карда шудааст.

Инчунин муҳоҷирони меҳнатӣ, ки дар давраи пандемияи ҳамагири ҷаҳонӣ натавонистанд фаъолияти худро расман ба қайд бигиранд ва натавонистанд, ки маблағи муайяншуда барои ҳақи иҷозати фаъолияти меҳнатиро пардохт намоянд, тибқи санади мазкур то санаи муайяншуда метавонанд ба шуъбаҳои кор бо муҳоҷиратии ноҳиявии худ муроҷиат намуда, расман худро ба қайд гирифта, дубора ба мақомотҳои марбутаи иҷозатномадиҳии фаъолияти корӣ муроҷиат намоянд.

Ҳамзамон, дар доираи фармони мазкур шаҳрвандони Ҷумҳурии Тоҷикистон- муҳоҷирони меҳнатӣ, ки солҳои тулонӣ фаъолияти худро расман ба қайд нагирифтаанд, метавонанд ба шуъбаҳои муҳоҷиратии ноҳияи худ муроҷиат намуда, баъд аз ҷаримаи муайншудаи мақомоти давлатӣ расман худро ба қайд бигиранд.

Мутобиқи ин Фармон муҳлати будубош ва расмикунонӣ дар Федератсияи Русия то санаи 30 сентябри соли 2021 эътибор дошта пас аз он шаҳрвандоне, ки расман ба қайд гирифта нашудаанд аз давлати иқомат ихроҷ карда мешаванд.

Дар ҳолати пайдо гардидани мушкилӣ ҷиҳати расмикунонӣ дар давлати иқомат муҳоҷирони меҳнатӣ метавонанд ба рақамҳои зерин:

  1. ш. Москва: +7(495)9679844, +7(926)4626201, +7(903)5971213, +7(926)8769049, +7(910)4436335, +7(977)4878964, +7(967)2710202;
  2. ш. Санкт-Петербург: +7 (964) 373 75 01;
  3. ш. Екатеринбург: +7 (982) 739 8998;
  4. ш. Новосибирск: +7(965)3586161;
  5. ш. Уфа: +7 (915) 4883223;
  6. ш. Краснодар: +7(929)540 88 88;
  7. ш. Астрахан: +7(977)2720001.
  8. ш. Хабаровск: +7 (909)809 5548 ё тариқи почтаи элетронӣ: predmintruda@gmail.com, www.tajmigration.ru муроҷиат намоянд.

 

АКС: Вазорати меҳнат, муҳоҷират ва шуғли аҳолии ҶТ

Август 13, 2021 14:01

Хабарҳои дигари ин бахш

Дар Тоҷикистон маъракаи иммунизатсия бар зидди вируси папилломаи одам оғоз мегардад
Дурнамои ҳамкории Тоҷикистон ва Туркия дар самти меҳнат ва шуғли аҳолӣ баррасӣ гардид
Вобаста ба баланд бардоштани тавонмандсозӣ барои самаранокии идораи давлатӣ ҳамоиш доир шуд
«ЗАНОН ДАР ИҚТИСОДИ «САБЗ» ВА РАҚАМӢ». Дар шаҳри Гулистон Форуми минтақавии Муколамаи занони Осиёи Марказӣ доир шуд
Беш аз 80 ҳазор нафақагирони шаҳри Душанбе аз индексатсия баҳраманд шуданд
Озмуни ҷумҳуриявии нонпазии «Зеби дастархон» ҷамъбаст шуд
Намояндаи Тоҷикистон дар Форуми байналмилалӣ оид ба таҷрибаи Тоҷикистон дар омӯзиши бозори меҳнат сухан гуфт
Раиси Шурои уламои Тоҷикистон бо медали фахрии Анҷумани роҳбарони динҳои ҷаҳонӣ ва суннатӣ сарфароз гардонида шуд
Дар Суғд Форуми Муколамаи занони Осиёи Марказӣ баргузор мешавад
МАСЛИҲАТИ МУТАХАССИС. Хӯрдани анҷир хавфи бемории дилро кам менамояд
35-СОЛАГИИ ИСТИҚЛОЛИ ДАВЛАТӢ. Барои кормандони соҳаи ҳифзи муҳити зист 4 бинои маъмурӣ ба истифода дода мешавад
Истеъмоли хурмо узви босираро мустаҳкам намуда, пеш аз муҳлат пиршавии баданро пешгирӣ менамояд