Вазири Федералии корҳои хориҷии Олмон Ҳайко Маас бо сафари корӣ ба Душанбе омад
![](https://khovar.tj/wp-content/uploads/2021/08/Vazir-Olmon.jpg)
ДУШАНБЕ, 30.08.2021 /АМИТ «Ховар»/. Имрӯз Вазири Федералии корҳои хориҷии Олмон Ҳайко Маас бо сафари корӣ ба Ҷумҳурии Тоҷикистон ташриф овард, хабар медиҳад АМИТ «Ховар».
Дар Фурудгоҳи байналмилалии Душанбе Вазири Федералии корҳои хориҷии Олмонро муовини Вазири корҳои хориҷии Ҷумҳурии Тоҷикистон ва дигар шахсони расмӣ истиқбол намуданд.
Муносибатҳои дипломатӣ миёни Ҷумҳурии Тоҷикистон ва Ҷумҳурии Федеративии Олмон соли 1992 барқарор шуда, дар ин муддат бо талошу пайгириҳои роҳбарони сатҳи олии ду кишвар ба сатҳу сифати нав баромадаанд.
Ду давлати дӯст ҳамкории судманду самарабахш дар соҳаҳои иқтисоду тиҷорат, робитаҳои байнипарлумонӣ, илму фарҳанг ва дигар бахшҳои афзалиятнокро рушду густариш мебахшанд.