Ҷамолиддин Абдуллозода бо ҳайати Бонки ҷаҳонӣ мулоқот намуд

ДУШАНБЕ, 25.08.2021/АМИТ «Ховар»/. Имрӯз, 25 август, Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода бо ҳайати Бонки ҷаҳонӣ таҳти роҳбарии Директори минтақавии Бонки мазкур дар кишварҳои Осиёи Марказӣ хонум Татяна Проскурякова мулоқот намуд. Дар ин бора ба АМИт «Ховар» аз маркази матбуоти вазорат хабар доданд.

Тавре дар мулоқот зикр гардид, Бонки ҷаҳонӣ яке аз шарикони муҳими вазорат ба шумор меравад, ки то ба имрӯз дар самти беҳтар намудани сатҳ ва сифати химзатрасонии тиббӣ ба аҳолӣ дар Тоҷикистон кӯмакҳои зиёд  расонидааст. Махсусан, дастгирии соҳаи тандурустии мамлакат аз ҷониби ин  муассисаи бонуфузи молиявии  ҷаҳон дар давраи пандемияи COVID-19  назаррас арзёбӣ  гардид.

Дар мулоқот Намояндаи навтаъйини Бонки ҷаҳонӣ дар Тоҷикистон Озан Севимли муаррифӣ карда шуд.

Дар навбати худ Вазири тандурустӣ ва ҳифзи иҷтимоии аҳолиии ҶТ   Ҷамолиддин Абдуллозода Озан Севимлиро барои ба ин вазифаи пурмасъулият таъйин гардиданаш табрик намуда, ба кору фаъолияти минбаъдаи номбурда барору муваффақият орзу намуд.

Дар идомаи мулоқот ҷонибҳо доир ба самтҳои гуногуни ҳамкорӣ ва густариши онҳо мубодилаи афкор намуда, ҳавасмандии хешро ҷиҳати боз ҳам тақвият бахшидани  онҳо  иброз намуданд.

АКСҲО: Вазорати тандурустӣ ва ҳифзи иҷтимоии аҳолии ЧТ