АҲМАД МАСЪУД ҲАМРОҲОНАШРО ТАРК НАКАРДААСТ. Маълум шуд, ки ҳоло ӯ дар куҷост

Сентябрь 13, 2021 09:40

ДУШАНБЕ, 13.09.2021/АМИТ «Ховар»/. Раҳбари Ҷабҳаи муқовимати миллии Афғонистон (ҶММА) Аҳмад Масъуд аз қаламрави кишвараш берун нарафтааст. Дар ин бора хабаргузории «Форс» бо истинод ба Қосим Муҳаммадӣ, манбаи наздик ба фармондеҳи артиш хабар дод.

Қосим Муҳаммадӣ овозаҳо дар бораи тарки Афғонистон кардани Масъудро бепоя хонд.

«Вайҳмад Масъуд. – Тавз. АМИТ «Ховар») бо дараи Панҷшер дар тамос аст», — таъкид кард мусоҳиби  хабаргузории «Форс».

Бино ба гуфти Муҳаммадӣ,  феълан ҷангиёни Толибон* тақрибан 70 дарсади кӯчаҳо ва ағбаҳои асосии вилояти Афғонистонро таҳти назорат доранд. Аммо водиҳои кӯҳии Панҷшер дар зери назорати комили нерӯҳои миллӣ боқӣ мемонанд.

«Пас аз вуруди Толибон* ба Панҷшер, ҳавопаймоҳои Покистон ба кумаки онҳо омада, муҳосираро шикастанд ва ҳатто шабона ҳуҷум мекарданд», — гуфт намояндаи ҶММА.

Ба гуфти ӯ, ҷанги феълӣ дар Афғонистон аз ҷониби Қатар ва Покистон сарпарастӣ мешавад ва онҳо аз ҷиҳати молиявӣ аз ҷангҷӯён пуштибонӣ мекунанд.

Муҳаммадӣ изҳори умедворӣ кард, ки «кишварҳои минтақа ва ҷаҳон инро дарк хоҳанд кард».

Ёдовар мешавем, ки бинобар ҷангҳо дар Панҷшер буҳрон оғоз ёфт. Сокинони вилоят  дар талоши онанд, ки ҳарчӣ зудтар минтақаро тарк кунанд.

Хотиррасон мешавем, ки қаблан  тарафҳои даргир дар бораи оташбаси муваққатӣ аз 9 то 12 сентябр ба мувофиқа расиданд.

___________________________

* Толибон — созмони террористӣ, ки дар Тоҷикистон ва дигар кишварҳо мамнӯъ эълон шудааст.

                                                                                 АКС: Instagram 

Сентябрь 13, 2021 09:40

Хабарҳои дигари ин бахш

Судяҳои Суди Олии Тоҷикистон дар форуми байналмилалӣ иштирок намуданд
Ҳайати Тоҷикистон дар ҷаласаи раисони судҳои олии давлатҳои аъзои Созмони ҳамкории Шанхай иштирок намуд
Оид ба татбиқи барномаҳои давлатии Тоҷикистон дар пешгирии экстремизм ва терроризм конфронси ҷумҳуриявӣ доир шуд
Дар Душанбе оид ба истифодаи технологияҳои ҳастаӣ ва бехатарии радиатсионӣ конференсияи байналмилалӣ доир шуд
Тоҷикистон ва Эрон нақша доранд ҳамкориро дар самти мубориза бо ҷинояткории муташаккили фаромиллӣ густариш диҳанд
Байни Тоҷикистон ва Қирғизистон оид ба рафъи ҳолатҳои фавқулода Ёддошти тафоҳум ба имзо расид
Дар Душанбе масъалаи арзёбии фаврӣ ва ҳамоҳангсозии ҳолатҳои фавқулода баррасӣ гардид
Вохӯрии дуюми котибони шуроҳои амнияти давлатҳои Осиёи Марказӣ дар Самарқанд баргузор шуд
Бо истифода аз барномаи «Нозири минтақавии ман» шаҳрвандон метавонанд нозири минтақавии худро шиносанд
ПУРСИДЕД, ҶАВОБ МЕДИҲЕМ. Киҳо хуқуқи дар сафи Қувваҳои Мусаллаҳи Ҷумҳурии Тоҷикистон хизмат карданро доранд?
Дар шаҳри Бӯстон нақшаи даъвати баҳорӣ ба сафи Қувваҳои Мусаллаҳ иҷро гардид
Дар Тоҷикистон нақшаи даъвати баҳорӣ ба сафи Артиши миллӣ беш аз 80 фоиз иҷро шуд