Ба шарафи 30-солагии Истиқлолияти Тоҷикистон ва 20-солагии СҲШ намоиши асарҳои рассомӣ оғоз ёфт
ДУШАНБЕ, 18.09.2021 /АМИТ «Ховар»/. 15 сентябр дар Донишкадаи давлатии санъати тасвирӣ ва дизайни Тоҷикистон ба шарафи 30-солагии Истиқлолияти давлатии Ҷумҳурии Тоҷикистон ва 20-солагии Созмони ҳамкории Шанхай (СҲШ) намоиши асарҳои рассомии омӯзгорони амалкунанда ва собиқи ин муассисаи олии таълимӣ оғоз гардид, хабар доданд ба АМИТ «Ховар» аз донишкадаи мазкур.
Намоиш беш аз 50 асари 25 омӯзгори донишкадаро дар бар гирифта, дар инҷо дар қатори асарҳои устодони пуртаҷрибаи санъати рассомӣ – Рассоми халқии Тоҷикистон, профессор Исуф Сангов, арбобони ҳунари Тоҷикистон профессор Мизроб Холов, Акмал Миршакар, ҳайкалтарош Аҳтам Сафаров ва рассоми шинохта, собиқ Раиси Иттифоқи рассомони Тоҷикистон, декани факултети санъати тасвирии донишкада, марҳум Фаррух Хоҷаев, инчунин асарҳои рассомони ҷавони боистеъдод-омӯзгорон Мадина Ғиёсова, Парвини Ғаффор, Беҳзод Боймуродов, Беҳрӯз Забиров, Ҳалим Исмоилов, Эркин Суюнов, Равшан Рӯзибоев ва Умеда Мардихудоева ба намоиш шукӯҳу шаҳомати тоза мебахшанд.
Бахусус асарҳои Умеда Мардихудоева «Субҳи Помир», «Деҳаи ман», «Оби равон», ки тобистони имсол эҷод шуда, манзараҳои зебову нотакрори деҳоти Бадахшони Тоҷикистонро бо маҳорати баланд инъикос намудаанд, сазовори баҳои баланди тамошобинон гардиданд.
Намоиши расмҳо то 15 октябр идома меёбад.
АКСҲО аз Донишкадаи давлатии санъати тасвирӣ ва дизайни Тоҷикистон
«ҚАСРИ АРБОБ» — МАКОНИ МУҚАДДАС ВА ТАЪРИХӢ. Ба Рӯзи Президенти Ҷумҳурии Тоҷикистон бахшида мешавад
Олимони тоҷик нақши Президенти Тоҷикистонро дар комёбиҳои сулҳу ваҳдати миллӣ нотакрор арзёбӣ намуданд
Дар Донишгоҳи миллии Тоҷикистон нақши Иҷлосияи XVI Шӯрои Олиро дар ҳимояи манфиатҳои миллӣ баррасӣ карданд
Нақши Президенти Ҷумҳурии Тоҷикистон дар рушди соҳаи маориф назаррас аст
«ПРЕЗИДЕНТ – ҲОМИИ МИЛЛАТ». Таҳти чунин унвон дар Китобхонаи миллии Тоҷикистон ҳамоиш доир шуд
Аз номи Сергей Лебедев барои дар сатҳи баланд баргузор намудани Анҷумани VI омӯзгорон ва кормандони маорифи кишварҳои ИДМ дар Душанбе номаи сипос расид
«Маҳмуднома». Таҳти чунин унвон доир ба фаъолияти Ҳомид Маҳмудов китоб ба нашр расидааст
Дар Душанбе таҳти унвони «Дурахши ахтари дониш зи Истиқлол бошад» ҳамоиш доир гардид
Дастовардҳои 30 соли сиёсати хориҷии Тоҷикистон зимни Конфронси ҷумҳуриявии илмӣ-амалӣ арзёбӣ гардиданд
ХАБАРИ ХУШ! Номинаҳои 2500-солагии шаҳраки қадимаи Тахти Сангин ва 1050-солагии Абурайҳони Берунӣ ба Феҳристи ҷашнвораҳои ЮНЕСКО барои солҳои 2022-2023 шомил гардиданд
ТАСС: Вазорати маориф ва илми Тоҷикистон ба Русия пешниҳод намудааст, ки китобҳои дарсии забони русиро ба мактабҳо мутобиқ созад
«Пешвои миллат ва таҳкими нуфузи байналмилалии Тоҷикистон», — шарҳи матбуоти даврии Тоҷикистон
