Бахшида ба 30-солагии Истиқлолияти давлатӣ дар ноҳияи Рӯшон барномаҳои идона доир мешаванд
ДУШАНБЕ, 07.09.2021 /АМИТ«Ховар/. Ба шарафи ҷашни 30-солагии Истиқлолияти давлатии Ҷумҳурии Тоҷикистон ҳунармандону чирадастони деҳаҳои Шипад, Вознавд, Деҳ ва Шидзи ноҳияи Рӯшон зимни намоиши ҳунарҳои дастӣ таомҳои миллӣ, дастовардҳои деҳа ва маҳсулоти кишоварзиро ба маърази тамошо гузоштанд, ки аз ҳунари баланди кадбонугӣ ва косибиашон дарак медод, иттилоъ медиҳад АМИТ «Ховар» бо истинод ба мақомоти иҷроияи ҳокимияти давлатии ноҳияи Рӯшон.
Ёдовар мешавем, ки дар деҳаҳои ноҳияи Рӯшон ҳамарӯза бахшида ба ҷашни 30-солагии Истиқлолияти давлатии Ҷумҳурии Тоҷикистон силсилабарномаҳои идона бо иштироки сокинон ва меҳмонон баргузор карда мешаванд,
Ба муносибати ин ҷашни фархунда дар деҳаи Шидзи Ҷамоати деҳоти М. Абдулвосиев ҳамоиши тантанавӣ баргузор гардида, хурду бузург бо либосҳои идона ҷамъ омаданд.
Зимни ҷамъомади мазкур муовини раиси ноҳия Лайло Чоршанбезода ҳозирин ва иштирокдоронро аз номи Мақомоти иҷроияи ҳокимияти давлатии ноҳияи Рӯшон шодбош гуфт.
Раиси Ҷамоати деҳоти М. Абдулвосиев Нозигул Абдулвоҳидова зимни ҳамоиши идона зикр кард, ки “дар тӯли 30 соли истиқлолият ин ҷамоат ба дастовардҳои назаррас ноил гардида, симояшро ба куллӣ дигар намуд. Мо дар симои як ҷамоати деҳот мебинем, ки ободии Ватан аз ободии ҳар гӯшаи он оғоз мешавад. Мо бояд ин неъмати бебаҳо ва ганҷи нодир- соҳибистиқлолии давлатамонро ҳамаҷониба ҳифз намуда, ба наслҳои оянда расонем”.
Дар хатми ҳамоиши идона бархе аз фаъолони ин ҷамоати дурдаст, ки баҳри созандагиву ободонӣ ва пешрафти ҷамоат саҳми арзанда гузоштаанд, бо ифтихорномаҳои раиси ноҳия ва КИ ҲХДТ дар ноҳияи Рӯшон қадршиносӣ гардиданд.
Ҳаваскорони ҷамоат бо барномаи ҷолибу рангини фарҳангӣ ба ҷамъомад таровати хосса бахшиданд.
АКСҲО: МИҲД-и Рӯшон
Эмомалӣ Раҳмон: «Наврӯзро ба шукронаи сулҳу оромӣ дар давраи омодагӣ ба ҷашни бузурги миллӣ – 35-солагии Истиқлоли давлатӣ пешвоз мегирем»
Дар Донишгоҳи давлатии ҳуқуқ, бизнес ва сиёсати Тоҷикистон Наврӯз бо оростани хаймаҳои наврӯзӣ таҷлил шуд
Бахшида ба Ҷашни байналмилалии Наврӯз дар ноҳияи Ёвон иншооти ҷашнӣ ифтитоҳ гардид
Дар Донишкадаи давлатии санъати тасвирӣ ва дизайни Тоҷикистон намоиши «Баҳори Истиқлол» баргузор шуд
Сохтмони муҷассама дар гардиши дараи Алмосии шаҳри Ҳисор ба анҷом мерасад
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
СИЁСАТИ ФАРҲАНГПАРВАРОНАИ ПЕШВОИ МИЛЛАТ – ЗАМИНАИ ГУСТАРИШИ МАЪРИФАТ ВА ХУДШИНОСИИ МИЛЛӢ. Дар ҳошияи Соли вусъат додани корҳои ободониву созандагӣ ва тақвияту таҳкими худшиносиву худогоҳии миллӣ
СОЛИ ОБОДОНИЮ БУНЁДКОРӢ. Дар Ҷамоати деҳоти Овчиқалъача биноҳои иловагии муассисаҳои маорифу тандурустӣ сохта мешаванд
35-СОЛАГИИ ИСТИҚЛОЛИ ДАВЛАТӢ. Дар шаҳри Бӯстон бинои меҳмонхонаи «Хуҷанд» пурра таҷдиду навсозӣ мегардад
Роҳҳои мошингарди ноҳияи Муъминобод таҷдиду навсозӣ мегарданд
35-СОЛАГИИ ИСТИҚЛОЛИ ДАВЛАТӢ. Дар шаҳри Хуҷанд сохтмони иншооти ҷашнӣ вусъат меёбад
Дар ноҳияи Муъминобод корҳои сохтмонӣ вусъати тоза меёбанд
