Барои кумак ба Афғонистон зиёда аз 1 миллиард доллар ҷамъоварӣ шудааст

Сентябрь 15, 2021 13:52

ДУШАНБЕ, 15.09.2021 /АМИТ «Ховар»/. Дабири кулли СММ ба дастгирии молиявии Афғонистон баҳои баланд дод: дар натиҷаи конференсия дар Женева донорҳо ваъда доданд, ки барои эҳтиёҷоти афғонҳо беш аз як миллиард доллар ҷудо хоҳанд кард, ки тақрибан ду маротиба аз дархости СММ зиёд мебошад. Дар ин бора АМИТ «Ховар» бо истинод ба хадамоти матбуоти ин созмони ҷаҳонӣ хабар дод.

Ба гуфтаи роҳбари Созмони Милали Муттаҳид Антонио Гутерриш, ки дар нишасти матбуотӣ оид ба натиҷаҳои конференсия сухан ронд, вохӯрӣ комилан мувофиқи чашмдошт буд. Аввалан, тавре ки ӯ бо қаноатмандӣ зикр кард, дар кори он 156 ҳизб, аз ҷумла 96 кишвари узви СММ иштирок карданд, ки нисфи онҳо дар сатҳи вазирон буданд, инчунин 33 созмони байналмилалӣ ва минтақавӣ ва 22 ташкилоти ғайридавлатӣ ширкат доштанд.

«Ҷомеаи ҷаҳонӣ ҳамфикр аст: ҳоло мо бояд тамоми неруҳоро барои расонидани кумаки башардӯстона ба мардуми Афғонистон сафарбар кунем”,-иброз дошт Гуттериш. Ва ин на танҳо дар бораи кумаки таъҷилӣ аст, балки ба гуфтаи роҳбари Созмони Милали Муттаҳид, бояд иқтисоди Афғонистонро дастгирӣ карда, ба он барои пешгирӣ аз фурӯпошӣ кумак кард. «Тавре ки шумо медонед, хатари бузург [чунин барнома] вуҷуд дорад ва дар Афғонистон норасоии шадиди пули нақд вуҷуд дорад», — афзуд ӯ.

Дабири кулли СММ тасдиқ кард, ки СММ аз ҳаракати “Толибон”* уҳдадориҳои хаттӣ- дуто чунин ҳуҷҷат гирифтааст: дар аввал, толибон имкони анҷоми амалиёти башардӯстонаро кафолат медиҳанд ва дуюм сухан дар мавриди  таъмини амнияти кормандони соҳаи башардӯстона меравад.

«Мо таваҷҷуҳи ҳамкорӣ бо ҷомеаи байналмилалиро аз ҷониби ҳаракати “Толибон”* мебинем ва ин маънои онро дорад, ки ҷомеаи ҷаҳонӣ таъсири фишангӣ дорад», -илова намуд Антонио Гутерриш.

_______________________________

* Ҳаракати террористие, ки дар Тоҷикистон ва дигар кишварҳо мамнӯъ аст АКС: тақрибан 30 ҳазор муҳоҷирони дохилӣ дар Афғонистон дар ин деҳаи воқеъ дар наздикии Ҳирот паноҳ ёфтаанд.

Акс аз ҷониби СБМ (Созмони байналмилалии муҳоҷират)

 

Сентябрь 15, 2021 13:52

Хабарҳои дигари ин бахш

ҲУҚУҚУ ОЗОДИИ ОДАМОН ДАР АФҒОНИСТОН ЗЕРИ ХАТАР АСТ. Толибон ваъда доданд, ки дар Рӯзи байналмилалии демократия ҳомиёни демократияро ҳадаф қарор медиҳанд
СММ: Хатари ҷиддии суқути комили иқтисодии Афғонистон вуҷуд дорад
Ҳамаи гурезаҳои афғон Узбекистонро тарк карданд — Вазорати корҳои хориҷӣ
Блинкен: Тоҷикистон, Узбекистон ва Покистон ваъда доданд, ки шаҳрвандони Амрикоро аз Афғонистон мегузаронанд
Блинкен гуфт, ки ИМА ба нақши Покистон дар ҳаводиси Афғонистон баҳо хоҳад дод
WSJ: Халабонҳои афғон аз Узбекистон ба пойгоҳи низомии ИМА интиқол дода мешаванд
Намояндаи доимии Афғонистон дар СММ аз Шӯрои Амният даъват намуд, ки толибонро дар Кобул эътироф накунад
Макрон: ҷаҳон ба толибон шарт гузошт
Дирӯз Шӯрои амнияти СММ оид ба Афғонистон қатънома қабул намуд. Онро Русия ва Чин дастгирӣ накарданд
«МО НАМЕБАХШЕМ, ФАРОМӮШ НАМЕКУНЕМ!». Байден ба созмондиҳандагони таркишҳо дар Кобул таҳдиди «қасосгирӣ» намуд
«Ню-Йорк таймс»: Толибон аз занҳо даъват карданд, ки дар хона бимонанд, зеро ҷангиён барои муомила бо онҳо таълим нагирифтаанд
Дар Кобул чархболи Русияро ғорат карданд

Маводҳои таҳлилӣ