Дар Панҷакент ба ифтихори 30-солагии Истиқлолияти давлатӣ ниммарафони ҷумҳуриявӣ доир шуд

Сентябрь 20, 2021 15:46

ДУШАНБЕ, 20.09.2021 /АМИТ «Ховар»/. 19 сентябр  ба ифтихори 30-солагии Истиқлолияти давлатии Тоҷикистон дар мавзеи сайёҳии «Ҳафткӯл» барои дарёфти ҷоизаи раиси шаҳри Панҷакент ниммарафони ҷумҳуриявӣ баргузор гардид, хабар дод намояндаи расмии Кумитаи миллии олимпии Тоҷикистон Умаралӣ Сафаралӣ ба шореҳи варзиши АМИТ «Ховар» Меҳрони Қурбон.

Дар мусобиқаи мазкур дар баробари давандаҳои Тоҷикистон намояндагон аз Афғонистон, Қазоқистон, Федератсияи Русия, Туркманистон, Узбекистон ва Украина ширкат намуданд. Дар маросими ифтитоҳи ниммарафон раиси шаҳри Панҷакент Абдухолиқ Холиқзода ва раиси Федератсияи варзиши сабуки Тоҷикистон, чемпиони Бозиҳои олимпии Рио-де-Жанейро-2016 Дилшод Назаров иштирок карданд.

Беш аз 60 нафар иштирокчии ниммарафон дар масири аз кули якум то кӯли ҳафтум масофаи 21,7 км-ро тай намуданд. Миёни мардон се ҷои аввалро намояндагони шаҳри Душанбе гирифтанд. Самариддин Азимов масофаи муайяншударо дар муддати 1 соату 30 дақиқа тай намуда, ҷои аввалро соҳиб шуд. Ҷои дуюм насиби Меҳрубон Шамсиддинов (1:33) ва ҷои сеюм насиби Аъзамҷон Давлатов (1:34) гардид.

Миёни бонувон Маҳина Баротова (2:22) аз шаҳри Турсунзода аввалин шуда, ба марра расид. Душанбегиҳо Ҷонона Мирзоева ҷои дуюм ва Саодат Яҳёева ҷои сеюмро ишғол намуданд.

Миёни мардон ба ғолиби мусобиқа 500 доллари ИМА, ба барандаи ҷои дуюм 300 доллар ва ба барандаи ҷои сеюм 200 доллари ИМА тақдим карда шуд.

Ба Маҳина Баротова 200 доллари ИМА ҷоизапулӣ дода шуд.

Ҳамчунин иштирокчиёни фаъол бо сипосномаву туҳфаҳои раиси шаҳри Панҷакент қадрдонӣ гардиданд.

                                                                                АКС  аз КМО Тоҷикистон

Сентябрь 20, 2021 15:46

Хабарҳои дигари ин бахш

Имрӯз дар Душанбе Форуми Шурои олимпии Осиё ва ҳамбастагии олимпӣ баргузор мегардад
ҶОМИ ОСИЁ-2025. Имрӯз дастаи наврасони Тоҷикистон (U-17) дар даври аввал бо мунтахаби Уммон бозӣ мекунад
Барои дарёфти «Ҷоми Раиси шаҳри Душанбе» Мусобиқаи байналмилалии гӯштингирӣ баргузор мегардад
ҶОМИ ОСИЁ-2025. Дастаи мунтахаби наврасони Тоҷикистон (U-17) дар Ҷидда тамринҳои навбатӣ баргузор намуд
Дар Чемпионати Осиё оид ба ҷудо Тоҷикистонро 13 варзишгар муаррифӣ менамояд
Ғолибони шоҳҷоизаҳои Мусобиқаи гӯштини миллӣ дар ноҳияи Темурмалик муайян шуданд
Душанбе мизбони Форуми Шурои олимпии Осиё ва ҳамбастагии олимпӣ мегардад
Дар Душанбе Ҷоми ҷаҳон оид ба велосипедронии кӯҳӣ баргузор мегардад
Абдулло Давлатов бозиҳои қисми ниҳоии Ҷоми Осиё-2025-ро доварӣ менамояд
Дастаи мунтахаби наврасони Тоҷикистон (U-17) панҷ бозии санҷишӣ анҷом дод
ЧЕМПИОНАТИ ТОҶИКИСТОН. Бозиҳои даври сеюми дастаҳои Лигаи олӣ оид ба футбол оғоз мегарданд
Рақибони дастаи мунтахаби занонаи Тоҷикистон оид ба футбол дар марҳилаи интихобии Ҷоми Осиё-2026 муайян шуданд