Файзиддин Қаҳҳорзода дар Форуми иқтисодии Узбекистон Ҷумҳурии Тоҷикистонро намояндагӣ дорад

Сентябрь 30, 2021 14:08

ДУШАНБЕ, 30.09.2021 /АМИТ «Ховар»/. Аввалин Форуми байналмилалии иқтисодӣ, ки дирӯз дар шаҳри Тошканд оғоз ёфт, имрӯз кори худро ба анҷом мерасонад. Мавзӯи форум «Узбекистон: дастовардҳои ислоҳоти иқтисодӣ ва дурнамои онҳо» мебошад.

Тавре  хабарнигори махсуси АМИТ «Ховар» аз пойтахти Узбекистон иттилоъ медиҳад, дар ин форум Вазири молияи Тоҷикистон Файзиддин Қаҳҳорзода иштирок дорад. Беш аз 1300 иқтисоддонҳои маҳаллӣ ва хориҷӣ, намояндагони кишварҳои шарик ва институтҳои байналмилалии молиявӣ барои иштирок дар форум бори аввал сабти ном шудаанд. Миёни иштирокчиён роҳбарони идораҳои давлатии блоки иқтисодии баъзе кишварҳои ҷаҳон, инчунин ноиби президенти Бонки ҷаҳонӣ Анна Берде, ноиби президенти Бонки Рушди Осиё Шиксин Чен, ноиби президент ва роҳбари Шӯрои нозирон аз «Rothschild & Co»  Эрик де Ротшилд, собиқ раиси ширкати «Goldman Sachs Asset Management » Джеймс О’Нил,  намояндагони сармоягузорон — Veolia, Coca Cola Icecek, Total Eren, Acwa Power, Masdar, EdF ва бонкҳои  бузург ба мисли  Rothschilds, Lazard, JP Morgan, Citi, SocGen, Raiffeisen Bank, Deutsche Bank, Mizuho, ​​Natixis, Gazprombank, VTB, OTP Bank, TBC Bank, Sovcombank, Expobank ва ғайра ширкат доранд.

«Форум аҳамияти махсус дорад, зеро он дар марҳилаи нави ислоҳот дар кишвари мо баргузор мегардад ва коршиносон аз тамоми ҷаҳон барои баррасии масъалаҳои рӯзнома ҷамъ меоянд»,-гуфт ба хабарнигорон  Вазири рушди иқтисод ва  коҳиши камбизоатии Узбекистон Ҷамшед Кучкаров.

Форуми байналмилалии дурӯза бо ҷаласаи пленарӣ кушода шуд. Муҳокимаи ислоҳоти иқтисодӣ  бо иштироки меҳмонони баландпоя сурат гирифт.  Инчунин дар доираи барномаи кори Форум  ҳайатҳо дар 14 бахш, аз ҷумла дар мавзӯъҳо, ба монанди тағйир додани корхонаҳои давлатӣ ва бонкҳо, хусусигардонӣ, рушди бозори сармоя, лоиҳаҳои шарикии давлат ва бахши хусусӣ ва дурнамои ҳамкории иқтисодии минтақавӣ  табодули назар карданд.

Дар ҳамкорӣ бо  нашрияи бонуфузи  «Financial Times» муҳокимаи  васеъ дар мавзӯи «Озод кардани иқтисодиёт барои баланд бардоштани рақобатпазирӣ»  ташкил карда шуд, ки он дар платформаҳои онлайнии «Financial Times» мустақиман пахш карда мешавад.

Имрӯз, дар рӯзи дуюми форум, имзои якчанд созишномаҳо ва меморандумҳо дар назар аст. Тавре имрӯз Вазири рушди иқтисод ва коҳиши камбизоатии Ҷумҳурии Узбекистон Ҷамшед Кучкаров изҳори назар намуд, дар соҳаҳои гуногун  созишномаҳо ва қарзҳо ба маблағи 6,6 миллиард доллар ба имзо мерасанд.

Сентябрь 30, 2021 14:08

Хабарҳои дигари ин бахш

РОҒУН — МИНТАҚАИ САЙЁҲӢ. Дар ин бора Қарори Ҳукумати Ҷумҳурии Тоҷикистон ба тасвиб расид
Ориф Амирзода: «Маҳз бар асари гармшавии иқлим беш аз 1000 пиряхи Тоҷикистон комилан об шудаанд»
БА ИСТИҚБОЛИ ҶАШНИ 35-СОЛАГИИ ИСТИҚЛОЛИЯТИ ДАВЛАТӢ. Дар ноҳияи Рашт 5 бунгоҳи тиббӣ мавриди истифода қарор гирифт
Имконияти сайёҳии Тоҷикистон дар ЭКСПО-и сайёҳии Ҷопон муаррифӣ мегардад
Ҷаласаи навбатии Шӯро оид ба муайян намудани сатҳи камбизоатӣ ва табақаи миёнаи аҳолӣ баргузор шуд
Дар Душанбе масъалаи ҳамкорӣ бо Маркази минтақавии рушди иқтидори Хазинаи Байналмилалии Асъор баррасӣ гардид
Дар ноҳияи Мурғоб иқтидори истеҳсоли энергияи офтобӣ зиёд мешавад
Дар Душанбе Созишнома оид ба маблағгузорӣ миёни Тоҷикистон ва Ассотсиатсияи Байналмилалии Рушд ба имзо расид
Раиси Шӯрои директорони ҶДММ «Ғаюр Гурӯҳ» Акбар Асадулло: «Имрӯз вақти дар амал собит кардани ватандӯстии мо расидааст»
Бартарафсозии оқибатҳои даргириҳои марзӣ дар деҳоти Чоркуҳ ва Сурхи Исфара таҳти таваҷҷуҳи хоссаи Пешвои миллат қарор дорад
ҲАМЛАИ ТАҶОВУЗКОРОНАИ ҚИРҒИЗИСТОН. Шералӣ Ризоён бар ин назар аст, ки фарзияи коршиноси қирғиз дар бораи лоиҳаи роҳи оҳани Чин-Қирғизистон-Узбекистон кирои танқид ҳам намекунад
Дар Душанбе ҷаласаи XXV Шӯрои байниҳукуматии ИДМ оид ба иктишоф, истифода ва ҳифзи қаъри замин оғоз ёфт