ФУТБОЛ. Дар Душанбе бозиҳои интихобии Ҷоми Осиё-2022 миёни дастаҳои мунтахаби занона оғоз мешаванд

ДУШАНБЕ, 22.09.2021 /АМИТ «Ховар»/. Пагоҳ, соати 18:00, дар Варзишгоҳи марказии ҷумҳуриявии  шаҳри Душанбе Мусобиқаи интихобии Ҷоми Осиё-2022 оид ба футбол  байни дастаҳои мунтахаби занонаи Малдив,  Ветнам,  Сингапур, Индонезия ва Тоҷикистон  оғоз мешавад, хабар медиҳад шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон.

Ҳамаи  дастаҳои иштирокчӣ барои ширкат дар мусобиқаи интихобии Ҷоми Осиё-2022 байни дастаҳои мунтахаби занонаи гурӯҳҳои «В» ва «С» ба шаҳри Душанбе  омаданд. Мусобиқаи интихобии Ҷоми Осиё -2022 байни дастаҳои  миллии занона дар гурӯҳи «В» 23 сентябр бо бозӣ байни дастаҳои мунтахаби Малдив ва Ветнам оғоз мешавад. Рӯзи дигар, 24 сентябр, дар гурӯҳи «С»  вохӯрӣ байни дастаҳои  мунтахаби  Сингапур ва Индонезия баргузор мешавад. Асосан дар доираи мусобиқаи интихобии Ҷоми Осиё-2022 байни дастаҳои мунтахаби занона панҷ бозӣ дар гурӯҳҳои «В» ва «С» баргузор мешавад.

Мусобиқаи интихобии Ҷоми Осиё-2022 байни дастаҳои мунтахаби занона:

Гурӯҳи «В»: Ветнам, Тоҷикистон, Малдив.

Даври 1-ум

23 сентябр (панҷшанбе)

Оғози бозӣ соати 18:00

Малдив – Ветнам

Даври 2-юм

26 сентябр (якшанбе)

Оғози бозӣ 18:00

Тоҷикистон – Малдив

Даври 3-юм

29 сентябр (чоршанбе)

Оғози бозӣ соати 18:00

Ветнам – Тоҷикистон

Гурӯҳи «С»: Сингапур, Индонезия.

Даври 1-ум

24 сентябр (ҷумъа)

Оғози бозӣ соати 18:00

Сингапур – Индонезия

Даври 2-юм

27 сентябр (душанбе)

Оғози соати 18:00

Индонезия – Сингапур

Хотиррасон  мешавем, ки  ҳамаи бозиҳо дар Варзишгоҳи марказии ҷумҳуриявии шаҳри Душанбе   соати 18:00 оғоз мешаванд.

                                              АКС аз Федератсияи футболи Тоҷикистон