Кишварҳои СААД оид ба Афғонистон изҳорот имзо намуданд
ДУШАНБЕ, 15.09.2021 /АМИТ «Ховар»/. Дар машварати мақомоти кишварҳои СААД оид ба вазъи Афғонистон изҳороти муштарак қабул карда шуд, гуфт дабири кулли СААД Станислав Зас имрӯз дар Душанбе ба хабарнигорон.
Вай зикр дошт, ки аз рӯи натиҷаҳои ҷаласаи муштараки Шӯрои вазирони корҳои хориҷӣ, Шӯрои вазирони дифоъ ва Кумитаи котибони шӯроҳои амнияти ин созмон чанд санад ба имзо расид.
Аз ҷумла, намояндагони созмонҳои СААД ба баёнияи муштарак «Дар бораи вазъи Афғонистон» имзо гузоштанд.
Ҳамчунин изҳороти вазирони корҳои хориҷӣ дар бораи ҳамоҳангсозии кӯшишҳои муштарак дар соҳаи амнияти иттилоотӣ ва мубориза бо терроризми киберҷиноятӣ, инчунин талошҳои дастҷамъона барои ҳалли вазъиятҳои буҳронӣ дар Шарқи Наздик ва Африқои Шимолӣ ва ҳамкорӣ барои таъмини риояи қатъии онҳо тасдиқ карда шуданд.
Ҳамчунин маълум гардид, ки котибони шӯроҳои амнияти СААД тасмим гирифтаанд, ки Шӯрои ҳамоҳангсоз оид ба масъалаҳои амнияти биологӣ таъсис диҳанд.
Ёдовар мешавем, ки намояндагони Созмони Аҳдномаи амнияти дастҷамъӣ борҳо таъкид кардаанд, ки дар сурати зарурат Созмон омода аст дар пасманзари шиддат ёфтани вазъ дар Афғонистон ба Тоҷикистон кумаки фаврӣ расонад.
Ҳамчунин муайян аст, ки дар нишасти 16 сентябр дар Душанбе ҷонибҳо дар бораи муҷаҳҳаз сохтани неруҳои дастҷамъӣ бо аслиҳа ва техникаи муосир созишнома ба имзо мерасонанд.
Ҳамчунин неруҳои Созмони Аҳдномаи амнияти дастҷамъӣ дар наздикии марзҳои Афғонистон машқҳои омӯзишӣ мегузаронанд, то дар сурати ворид шудани ҷангҷӯёни эҳтимолӣ амалиёт анҷом диҳанд.
Дар Вазорати мудофиаи Тоҷикистон оид ба масоили марбут ба амнияти давлат ҷаласа доир шуд
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
Тақвияти ҳамкорӣ дар соҳаи амнияти миллӣ вобаста ба гардиши ғайриқонунии маводи химиявӣ, биологӣ, радиатсионӣ ва ядроӣ баррасӣ шуд
Дар Душанбе ҷаласаи Платформаи миллӣ оид ба паст намудани хавфи офатҳои табиӣ баргузор гардид
Котиби Шурои амнияти Ҷумҳурии Тоҷикистон бо Сафири Русия дар Тоҷикистон мулоқот намуд
Ҷаласаи корӣ бо иштироки роҳбарони мақомоти марказии иҷроияи ҳокимияти давлатии Ҷумҳурии Тоҷикистон доир гардид
ПЕШГИРИИ СӮХТОР. Қоидаҳо бар зидди сӯхторро қатъиян бояд риоя намуд
Милитсияи пойтахт аз шаҳрвандон талаб намуд, ки аз фурӯшу паҳнсозӣ ва истифодаи маводи тарфгарӣ худдорӣ кунанд
Ба муносибати таъсиси Воҳидҳои таъйиноти махсуси милитсия дар вилоятҳои Суғд, Хатлон ва Бадахшон ҷамъомади тантанавӣ доир шуд
РӮЗИ ТАЪСИСИ ВОҲИДҲОИ ТАЪЙИНОТИ МАХСУСИ МИЛИТСИЯ. Кормандони ин ниҳод вазифаҳои душвору масъулиятнок бар зимма доранд
Дар Минск вохӯрии вазирони корҳои дохилии Тоҷикистон ва Беларус баргузор гардид
Изҳороти Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон
