Суруди Созмони ҳамкории Шанхай бори аввал дар Душанбе садо медиҳад

Сентябрь 17, 2021 08:29

ДУШАНБЕ, 17.09.2021 /АМИТ «Ховар»/. Имрӯз, 17 сентябр, дар ҷаласаи Шӯрои сарони давлатҳои Созмони ҳамкории Шанхай (СҲШ) Суруди СҲШ бори аввал дар зери аркҳои шоҳкории нотакрори меъмории Осиё – «Кохи Наврӯз», ки бо ташаббуси Президенти Ҷумҳурии Тоҷикистон Эмомалӣ Раҳмон мувофиқа карда шуд, садо медиҳад, хабар медиҳад мухбири АМИТ «Ховар».

«Муаллифи Суруди СҲШ Ҳунарпешаи  халқии Ҷумҳурии Тоҷикистон ва раиси Иттифоқи оҳангсозони Тоҷикистон Амирбек Мусозода мебошад. Аввалин иҷрокунандаи Суруди СҲШ Оркестри давлатии симфонии кинематографияи Русия мебошад. Дирижёр Ҳунарпешаи халқии Русия Сергей Скрипка аст «, — гуфта шудааст дар маълумоти  сомонаи Котиботи СҲШ.

Аз ҷумла, дар мавод гуфта мешавад, «хеле рамзист, ки Суруди СҲШ дар соле навишта шудааст, ки Созмон бистумин солгарди таъсиси онро ҷашн мегирад ва нишасти СҲШ дар Душанбе марҳалаи нави таърихро барои пешрафти муттасили он мекушояд».

Рамзи 20 – солагии таъсиси Созмони ҳамкории Шанхай

Нишони СҲШ ва Парчами СҲШ дар тамоми ҷаҳон шинохта шудаанд. Суруди СҲШ боз як рамзи муҳим ва ҷудонопазири Созмон хоҳад шуд, ки принсипҳо ва фаъолияташ дар ҷомеаи ҷаҳонӣ эҳтироми зиёд пайдо кардаанд.

Суруди СҲШ дар ҳама чорабиниҳои расмии Созмон, машқҳои зиддитеррористӣ ва дигар машқҳои кишварҳои узви СҲШ, маросими ифтитоҳи фестивалҳои фарҳангӣ ва чорабиниҳои варзишӣ, ки таҳти сарпарастии СҲШ баргузор мешаванд, иҷро карда мешавад.

Суруди СҲШ инчунин дар муттаҳидсозии «оилаи СҲШ» нақши муҳими сафарбаркунанда мебозад ва ба кишварҳои узви Созмон дар расидан ба ҳадафҳои сулҳ, субот ва шукуфоӣ — аз уқёнуси Ором то Баҳри Балтика ва аз Ҳинд то Уқёнуси Арктика мусоидат хоҳад кард.

СҲШ ба мисли дигар созмонҳои байналмилалӣ рамзҳои расмии худро дорад. Онҳо аз ҷониби сарони кишварҳои узви СҲШ 29 майи соли 2003 дар шаҳри Москва тасдиқ шуда буданд. Аз он вақт инҷониб Нишони СҲШ ва Парчами СҲШ на танҳо ҳама чорабиниҳои расмиро, ки дар чаҳорчӯби Созмон ё бо иштироки он баргузор мешаванд, балки форумҳои бузурги байналмилалиро, ки созмонҳои шарики СММ ва СҲШ баргузор мекунанд, зиннат додаанд.

Парчами СҲШ дар баробари парчамҳои давлатии кишварҳои узви СҲШ бо ифтихор дар Пекин дар назди биноҳои Котиботи СҲШ ва дар Тошканд дар назди Сохтори минтақавии зиддитеррористии СҲШ алвонҷ мезанад ва Нишони СҲШ низ зимни ҳамаи рӯйдодҳои муҳим дар кишварҳои оилаи СҲШ дурахшон аст.

Парчами СҲШ

Ёдовар мешавем, ки нишони СҲШ дар доираи заминаи сабзи саманд шакли давра дорад. Дар маркази нишон — тасвири анъанавии нимкураи шимолии замин, дар дохили он — контурҳои қаламрави кишварҳои узви СҲШ ҷойгиранд. Дар тарафи чап ва рости тасвири анъанавии нимкураи шимолӣ ду шохаи зайтун бо ранги сабзранг тасвир шудаанд, ки рамзи сулҳ, некӯаҳволӣ ва шукуфоӣ мебошанд. Нақшаи рангҳои нишон хусусияти минтақавии Созмон ва ҳадафҳои асосии он: сулҳ, дӯстӣ, ҳамкорӣ, амният ва рушдро инъикос мекунад.

Нишони СҲШ

Парчами СҲШ матои сафеду росткунҷаест, ки дар марказаш нишони СҲШ ҷойгир аст. Худи нақшаи рангҳо, ки дар он Нишони СҲШ ва Парчами СҲШ сохта шудааст, аз тозагии мақсаду мароми  созмон дарак медиҳад. Тавре ки шумо медонед, сафед рамзи тозагии булӯр аст. СҲШ ба тамоми ҷаҳон ҳамчун намуди нави созмоне маълум аст, ки дар он ҳама қарорҳо дар асоси дастҷамъона ба манфиати ҳамаи давлатҳои аъзои иттиҳод, инчунин ба манфиати ояндаи шукуфони минтақаи васеи Авруосиё қабул карда мешаванд.

АКСҲО аз АМИТ «Ховар»/ Котиботи СҲШ

 

Сентябрь 17, 2021 08:29

Хабарҳои дигари ин бахш

Президенти Тоҷикистон: «Ҷашни Наврӯз ва истиқлолу озодӣ – ин ду мафҳуми барои ҳар яки мо азизу муқаддас аст»
«КАЪБА ЧӢ МЕРАВӢ, ДИЛЕРО ДАРЁБ…». Андешаҳо дар ҳошияи мулоқоти Президенти Тоҷикистон бо фаъолону намояндагони ҷомеа ва ходимони дин
Пешвои миллат: «Боиси ифтихор аст, ки Наврӯз – калимаи асили тоҷикӣ, яъне «рӯзи нав» ҳоло барои миллионҳо аҳолии сайёра ҳамчун рӯзи ҷашни фархунда вирди забон аст»
Эмомалӣ Раҳмон: «Наврӯз аз ҷумлаи бузургтарин ва маҳбубтарин ҷашнҳои тоҷикон мебошад»
СИЁСИШАВИИ ДИН — ХАТАР БА ФАРҲАНГИ МИЛЛӢ ВА СУБОТИ ҶОМЕА. Андешаҳои профессор Нозим Маҳмадизода дар ин мавзуъ
Президенти Тоҷикистон: «Бо назардошти шароити замона анъанаи неки гузаштагон – сарфаю сариштакориро бояд риоя намоем»
Сулаймон Талбакзода: «Дарси хештаншиносӣ ва хизмат ба халқу Ватанро аз Пешвои миллат бояд омӯзем»
Президенти Тоҷикистон: «Мушкилоти таъмини аҳолии сайёра бо озуқаворӣ моро водор менамояд, ки ҳар қитъа заминро оқилонаву самаранок истифода барем»
Пешвои миллат Эмомалӣ Раҳмон: «Ойинҳои наврӯзӣ аҳли башарро ба таҳаммулгароӣ, бунёдкориву созандагӣ ҳидоят менамоянд»
Пешвои миллат: «Дар шароити кунунӣ зарур аст, ки ба кишти такрорӣ, гирифтани се – чор ҳосил аз заминҳои обӣ эътибори аввалиндараҷа дода шавад»
Наврӯз дар баробари забони тоҷикӣ бунёди худшиносии тоҷиконро низ ташаккул додааст
Пешвои миллат Эмомалӣ Раҳмон: «Мақому ҷойгоҳи Наврӯз он қадар баланд буд, ки ҳеҷ монеа ва қуввае онро натавонист аз байн барад»