Замони баргузории бозиҳои даври 22-юми Чемпионати Тоҷикистон оид ба футбол миёни дастаҳои Лигаи олӣ муайян шуд
ДУШАНБЕ, 28.09.2021 /АМИТ «Ховар»/. Бозиҳои даври 22-юми Чемпионати Тоҷикистон оид ба футбол миёни дастаҳои Лигаи олӣ 2-3 октябр дар варзишгоҳҳои мамлакат баргузор мегарданд. Дар ин давр дастаҳои футболи «Равшан»-и шаҳри Кӯлоб бо «Душанбе»-и шаҳри Душанбе, «Кӯктош»-и ноҳияи Рӯдакӣ бо «Эсхата»-и шаҳри Хуҷанд, «Хатлон»-и шаҳри Бохтар бо Истаравшан»-и шаҳри Истаравшан, «Файзканд»-и ноҳияи Восеъ бо КМВА-и шаҳри Душанбе ва «Истиқлол»-и шаҳри Душанбе бо «Хуҷанд»-и шаҳри Хуҷанд миёни ҳам рақобат мекунанд, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.
Чанд рӯз пеш бозиҳои даври 21-уми Чемпионати Тоҷикистон оид ба футбол миёни дастаҳои Лигаи олӣ дар варзишгоҳҳои мамлакат баргузор гардида буданд. Дар ин давр дастаҳои футболи «Хуҷанд»-и шаҳри Хуҷанд бо «Кӯктош»-и ноҳияи Рӯдакӣ, КМВА-и шаҳри Душанбе бо «Душанбе»-и шаҳри Душанбе, «Хатлон»-и шаҳри Бохтар бо «Равшан»-и шаҳри Кӯлоб, «Истиқлол»-и шаҳри Душанбе бо Истаравшан»-и шаҳри Истаравшан ва «Эсхата»-и шаҳри Хуҷанд бо «Файзканд»-и ноҳияи Восеъ байни ҳам рақобат карданд.
Ин навбат дастаи футболи «Файзканд»-и ноҳияи Восеъ дар сафар бар дастаи «Эсхата»-и шаҳри Хуҷанд бо ҳисоби 1:0 ғалаба карда, аз тарки Лигаи олӣ раҳоӣ ёфт. Голи ягонаи бозиро Н’Ди Лукас Кевин дар дақиқаи 54-ум ба нишон расонид. Дастаи футболи «Файзканд»- и ноҳияи Восеъ, ки дар чанд даври охир дар ҷои нуҳуми ҷадвал буд, бо шарофати ин ғалаба ба ҷои ҳаштум баромад.
КМВА пирӯзиҳояшро идома дода, ин бор ба дарвозаи дастаи «Душанбе»-и шаҳри Душанбе 4 голи беҷавоб зад. Ҳар чор тӯбро Фатҳулло Фатҳуллоев вориди дарвозаи ҳариф намуд.
Дастаи футболи «Хуҷанд»-и шаҳри Хуҷанд дар майдони худ бар дастаи «Кӯктош»-и ноҳияи Рӯдакӣ бо ҳисоби 4:2 пирӯз шуд. Дар дақиқаи дуюми бозӣ футболбози дастаи «Кӯктош» Нодирбек Иброҳимов нохост тӯбро вориди дарвозаи дастааш кард. Се голи дигари хуҷандиҳоро Нозим Бобоҷонов, Комрон Турсунов ва Далер Ёдгоров ба нишон расониданд. Голҳои дастаи футболи «Кӯктош»-и ноҳияи Рӯдакиро Насимҷон Муҳаммадиев ба ҳадаф расонид.
Дар бозии марказии давр дастаи футболи «Истиқлол»-и шаҳри Душанбе дар сафар бар дастаи «Истаравшан»-и шаҳри Истаравшан бо ҳисоби 1:0 зафар ёфт ва мавқеашро дар ҷои аввал мустаҳкамтар намуд. Голро Алексей Ларин дар дақиқаи 48 ба нишон расонид.
Дар бозӣ миёни ду дастаи вилояти Хатлон — «Хатлон»-и шаҳри Бохтар ва «Равшан»-и шаҳри Кӯлоб «Хатлон» бо ҳисоби 2:1 зафар ёфт. Ҳисобро бозингари дастаи футболи «Равшан»-и шаҳри Кӯлоб Овусу Обед дар дақиқаи 10 кушод. Бозингарони дастаи футболи «Хатлон»-и шаҳри Бохтар Нуриддин Ҳамроқулов ва Парвиз Боқӣ-Охунов дар нимаи дуюм ду гол зада, ғалабаи дастаашонро таъмин намуданд.
Пас аз натиҷагирии 21 даври бозиҳо мисли пеш дастаи футболи «Истиқлол»-и шаҳри Душанбе пешсаф аст. Ин даста дар ихтиёр 51 хол дорад. Дастаи футболи «Хуҷанд»-и шаҳри Хуҷанд бо 10 хол камтар (41) дар ҷои дуюм аст. КМВА, ки холҳояш ба 33 расид, мавқеашро барои медалҳои биринҷӣ мустаҳкамтар кард.
| ҶОЙИ | ДАСТАҲО | Б | Ғ | М | Б | Т-Т | Х |
| 1 | «Истиқлол» (Душанбе) | 20 | 16 | 3 | 1 | 57-7 | 51 |
| 2 | «Хуҷанд» (Хуҷанд) | 20 | 13 | 2 | 5 | 43-21 | 41 |
| 3 | КМВА (Душанбе) | 21 | 9 | 6 | 6 | 30-25 | 33 |
| 4 | «Истаравшан» (Истаравшан) | 21 | 8 | 5 | 8 | 23-22 | 29 |
| 5 | «Хатлон» (Бохтар) | 21 | 8 | 5 | 8 | 23-26 | 29 |
| 6 | «Эсхата» (Хуҷанд) | 21 | 8 | 3 | 10 | 29-35 | 27 |
| 7 | «Равшан» (Кӯлоб) | 21 | 5 | 8 | 8 | 20-26 | 23 |
| 8 | «Файзканд» (Восеъ) | 21 | 5 | 5 | 11 | 14-26 | 20 |
| 9 | «Душанбе» (Душанбе) | 21 | 4 | 6 | 11 | 21-48 | 18 |
| 10 | «Кӯктош» (Рӯдакӣ) | 21 | 4 | 5 | 12 | 26-50 | 17 |
АКС аз Федератсияи футболи Тоҷикистон
Конфедератсияи футболи Осиё тақвими бозиҳои марҳилаи интихобии Ҷоми Осиё-2026 оид ба футзалро тасдиқ намуд
ФУТБОЛ. Пагоҳ дар Душанбе марҳилаи интихобии Ҷоми Осиё-2026 байни дастаҳои занона дар гурӯҳи «H» оғоз мешавад
Рақибони дастаи мунтахаби футзали Тоҷикистон дар марҳилаи интихобии Ҷоми Осиё-2026 маълум шуданд
Дастаи мунтахаби футзали Тоҷикистон дар бозии дӯстона боз бар тими Амороти Муттаҳидаи Араб ғалаба кард
ФУТБОЛ. Фонди ҷоизавии мусобиқаи «Ҷоми Ҷавонӣ-2025» 60 ҳазор сомониро ташкил медиҳад
Бозии дӯстона байни дастаҳои мунтахаби олимпии Тоҷикистон ва Қирғизистон мусовӣ анҷом ёфт
ФУТБОЛ. Истиқлол» бар «Регар-ТадАЗ» ва «Вахш» бар «Хуҷанд» ғалаба намуд
ФУТЗАЛ. Дастаи мунтахаби Тоҷикистон дар бозии дӯстона бо тими мунтахаби Амороти Муттаҳидаи Араб ғолиб омад
«Регар ТадАЗ» дар мусобиқа оид ба волейбол дар ноҳияи Восеъ сазовори Шоҳҷоиза гардид
Дар Ҳисор бозии дӯстонаи дастаи олимпии Тоҷикистон (U-23) бо мунтахаби олимпии Қирғизистон доир мешавад
Федератсияи футболи Тоҷикистон соҳиби ҶОИЗАИ БИРИНҶИИ «FIFA FORWARD AWARDS» гардид
Дастаи мунтахаби футзали Тоҷикистон бо тими Амороти Муттаҳидаи Араб бозиҳои дӯстона анҷом медиҳад
