Ҳайати парлумонии Маҷлиси намояндагон таҳти раёсати Маҳмадтоир Зокирзода ба Ҷумҳурии Туркия сафар намуд

Октябрь 12, 2021 09:48

ДУШАНБЕ, 12.10.2021 /АМИТ «Ховар»/. Субҳи имрӯз ҳайати парлумонии Маҷлиси намояндагони Маҷлиси Олии Ҷумҳурии Тоҷикистон таҳти раёсати Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода бо сафари корӣ ба Ҷумҳурии Туркия сафар намуд, иттилоъ дод ба АМИТ «Ховар» котиби матбуоти Маҷлиси намояндагон Муҳаммадато Султонов.

Сафари мазкур бо даъвати Раиси Маҷлиси Бузурги Миллии Туркия Мустафо Шентоп аз 12 то 15 октябр амалӣ  мегардад. Ба ҳайат  раиси кумитаи Маҷлиси намояндагон оид ба корҳои байналмилалӣ, иттиҳодияҳои ҷамъиятӣ ва иттилоот Саидмурод Фаттоҳзода, вакилони Маҷлиси намояндагон  Мавлудахон Мирзозода  ва Мирзоанвар Ахмедов шомиланд.

Дар назар аст, ки Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода  зимни сафар бо Раиси Маҷлиси Бузурги Миллии Туркия Мустафо Шентоп, вазири корҳои хориҷии Ҷумҳурии Туркия  Мавлуд Човушоғлу ва дигар намояндагони воломақоми ҳукумати ин кишвар дидору мулоқот анҷом диҳад.

Ёдовар мешавем, ки Ҷумҳурии Туркия барои Ҷумҳурии Тоҷикистон яке аз шарикони афзалиятнок ба ҳисоб меравад. Байни ду кишвар дар соҳаҳои мухталиф, аз ҷумла иқтисодиёт, тиҷорат, энергетика, саноат, маориф, фарҳанг ҳамкории самарабахш идома дорад. Ҳамкорӣ ва дастгирии доимии ҳарду кишвар дар доираи созмонҳои байналмилалӣ ва форумҳо, хусусан дар доираи ҷаласаҳои Созмони Милали Муттаҳид мусбат арзёбӣ мегардад.

29 январи соли 1992 Ҷумҳурии Туркия истиқлолияти Тоҷикистонро ба расмият шинохт ва ҳамзамон байни ду кишвар муносибатҳои дипломатӣ барқарор гардиданд. Худи ҳамон сол Сафорати Ҷумҳурии Туркия дар Душанбе ба фаъолият шурӯъ намуд. Моҳи декабри соли 1995 Сафорати Ҷумҳурии Тоҷикистон дар Анқара ифтитоҳ гардид. Инчунин соли 2011 Консулгарии генералии Ҷумҳурии Тоҷикистон дар Истанбул ба кор шурӯъ намуд.

АКС: МНМО ҶТ

Октябрь 12, 2021 09:48

Хабарҳои дигари ин бахш

Дилрабо Мансурӣ дар Анҷумани сеюми занони Авруосиё доир ба нақши занон дар рушди дипломатияи сулҳ ва боварӣ сухан гуфт
Чин ба Тоҷикистон дар ҳаҷми 800 миллион юани чинӣ кумаки бебозгашт пешниҳод намудааст
Миёни Маҷлиси намояндагони Маҷлиси Олии Ҷумҳурии Тоҷикистон ва Маҷлиси Бузурги миллии Туркия Протокол оид ба ҳамкории байнипарламентӣ ба имзо расид
Раиси Маҷлиси намояндагони Маҷлиси Олии Тоҷикистон Маҳмадтоир Зокирзода бо Раиси Маҷлиси Бузурги Миллии Туркия Мустафо Шентоп мулоқот намуд
Раиси Маҷлиси намояндагон Маҳмадтоир Зокирзода бо Президенти Туркия Реҷеп Тайип Эрдуғон мулоқот намуд
Маҳмадтоир Зокирзода бо Вазири корҳои хориҷии Ҷумҳурии Туркия Мавлуд Човушоғлу мулоқот намуд
Маҳмадтоир Зокирзода бо роҳбари гурӯҳи дӯстии байнипарлумонии Туркия-Тоҷикистон Аҳмед Узер мулоқот намуд
Ҷавобгарӣ барои қонунвайронкунӣ аз тарафи пиёдагардон пурзӯр мегардад
Дилрабо Мансурӣ: Баробарии марду зан ҳуқуқи асосии инсон ва омили муҳими рушди устувор мебошад
Дар ҷаласаи навбатии иҷлосияи сеюми Маҷлиси намояндагон қарорҳои дахлдор қабул карда шуданд
Лоиҳаи Қонун «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи маориф» баррасӣ гардид
Дар Маҷлиси намояндагон дар мавзӯи «Бунёди ҷомеаи муштараки Чин ва Осиёи Марказӣ бо тақдири ягона» ҳамоиш доир шуд