Бадахшон нақшаи даъвати тирамоҳии ҷавонписаронро ба сафи Қувваҳои Мусаллаҳ 100% иҷро намуд
ДУШАНБЕ, 01.10.2021. /АМИТ «Ховар»/. Вилояти Мухтори Кӯҳистони Бадахшон аз аввалинҳо шуда нақшаи даъвати тирамоҳии ҷавонписаронро ба сафи Қувваҳои Мусаллаҳи Ҷумҳурии Тоҷикистон 100 фоиз иҷро намуд. Дар ин бора ба АМИТ «Ховар» аз мақомоти иҷроияи ҳокимияти давлатии вилояти ВМКБ хабар доданд.
Имрӯз ба ин муносибат дар Варзишгоҳи марказии шаҳри Хоруғ бо иштироки раиси вилоят Ёдгор Файзов, раиси шаҳри Хоруғ Мирзонабот Алишер, раиси ноҳияи Ишкошим Мусо Мирзозода, роҳбарият ва масъулини мақомоти маҳаллии ҳокимияти давлатии дигар ноҳияҳо, сарбозон, наваскарону волидони онҳо чорабинии гусели наваскарон доир гардид.
Раиси вилоят Ё. Файзовзикр кард, ки ҷавонони бонангу ори вилояти Бадахшон бори дигар матонат, вафодорӣ ва қарзи фарзандиро дар назди Ватан – модар, Пешвои миллат муҳтарам Эмомалӣ Раҳмон ва ҳамаи тоҷикистониён собит намуданд.
«Ҳамаи мо дар қалбу ниҳоди худ таассурот аз ташрифи навбатии Пешвои муаззами миллат муҳтарам Эмомалӣ Раҳмон ба ВМКБ, таҷлили бошукӯҳи ҷашни сисолагии соҳибистиқлолиро дорему дар ин асно чи қадар корҳои ободонию созандагие дар тамоми соҳаҳо рӯи кор омаданд. Вале туҳфаи беҳтарин, ки чанде пеш аз забони худи Пешвои миллат садо дод, инро метавон корнамоии ҷавонони ВМКБ дар самти даъват ба хизмати ҳарбӣ унвон кард, зеро онҳо ин дафъа ҳам нақшаи даъватро бо сари баланд иҷро намуданд»- афзуд Ёдгор Файзов.
Маврид ба зикр аст, ки тайи чанд со ласт Вилояти Мухтори Куҳистони Бадахшон яке аз аввалинҳо шуда нақшаи даъвати ҷавонон ба сафи Қувваҳои Мусаллаҳро дар рӯзи нахустини сафарбаркунӣ иҷро менамояд. Президенти мамлакат муҳтарам Эмомалӣ Раҳмон зимни сафари корӣ ба вилояти Бадахшон, ки рӯзҳои 27-30 сентябри соли ҷорӣ сурат гирифт, аз доштани ҳисси баланди ватандорӣ ва масъулиятшиносии ҷавонони Бадахшон изҳори ситоиш намуда, ба масъулин ва мардуми Бадахшон барои ин амали шоиста арзи сипос карданд.
Дар ин чорабинӣ кӯдакону наваскарон дар васфи шуҷоату мардонагӣ шеърхонӣ ва баромадҳо намуданд. Инчунин аҳли фарҳанги вилоят барномаи ҷолиби консертиро пешкаши ҳозирин гардониданд.
АСС аз мақомоти иҷроияи ҳокимияти давлатии вилояти ВМКБ
Тоҷикистон ва Узбекистон ҳамкории амниятиро барои муқовимат ба таҳдидҳо тақвият мебахшанд
Ҳайати Тоҷикистон дар Форуми Осиё ва Уқёнуси Ором дар Филиппин иштирок намуд
Дар Кӯлоб ҷаласаи Шурои ҳамоҳангсозии фаъолияти мақомоти ҳифзи ҳуқуқ баргузор гардид
ҲАР АМАЛИ НОДУРУСТ ҶАВОБГАРӢ ДАР ПАЙ ДОРАД! Дар Душанбе паҳнкунандагони доруи психотропии «Прегабалин» дастгир шуданд
Ҳайати Тоҷикистон дар Вена дар конфронси Созмони Милали Муттаҳид оид ба мубориза бо қаллобӣ иштирок дорад
Дар Вена ҳамкории Тоҷикистон ва Британияи Кабир дар соҳаи ҳифзи ҳуқуқ баррасӣ гардид
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
