Дар ҷануби Тоҷикистон марҳилаи дуюми амалиёти «Нелегал-Кордон 2021» ба анҷом расид

Октябрь 19, 2021 16:14

 ДУШАНБЕ, 19.10.2021 /АМИТ «Ховар»/. Аз 11 то 18 октябр кормандони Хадамоти шиносномадиҳӣ ва бақайдгирии ВКД дар вилояти Хатлон бо мақсади ҳифзи тартиботи ҷамъиятӣ, пешгирии ҷинояткорӣ, ошкор кардани муҳоҷирати ғайриқонунӣ ва дигар қонуншиканиҳо марҳилаи дуюми амалиёти «Нелегал-Кордон 2021»-ро гузарониданд. Дар ин бора Вазорати корҳои дохилии Тоҷикистон хабар медиҳад.

Амалиёти «Нелегал-Кордон 2021» аз ҷониби кормандони милитсия дар якҷоягӣ бо намояндагони Кумитаи давлатии амнияти миллӣ, Хадамоти муҳоҷират ва шуғли аҳолӣ гузаронида шуд.

Ҳадафи баргузории амалиёт- муайян кардани роҳҳои муҳоҷирати ғайриқонунӣ, пурзӯр кардани назорат аз болои риояи қоидаҳои будубоши шаҳрвандони хориҷӣ ва шахсони бешаҳрвандӣ дар қаламрави вилоят мебошад.

Ҳуҷҷатҳои ҳамаи шаҳрвандони хориҷие, ки дар ин минтақа кору зиндагӣ мекунанд, тафтиш карда шуд. Якчанд камбудиҳо ошкор ва бартараф карда шуданд.

Айни замон дар ҷойҳои ҷамъиятӣ, бозорҳо ва марказҳои савдо санҷишҳо гузаронида мешаванд.

Бояд тазаккур дод, ки марҳилаи аввали амалиёт бо номи «Нелегал-Трафик» дар вилояти Хатлон аз 5 то 12 июл гузаронида шуд.

АКС аз ВКД Ҷумҳурии Тоҷикистон

Октябрь 19, 2021 16:14

Хабарҳои дигари ин бахш

«ПРЕЗИДЕНТ – ҲОМИИ МИЛЛАТ». Таҳти чунин унвон дар Китобхонаи миллии Тоҷикистон ҳамоиш доир шуд
Пагоҳ ба шарафи Рӯзи Президент намоиш-фурӯши китобҳо доир мешавад
Бахшида ба Рӯзи Президент маросими ҷоизасупорӣ ба ғолибони Озмуни ҷумҳуриявии «Тоҷикистон – Ватани азизи ман» доир мешавад
Хонандагони тоҷик дар Олимпиадаи байналмилалии физика дар Узбекистон соҳиби ҷойи сеюм шуданд
«30-солагии ИДМ: таҷриба ва навоварӣ». Таҳти чунин унвон дар Қасри Таврический ҷаласаи пленарӣ доир шуд
Дар Тоҷикистон даври интихобии Озмуни телевизионии «The Central Asia’s Got Talent» оғоз шуд
САМБО. Акмалиддин Каримов, Хушқадам Хусравов ва Табрезшоҳ Парпишоев соҳиби медалҳои чемпионати ҷаҳон шуданд
Дар Қубодиён қаллобон барои тасарруфи беш аз 150 ҳазор сомонӣ дастгир шуданд
Дар Раёсати Вазорати корҳои дохилӣ дар вилояти Суғд санги асоси бинои иловагӣ гузошта шуд
ОБУ ҲАВО: Имрӯз дар Тоҷикистон ҳавои тағйирёбанда шуда, дар баъзе ноҳияҳо туман мефарояд
Чемпионати ҷаҳон оид ба бокс миёни бонувон то моҳи марти соли 2022 мавқуф гузошта шуд
ОБУ ҲАВО: Имрӯз дар Тоҷикистон ҳаво абрнок шуда, дар ноҳияҳои алоҳидаи кӯҳӣ борон ва барф меборад