Дар гузаргоҳи Қулма бо иштироки гурӯҳи кории байниидоравӣ масъалаи боркашонӣ баррасӣ шуд

Октябрь 14, 2021 11:42

ДУШАНБЕ, 14.10.2021 /АМИТ «Ховар»/. Гурӯҳи кории байниидоравӣ, иборат аз намояндагони вазорату идораҳои марбутаи мамлакат  аз гузаргоҳи сарҳадии Қулма, воқеъ дар марзи Тоҷикистон ва Чин  боздид намуд, иттилоъ доданд ба АМИТ «Ховар» аз Вазорати нақлиёти мамлакат.

Баъди боздид аз  гузаргоҳи сарҳадии Қулма таҳти раёсати муо­вини Вазири нақлиёти ҷумҳурӣ Шоиста Саид­муродзода ҷаласа доир гардид, ки дар он масъалаи зиёд намудан ва тавсеаи ҳамлу нақли байналмилалии автомобилӣ бо Чин баррасӣ гардид. Муовини Вазири нақлиёт  иштирокдорони ҷаласаро бо вазъи кунунии ҳамлу нақли байналмилалии автомобилӣ бо Чин ва мушкилоти ҷойдошта дар ин самт ши­нос намуд. Мавсуф зикр кард, ки тибқи мактуби Сафорати Ҷумҳурии Мардумии Чин дар Ҷумҳурии Тоҷикистон реҷаи мувофиқашуда аз ҷониби мақомоти назора­тии Тоҷикистон риоя ва контейнерҳои холӣ бо саба­би тамиз  нашуданашон аз ҷониби Чин бозпас гирифта на­мешаванд. Ҳамчунин мавҷуд набудани крани магнитӣ дар ҷониби Тоҷикистон масъалаи сари вақт ва босифат интиқол додани контейнерҳои бор­дорро мушкил гардонда, са­баби ҷамъ шудани воситаҳои нақлиёти зиёд бо борҳои мавриди ниё­зи мардум дар ҳудуди Чин гардидааст.

Дар ҷаласа масъулини дигар соҳаҳо изҳор доштанд, ки мақомоти назоратӣ дар сарҳад пайваста дар фаъоли­ят буда, гузаргоҳ аз ҷониби Тоҷикистон ба таври доимӣ кор мекунад. Иштирокдо­рон ҷиҳати ҳалли масъалаи мавҷуда пешниҳодҳои му­шаххас манзур намуданд. Дар ҷаласа қарор қабул шуд, ки тибқи он масъулин вазифадор гардиданд, ки роҳи ҳалли мушкилотро пайдо намоянд. Аз ҷумла, ҶСП «Тоҷиквнештранс» вазифадор гардид, ки имкони харидани крани магнитӣ ва васлу насби онро дар гузаргоҳи Қулма баррасӣ намуда, оид ба ҳалли ин масъала ба Вазорати нақлиёт пешниҳоди худро ироа созад.

Хадамоти гумруки наз­ди Ҳукумати ҷумҳурӣ  бояд фаъолияти мақомоти назоратиро дар сарҳад ҳамоҳанг созад ва бо мақсади эмин нигоҳ доштани роҳҳои автомобилгард ва ин­шооти он ҳангоми ба расми­ятдарории гумрукӣ меъёрҳои тасдиқгардидаи ҳаҷму андо­заро дар нақлиёти боркаш риоя намояд. Ҳамчунин бо мақсади дуруст ба роҳ мон­дани ҳисобу китоби оморӣ, аз нав барасмиятдарорӣ ва дигар амалиётро вобаста ба интиқоли бор дар ҳамкорӣ бо Хадамоти давлатии назорат ва танзим дар соҳаи нақлиёт ва Муассисаи давлати  «Нақлиёти автомобилӣ ва хизма­трасонии логистикӣ» анҷом диҳанд. Инчунин МД «Нақлиёти автомобилӣ ва хиз­матрасонии логистикӣ» дар якҷоягӣ бо Хадамоти давлатии на­зорат ва танзим дар соҳаи нақлиёт гузариши воситаҳои нақлиёти боркашро дар гузаргоҳ таъмин намуда, ра­ванди интиқолро зери на­зорати қатъӣ қарор дода, барои интиқоли таҷҳизот ва борҳои калонҳаҷму вазнин танҳо бо воситаҳои нақлиёти мувофиқ иҷозат диҳанд.

Вазорати нақлиёт усу­ли самараноки интиқолро аз гузаргоҳи Қулма коркард намуда, бо ҷониби Чин ҳамоҳанг ва ба интиқолдиҳандагон пешниҳод намояд. Ба Вазо­рати тандурустӣ ва ҳифзи иҷтимоии аҳолӣ дастур дода шуд, ки дар ҳамкорӣ бо Агентии бехатарии озуқавории назди Ҳукумати ҷумҳурӣ ҳарчи зудтар ба роҳ мондани сохтмони бинои безараргардонии воситаҳои нақлиёт ва контейнерҳоро дар гузаргоҳ таъмин намо­янд.

 Аксҳо аз Вазорати нақлиёти ҶТ ва манбаъҳои боз

Октябрь 14, 2021 11:42

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт