Дар Хоруғ даври вилоятии Озмуни ҷумҳуриявии «Фурӯғи субҳи доноӣ китоб аст» оғоз ёфт
ДУШАНБЕ, 22.10.2021 /АМИТ «Ховар»/. Дар шаҳри Хоруғи Вилояти Мухтори Кӯҳистони Бадахшон даври вилоятии Озмуни ҷумҳуриявии «Фурӯғи субҳи доноӣ китоб аст» оғоз гардид, хабар медиҳад АМИТ «Ховар» бо истинод ба Донишгоҳи давлатии Хоруғ ба номи Моёншо Назаршоев.
Дар озмун муовини Раиси вилоят Назира Амирбекзода ба ҳайси раиси ҳайати ҳакамон иштирок намуд.
Ба иттилои узви ҳайати ҳакамон, профессор Назрӣ Офаридаев, дар даври вилоятии озмун зиёда аз 245 нафар иштирокчӣ, ҳаводорони сухани нобу каломи бадеъ, адибону нависандагони ҷавон, калонсолон, мактаббачагон, наврасону ҷавонон бо маҳорату ҳунари хуб аз рӯи номинаҳои адабиёти классикӣ, адабиёти ҷаҳон, адабиёти муосир ва эҷоди назму наср ширкат менамоянд.
Даври вилоятии озмуни то 23 октябр дар толори Мақомоти иҷроияи ҳокимияти давлатии вилоят, Донишгоҳи давлатии Хоруғ ва Китобхонаи вилоятӣ ба номи Абуабдуллои Рӯдакӣ сурат гирифта, ғолибони он бо мукофотпулию ифтихорномаҳо қадрдонӣ мешаванд.
Ёдовар мешавем, ки Озмуни ҷумҳуриявии «Фурӯғи субҳи доноӣ китоб аст» давоми чанд соли охир аст, ки бо иқдоми хирадмандонаю маорифпарваронаи Пешвои миллат муҳтарам Эмомалӣ Раҳмон ҷиҳати баланд бардоштани маърифати мардум, ҷалби наврасону ҷавонон ба китобхонӣ, бедор намудани ҳисси худогоҳию хештаншиносӣ ва дарёфти истеъдодҳои тоза дар саросари кишвар ҷараён дорад.
АКСҲО аз ДДХ
Моҳи октябр дар Душанбе Бозиҳои XX Делфии ҷавонони кишварҳои аъзои ИДМ доир мегардад
Дар Душанбе Рӯзҳои кинои Эрон баргузор мегарданд
Дар Рим Намоишгоҳи байналмилалии «Тоҷикистон – кишвари ёдгориҳои нодир» ташкил карда мешавад
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
Дар Осорхонаи миллии Тоҷикистон маҳфили «Шоҳномахонӣ» баргузор гардид
«ТОҶИ СОМОН». Марҳилаи интихоби беҳтарин филмҳо барои синамоҷоизаи миллӣ оғоз гардид
Котиби генералии Ассамблеяи парламентии Осиё дар Осорхонаи миллӣ бо таъриху тамаддуни тоҷикон шинос шуд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
Иштирокдорони Конфронси байналмилалии «Рӯдакӣ – эҳёгари андеша ва фарҳанги миллӣ» Осорхонаи миллии Тоҷикистонро тамошо намуданд
«РӮДАКӢ — ЭҲЁГАРИ АНДЕША ВА ФАРҲАНГИ МИЛЛӢ». Таҳти ин унвон конференсияи байналмилалии илмӣ-назариявӣ доир шуд
«Нақши Пешвои миллат дар эҳё ва муаррифии тамаддуни ориёӣ». Таҳти чунин унвон маҳфили «Тоҷикшиносӣ» доир шуд
