Дар Тоҷикистон таҳти унвони «Санъати ороишӣ дар фазои ИДМ» конференсияи байналмилалӣ доир шуд
ДУШАНБЕ, 26.10.2021 /АМИТ «Ховар»/. Имрӯз дар Осорхонаи миллии Тоҷикистон таҳти унвони «Санъати ороишӣ дар фазои ИДМ» дар доираи барномаи байналмилалии «Мероси Иттиҳод. Анъанаҳо барои оянда» бо иштироки 28 намоянда аз 8 кишвари ҷаҳон, аз ҷумла Русия, Қазоқистон, Озарбойҷон, Узбекистон, Қирғизистон ва Арманистон конференсияи байналмилалӣ доир гардид, иттилоъ дод ба АМИТ «Ховар» сардори шуъбаи экскурсионӣ ва оммавии Осорхонаи миллии Тоҷикистон Фаридун Кенҷаев.
Директори Осорхонаи миллии Тоҷикистон Аҳлиддин Ибодуллозода дар ифтитоҳи конференсия зикр намуд, ки «дар ҷаҳони муосир осорхонаҳо дар ҳалли масъалаи ҳифз ва эҳёи анъанаҳои фарҳангии ҳар миллати алоҳида ҷои махсусро ишғол мекунанд. Чунки онҳо на танҳо махзани мероси моддию маънавии ниёгони мардуми ин ё он минтақа мебошанд, балки ба доираи васеи тамошобинон нигаронида шудаанд».
Конференсияи имрӯза барои рушди осорхонаҳо дар фазои ИДМ аҳамияти хосса дошта, ба паҳн кардани усулҳо, донишҳои коршиносон мусоидат карда, мубодилаи намоишҳоро инкишоф медиҳаду фаъолияти тадқиқотию таълимиро ҳавасманд мекунад. Зеро давоми ин солҳо бо баргузории чунин конференсияҳо садҳо мутахассисон аз тамоми кишварҳои ИДМ муттаҳид гардидаанд.
Ҳамчунин дар ин рӯз аз ҷониби иштирокдорон маърӯзаҳо доир ба санъати ороишӣ ва дигар мавзӯъҳои вобаста ба он ироа гардиданд.
Конференсияи байналмилалии «Санъати ороишӣ дар фазои ИДМ» то 29 октябр идома ёфта, дар ин рӯзҳо иштирокдорон аз мавзеъҳои фарҳангии шаҳри Душанбе, ки дар онҳо санъати ороишӣ истифода гардидааст, дидан менамоянд.
АКСҲО аз Осорхонаи миллии Тоҷикистон
Дар ноҳияи Рӯдакӣ таҳти унвони «Тоҷикона мепӯшем!» ҳамоиши занону духтарон баргузор гардид
Дар Минск нахустин тарабхонаи тоҷикӣ бо номи «Умари Хайём» ифтитоҳ гардид
Роҳбарият ва кормандони Осорхонаи миллӣ дар Рим осорхонаҳои Капитолиниро тамошо намуданд
Китоби «Арзёбии метеорологию экологии ташаббусҳои ҷаҳонии Пешвои миллат дар соҳаи обу иқлим» ба нашр расид
«НАМУНАИ АДАБИЁТИ ТОҶИК». Устод Айнӣ дар ин асар ориёӣ будани халқи тоҷикро собит намудааст
ВАССОФИ ВАТАН. Бахшида ба 115-солагии Шоири халқии Тоҷикистон Мирзо Турсунзода маҳфили адабӣ баргузор мешавад
«РОБИАИ БАЛХӢ — НОБИҒАИ ШЕЪРИ ТОҶИК». Бахшида ба 1050-солагии Робиаи Балхӣ дар Тоҷикобод конфронси илмӣ доир шуд
ҲАМЕША БО ВАТАН БУДАМ. Ба зодрӯзи вассофи сулҳу дӯстӣ, Каҳрамони Тоҷикистон Мирзо Турсунзода 115 сол пур мешавад
Ба муносибати 115-солагии Мирзо Турсунзода дар шаҳри Турсунзода конференсияи илмӣ-назариявӣ-ҳизбӣ баргузор шуд
Дар Рим Намоиши байналмилалии «Тоҷикистон — кишвари ёдгориҳои нодир» ташкил карда мешавад
«ЯК МАТОВУ САД РАНГ». Баргузории фестивал-озмун ба баланд бардоштани мақоми либоси миллӣ мусоидат менамояд
Дар Осорхонаи миллӣ намоиши «Абдулло Ашуров — устоди мактаби мусаввирии тоҷик» ифтитоҳ ёфт
