Дар Тошканд масъалаҳои воридоти сӯзишворӣ ба Ҷумҳурии Тоҷикистон баррасӣ гардиданд
ДУШАНБЕ, 04.10.2021 /АМИТ «Ховар»/. Масъалаҳои вобаста ба тақвияти ҳамкорӣ дар самти харидорӣ намудани маҳсулоти нафтӣ, аз ҷумла сӯзишвории бензин, дизел ва гази моеъ аз ҷониби субъектҳои хоҷагидор ва воридоти онҳо ба бозори Ҷумҳурии Тоҷикистон дар Тошканд зимни мулоқоти ҳайати Тоҷикистон бо иштироки муовини Вазири энергетика ва захираҳои оби Ҷумҳурии Тоҷикистон Шарифа Худобахш ва муовини якуми сардори Хадамоти зиддиинҳисории назди Ҳукумати Ҷумҳурии Тоҷикистон Сафаралӣ Қурбонзода бо муовини якуми раиси идоракунии Ҷамъияти саҳомии «Узбекнефтегаз» Шаҳзод Алиризоев баррасӣ гардиданд.
Тавре аз Хадамоти зиддиинҳисорӣ ба АМИТ «Ховар» хабар доданд, тибқи иттилои Ҷамъияти саҳомии «Узбекнефтегаз» айни замон ширкатҳои Ҷумҳурии Тоҷикистон дар асоси қарордодҳои мустақим дар самти харидории гази моеъ бо онҳо ҳамкорӣ доранд ва омодаанд, ки дар ин бахш фаъолияти худро боз ҳам ривоҷ бахшанд.
Инчунин ҳайати Тоҷикистон бо Раиси идоракунии Ҷамъияти саҳомии «Узтрансгаз» Беҳзод Норматов ва дигар намояндагони ҷамъият мулоқот намуданд. Дар мулоқот атрофи масъалаҳои тақвияти корҳо ва афзоиши содироти гази табиӣ ба Ҷумҳурии Тоҷикистон сухан гуфта шуд.
Дар маҷмӯъ тарафҳо ҷиҳати тақвияти ҳамкории судманд дар самтҳои болозикр, афзоиш додани ҳаҷми интиқоли маҳсулоти нафтӣ, аз ҷумла сӯзишвории бензин, дизел, гази моеъ ва табиӣ ба мувофиқа расиданд.
АКС: Хадамоти зиддиинҳисорӣ
Султон Раҳимзода ҷониби Қазоқистонро барои иштирок дар Форуми байналмилалии сармоягузории «Душанбе-Инвест 2025» даъват намуд
Хадамоти гумруки Тоҷикистон: дар содироти молҳои ватанӣ вазни қиёсии асосиро сурма ва маҳсулоти он дар ҳаҷми 30,4 фоиз ташкил медиҳад
Ҳаҷми Маҷмуи маҳсулоти дохилии ноҳияи Ёвон ба беш аз 1,5 миллиард сомонӣ расид
Дар Остона ҷаласаи 19-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ доир шуд
НИШАСТИ МАТБУОТӢ. Нақшаи воридоти андозҳо ва дигар пардохтҳои ҳатмӣ ба андозаи 113,7 фоиз иҷро гардид
НИШАСТИ МАТБУОТӢ. Ҳаҷми умумии даромади буҷети давлатӣ 111,5 фоиз иҷро гардид
НИШАСТИ МАТБУОТӢ. Маҷмуи маҳсулоти минтақавии вилояти Хатлон ба 17,1 миллиард сомонӣ расид
Нақшаи ҷамъоварии пардохтҳои гумрукӣ дар Тоҷикистон дар сатҳи 112,2 фоиз таъмин гардид
НИШАСТИ МАТБУОТӢ. Дар шашмоҳаи якуми соли 2025 зиёда аз ҳазор ҳолати ҳуқуқвайронкунии маъмурии алоқаманд ба коррупсия ошкор карда шуд
Соҳибкорони бурунмарзӣ барои иштирок дар Форуми байналмилалии сармоягузории «Dushanbe Invest–2025» даъват шуданд
Байни Палатаи савдо ва саноати Тоҷикистон ва Ассотсиатсияи саноат ва тиҷорати Синҷон‑Уйғури Чин Ёддошти тафоҳуми ҳамкорӣ ба имзо расид
Масъалаи ифтитоҳи парвозҳои нав байни шаҳрҳои Тоҷикистон ва Туркия баррасӣ шуд
