ФУТБОЛ. «Хатлон» бори дуюм унвони чемпиони Тоҷикистон оид ба футбол миёни бонувонро ба даст овард
ДУШАНБЕ, 22.10.2021 /АМИТ «Ховар»/. Дастаи «Хатлон»-и шаҳри Бохтар маротибаи дуюм унвони чемпиони Тоҷикистон оид ба футбол миёни бонувонро ба даст овард, иттилоъ медиҳад шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон.
Мавсими чоруми Лигаи футболи бонувони Тоҷикистон ба анҷом расид. Ғолиби чемпионат дар даври охир муайян шуд. Бо натиҷагирӣ аз 18 даври бозиҳо ду даста – «Хатлон» ва «Зебонисо» 51-холӣ ба даст оварданд. Аммо аз ҳисоби бартарӣ дар вохӯриҳои инфиродӣ дастаи футболи «Хатлон»-и шаҳри Бохтар медалҳои тиллоро сазовор шуд.
Дастаи футболи «Хатлон»-и шаҳри Бохтар маротибаи дуюм унвони чемпиониро ба даст овард. Бори якум ин даста дар Лигаи футболи бонувони Тоҷикистон соли 2019 ба ин муваффақият соҳиб шуда буд.
Лайло Ҳалимова аз дастаи «Хатлон»-и шаҳри Бохтар бо 67 гол беҳтарин нишонзани чемпионат гардид. Адолатхон Раҳмонова («Хатлон») беҳтарин дарвозабон эътироф шуд. Ӯ дар 18 бозӣ ҳамагӣ 4 гол ба дарвозааш сар додааст. Ҷоизаи беҳтарин бозингар насиби Марҷона Саидова аз дастаи футболи «Зебонисо»-и шаҳри Душанбе гардид. Қурбонгул Қурбонова («Хатлон») беҳтарин мураббӣ дониста шуд.
| ҶОЙИ | ДАСТАҲО | Б | Ғ | М | Б | Т-Т | Х |
| 1 | «Хатлон» (Бохтар) | 18 | 17 | 0 | 1 | 156-4 | 51 |
| 2 | «Зебонисо»(Душанбе) | 18 | 17 | 0 | 1 | 157-10 | 51 |
| 3 | «Суғд» (Суғд) | 18 | 11 | 0 | 7 | 84-54 | 33 |
| 4 | «Бешкент» (Носири Хусрав) | 18 | 10 | 2 | 6 | 86-32 | 32 |
| 5 | «Равшан» (Кӯлоб) | 18 | 8 | 4 | 6 | 36-40 | 28 |
| 6 | «Конибодом» (Конибодом) | 18 | 8 | 1 | 9 | 66-50 | 25 |
| 7 | «Ҳосилот»(Фархор) | 18 | 6 | 2 | 10 | 33-60 | 20 |
| 8 | «Зебо» (Дӯстӣ) | 18 | 4 | 2 | 13 | 35-43 | 11 |
| 9 | «Нушофарин» (Бохтар) | 18 | 3 | 0 | 15 | 8-222 | 9 |
| 10 | «Чашма»(Шаҳритус) | 18 | 1 | 1 | 16 | 4-150 | 4 |
АКС аз Федератсияи футболи Тоҷикистон
ФУТБОЛ. Довари тоҷик Исмоил Нуралиев дар Ҷоми Осиё-2025 байни ҷавонон (U-20) кор мекунад
ФУТБОЛ. Дастаи мунтахаби Тоҷикистон бо тими миллии Беларус бозии дӯстона баргузор мекунад
ҶОМИ ОСИЁ-2025. Рақибони дастаи мунтахаби наврасони то 17-солаи Тоҷикистон муайян мегарданд
Эҳсони Панҷшанбе фаъолияти касбияшро дар Суперлигаи Узбекистон идома медиҳад
Федератсияи футболи Тоҷикистон кӯшиш дорад, ки дастаи мунтахаби «Помир»-и Бадахшон ба Лигаи дуюми футбол барояд
ҶОМИ ОСИЁ-2025. Дастаи мунтахаби наврасони то 17-солаи Тоҷикистон ба сабади дуюми қуръакашӣ дохил шуд
Рустами Эмомалӣ дубора Президенти Федератсияи футболи Тоҷикистон интихоб шуданд
Баргузории чорбинии муштараки Тоҷикистон ва Ню-Йорк ба муносибати Рӯзи ҷаҳонии футбол дар соли 2025 баррасӣ шуд
Ғолибони озмуни «Беҳтарин мухлиси соли 2024 дар Тоҷикистон» муайян шуданд
ЛИГАИ ОЛИИ ТОҶИКИСТОН. «Хуҷанд» баъди ғалаба бар дастаи КМВА-и Душанбе ба зинаи дуюми ҷадвали мусобиқот баромад
ҶОМИ ОСИЁ-2025. Дастаи мунтахаби ҷавонони Тоҷикистон (U-20) дар марҳилаи интихобӣ дастаи Малайзияро мағлуб намуд
«Истиқлол» дар даври дуюми Лигаи чемпионҳои Конфедератсияи футболи Осиё-2 бо «Сипоҳон»-и Эрон бозӣ мекунад
