Овозхони операи Русия дар Душанбе консерти калони яккахонӣ барпо мекунад

Октябрь 22, 2021 11:19

ДУШАНБЕ, 22.10.2021 /АМИТ «Ховар»/. Ҳунарманди маъруф, овозхони операи Русия, лауреати озмунҳои байналмилалӣ Маргарита Мартинова дар Душанбе консерти яккахонӣ  доир мекунад, хабар медиҳад Sputnik бо истинод ба дафтари матбуоти сафорати Русия дар Тоҷикистон.

 Ба барномаи консертӣ асарҳои машҳури санъати ҷаҳонӣ бо муаллифии Чайковский, Верди, Пуччини, Ардитти, Гуно ва репертуари классикони тоҷик — Шаҳидӣ, Дӯстмуҳаммадов шомиланд.

Консерт дар саҳнаи Театри давлатии академии опера ва балети Тоҷикистон ба номи С.Айнӣ баргузор мешавад.

Дар барнома ҳамчунин Ҳунарманди шоистаи Тоҷикистон Содиқ Нуруллоев, Ҳунарпешаи шоистаи Тоҷикистон Сайфулло Юсупов, устодони саҳна Қурбон Зокиров, Хуршед Охунов, гурӯҳи хорӣ таҳти роҳбарии Ҳунарпешаи шоистаи Тоҷикистон Елена Тиллоева ҳунарнамоӣ мекунанд.

Консерт 24 октябр, соати 17:00 баргузор мешавад. Билетҳоро аз кассаи театр ё сомонаи он харидан мумкин аст.

Қаблан АМИТ «Ховар» бо истинод ба Вазорати фарҳанги Ҷумҳурии Тоҷикистон хабар дода буд, ки ситораи балети ҷаҳон Фаррух Рӯзиматов аз Тоҷикистон боздид мекунад. Боздиди Ҳунарманди мардумии Русия ва Ҳунарпешаи шоистаи Тоҷикистон Ф.Рузиматов бо даъвати роҳбарияти Театри давлатии академии опера ва балети Тоҷикистон ба номи Садриддин Айнӣ моҳи декабри соли равон сурат мегирад.

4 декабр дар театр нахустнамоиши балети «Садди оташ» баргузор мешавад, ки оҳангсози он Қудратулло Яҳёев аст. Шоми эҷодии Фаррух Рӯзиматов низ дар назар аст.

                                                      АКС аз манбаъҳои боз

Октябрь 22, 2021 11:19

Хабарҳои дигари ин бахш

Дар Душанбе бо мақсади рушди ҳамкорӣ дар самти илмҳои яхшиносӣ вохӯрӣ баргузор гардид
Ба Маркази мероси хаттӣ беш аз 100 нусха китобҳои чопи сангӣ ва дастнависҳо тақдим гардид
«ШОҲНОМА». Фирдавсӣ дар сар то сари ин асари безавол дӯст доштани Ватанро таъкид мекунад
Беш аз 23 ҳазор нусха китобҳои Китобхонаи миллии Тоҷикистон ба шаҳру ноҳияҳои ҷумҳурӣ фиристода шуд
«ДӮСТИИ АБАДӢ». Таҳту чунин унвон барномаи фарҳангии Тоҷикистон ва Қирғизистон доир мегардад
Собиқ Вазири фарҳанги Ҷумҳурии Тоҷикистон Тамара Абдушукурова аз олам даргузашт
Ҷаласаи вазирони фарҳанги давлатҳои аъзои Созмони ҳамкории Шанхай доир гардид
Имсол дар Академияи миллии илмҳои Тоҷикистон 8 озмоишгоҳи замонавӣ ба истифода дода шуд
ҲАРГИЗ НАМИРАД ОН КИ ДИЛАШ ЗИНДА ШУД БА ИШҚ. Девони Ҳофиз дар Тоҷикистон беш аз сад маротиба ба нашр расидааст
КУЛОЛГАРӢ. Саразми бостон яке аз нахустин марказҳои кулолгарии Осиёи Марказӣ будааст
Барномаи консертии арбобони санъати Тоҷикистон ва Қирғизистон таҳти унвони «Дӯстии абадӣ» доир мегардад
«ҚАЛАМДОРӢ-МАСЪУЛИЯТИ ВАТАНДОРИСТ». Таҳти ин унвон маҳфили адабии нависанда Садриддин Ҳасанзода доир шуд