«Панҷшер» ва «Бешкент» ғолиби Чемпионати Тоҷикистон-2021 оид ба футбол миёни духтарон шуданд
ДУШАНБЕ, 07.10.2021 /АМИТ «Ховар»/. Дастаи футболи «Панҷшер»-и ноҳияи Ҷалолиддин Балхӣ миёни духтарони то 15-сола ва дастаи «Бешкент»-и ноҳияи Носири Хусрав миёни духтарони то 17-сола ғолиби Чемпионати Тоҷикистон-2021 шуданд, хабар медиҳад шореҳи варзиши АМИТ «Ховар» Меҳрони Қурбон бо истинод ба Федератсияи футболи Тоҷикистон.
Чемпионати футбол миёни духтарони то 15-сола имсол дар ду марҳила – муқаддамотӣ ва финалӣ баргузор шуд. Дар марҳилаи финалӣ шаш даста иштирок карданд. Бозиҳо тибқи системаи даврӣ дар як давр баргузор шуданд. Дастаи футболи духтаронаи «Панҷшер» аз ноҳияи Ҷалолиддин Балхӣ дар ҳамаи 5 бозӣ ғолиб омада, бо 15 хол ҷои аввалро ишғол кард. Медалҳои нуқра насиби дастаи футболи «Бешкент»-и ноҳияи Носири Хусрав (10 хол) ва медалҳои биринҷӣ насиби дастаи «Навбаҳор»-и ноҳияи Мастчоҳ (9 хол) гардиданд.
Аз миёни бозингарони дастаи футболи «Панҷшер»-и ноҳияи Ҷалолиддин Балхӣ Мафтуна Деҳқонова беҳтарин дарвозабон ва Дилдора Имомалиева беҳтарин бозингар дониста шуданд. Содиқҷон Исматов аз дастаи «Панҷшер» беҳтарин мураббӣ эълон шуд. Улҷамол Элмуродова аз дастаи «Бешкент»-и ноҳияи Носири Хусрав бо 41 гол беҳтарин нишонзан гардид.
| ҶОЙ | ДАСТАҲО | Б | Ғ | М | Б | Т-Т | Х |
| 1 | «Панҷшер» (Ҷалолиддин Балхӣ) | 5 | 5 | 0 | 0 | 11-1 | 15 |
| 2 | «Бешкент» (Носири Хусрав) | 5 | 3 | 1 | 1 | 15-3 | 10 |
| 3 | «Навбаҳор» (Мастчоҳ) | 5 | 3 | 0 | 2 | 12-6 | 9 |
| 4 | «Ҷавонӣ» (Ҷаббор Расулов) | 5 | 2 | 1 | 2 | 5-5 | 7 |
| 5 | «Зебо» (Дӯстӣ) | 5 | 1 | 0 | 4 | 2-5 | 3 |
| 6 | «Зебонисо»(Душанбе) | 5 | 0 | 0 | 5 | 0-25 | 0 |
Дар Чемпионати футбол миёни духтарони то 17-сола низ шаш даста ширкат намуданд — «Бешкент» (Носири Хусрав), «Панҷшер» (Ҷалолиддин Балхӣ), «Равшан» (Кӯлоб), «Хатлон» (Бохтар), «Ҷавонӣ» (Ҷаббор Расулов), «Навбаҳор» (Мастчоҳ). Дар асоси низомнома бозиҳо тибқи системаи даврӣ дар як давр баргузор шуданд. Бо натиҷагирӣ аз панҷ давр дастаи футболи «Бешкент»-и ноҳияи Носири Хусрав бо 12 хол ғолиб гардид. Ду даста – «Ҷавонӣ» (Ҷаббор Расулов) ва «Панҷшер» (Носири Хусрав) 9-холӣ ба даст оварданд, вале аз ҳисоби вохӯриҳои инфиродӣ дастаи “Ҷавонӣ»-и ноҳияи Ҷаббор Расулов ҷои дуюм ва дастаи «Панҷшер»-и Ҷалолиддин Балхӣ ҷои сеюмро сазовор гардиданд.
Нилуфар Қараева аз дастаи «Бешкент» беҳтарин дарвозабон, Рухшона Файзуллоева аз дастаи «Ҷавонӣ» беҳтарин бозингар, Зарина Имомназарова аз дастаи «Навбаҳор» бо 33 гол беҳтарин нишонзан ва Эркин Нормуродов аз дастаи «Бешкент» беҳтарин мураббӣ эълон гардиданд.
| ҶОЙ | ДАСТАҲО | Б | Ғ | М | Б | Т-Т | Х |
| 1 | «Бешкент» (Носири Хусрав) | 5 | 4 | 0 | 1 | 11-4 | 12 |
| 2 | «Ҷавонӣ» (Ҷаббор Расулов) | 5 | 3 | 0 | 2 | 7-8 | 9 |
| 3 | «Панҷшер» (Ҷалолиддин Балхӣ) | 5 | 3 | 0 | 2 | 12-9 | 9 |
| 4 | «Навбаҳор»(Мастчоҳ) | 5 | 2 | 1 | 2 | 14-9 | 7 |
| 5 | «Равшан» (Кӯлоб) | 5 | 1 | 1 | 3 | 5-10 | 4 |
| 6 | «Хатлон» (Бохтар) | 5 | 1 | 0 | 4 | 5-14 | 3 |
АКС аз Федератсияи футболи Тоҷикистон
Дастаи мунтахаби наврасони Тоҷикистон (U-17) барои машқҳои дастҷамъӣ ба Туркия рафт
Ҳамлагари дастаи мунтахаби Тоҷикистон фаъолияташро дар дастаи дигари Суперлигаи Узбекистон давом медиҳад
«ТАЪТИЛИ ЗИМИСТОНА-2025». Дар Душанбе мусобиқа ба поси хотири Фарҳод Ҷабборов ба охир расид
ФУТБОЛ. Довари тоҷик Исмоил Нуралиев дар Ҷоми Осиё-2025 байни ҷавонон (U-20) кор мекунад
Қуръапартоии марҳилаи муқаддамотии Ҷоми ФФТ-2025 дар минтақаи Душанбе баргузор гардид
ФУТБОЛ. Дастаи мунтахаби Тоҷикистон бо тими миллии Беларус бозии дӯстона баргузор мекунад
Дастаи футболбозони шаҳри Хоруғ соҳиби Ҷоми раиси вилоят гардид
Соли 2025 паҳлавонони тоҷик дар якчанд мусобиқаи байналмилалӣ оид ба гӯштини ҷудо иштирок мекунанд
Дастаи мунтахаби занонаи Тоҷикистон оид ба футзал дар чемпионати CAFA-2025 иштирок мекунад
ФУТБОЛ. Дастаи мунтахаби наврасони Тоҷикистон (U-17) дар Туркия ҷамъомади таълимӣ мегузаронад
Мавсими нави чемпионати Тоҷикистон оид ба футбол байни дастаҳои Лигаи олӣ 7 март оғоз меёбад
17 довар аз Тоҷикистон ба рӯйхати доварони Федератсияи байналмилалии футбол дар соли 2025 дохил гардид
