СИФАТИ БАЛАНДУ НАРХИ ДАСТРАС! Дар Душанбе Намоишгоҳи байналмилалии универсалӣ оғоз ёфт

Октябрь 13, 2021 13:46

ДУШАНБЕ, 13.10.2021 /АМИТ «Ховар»/. Намоиш-ярмаркаи байналмилалии «Тоҷикистон-2021. Тирамоҳ» дар Маҷмааи варзишии «Манеж»  оғоз гардид.

Тавре аз Палатаи савдо ва саноати Тоҷикистон ба мухбири АМИТ «Ховар» хабар доданд, махсусияти намоиш дар он зоҳир мешавад, ки дар ярмарка молу маҳсулоти ширкатҳои пешбар, ки маҳсулоташон ивазкунандаи моли воридотист, пешниҳод гардидаанд. Маҳсулот дар соҳаҳои зерин манзур карда мешаванд: саноат, сохтмон, сайёҳӣ.

Тавре ташкилкунандагони намоиш иброз доштанд, ҳадаф аз баргузории он ҷалби таваҷҷуҳи сокинони кишвар ба молу маҳсулоти ватанӣ, табодули таҷриба миёни соҳибкорон, инчунин ташкили ҳамкории судманд миёни соҳибкорони хориҷӣ ва ҷалби сармоягузорон мебошад.

Меҳмонони намоиш-ярмарка метавонанд маҳсулоти баландсифат, аз ҷумла мебел, маҳсулоти хӯрокворӣ, либос, матоъҳои абрешимӣ, адрас ва атласи истеҳсоли Узбекистон, маҳсулоти косибиро бо нархҳои дастрас харидорӣ намоянд.

Миёни иштирокчиёни намоишгоҳ ширкатҳо, ба монанди «Саноатсодиротбонк», «Спитамен Суғурта», «Тоҷфилиз», «Строй-сентр», «Файзи Расул», «Амирӣ», «Комбинати орди Душанбе», «Сиёма», «Исфарафуд», «САТН», «Ҷавонӣ» ва дигарон ширкат доранд.

Намоиш-ярмарка аз ҷониби Палатаи савдо ва саноати Ҷумҳурии Тоҷикистон бо дастгирии Ҳукумати Ҷумҳурии Тоҷикистон гузаронида мешавад.

Намоиш-ярмарка кори худро 15 октябр ба анҷом мерасонад.

Акс аз бойгонии АМИТ «Ховар»

Октябрь 13, 2021 13:46

Хабарҳои дигари ин бахш

Дар Суғд Форуми «Имконоти тиҷорату сармоягузорӣ ва дурнамои рушди минтақаҳо» доир гардид
Масъалаи афзун намудани маблағгузории Гурӯҳи БИР ба соҳаҳои афзалиятноки Тоҷикистон баррасӣ шуд
Дар Тоҷикистон намояндагии «Agricultural Bank of China» ба фаъолият оғоз мекунад
Аз Тоҷикистон дар нуҳ моҳи соли равон 149,4 ҳазор тонна маҳсулоти кишоварзӣ содирот гардидааст
Ли Сон Хо: Корея барои тақвияти ҳамкорӣ бо Тоҷикистон маблағгузориро зиёд менамояд
Дар Вазорати рушди иқтисод ва савдо рушди иқтисодию иҷтимоии Тоҷикистон натиҷагирӣ гардид
Маҳсулоти «Парки нассоҷии шаҳри Кӯлоб» ба Русия, Туркия ва Қазоқистон содирот карда мешавад
Раиси вилояти Суғд бо соҳибкорони Русия мулоқот намуд
Ҷамшед Ҷумъахонзода ва Аҳмет Керестечи масъалаи таъсиси корхона дар минтақаҳои озоди иқтисодии Тоҷикистонро баррасӣ намуданд
Бо иштироки муовини Сарвазири Тоҷикистон соҳаҳои иқтисодию иҷтимоии шаҳри Ҳисор натиҷагирӣ шуданд
Дар доираи Шӯрои миллии рушди назди Президенти Тоҷикистон ҷаласаи «Вусъатдиҳии шуғли пурмаҳсул» доир шуд
ЧАРО НАРХИ СӮЗИШВОРӢ ДАР ТОҶИКИСТОН БОЛО РАФТ? Хабарнигори АМИТ «Ховар» бо ин савол ба Хадамоти зиддиинҳисорӣ муроҷиат намуд