Академик Фарҳод Раҳимӣ дар Анҷумани III олимони ИДМ дар Минск доир ба дастовардҳои илми муосир сухан мекунад
ДУШАНБЕ, 20.11.2021 /АМИТ «Ховар»/. 25-26 ноябр дар Минск Форуми III олимони кишварҳои узви ИДМ баргузор мегардад. Дар ин бора зимни нишасти хабарӣ дар пойтахти Беларус муовини директори департаменти ҳамкории башардӯстона, мушкилоти умумии сиёсӣ ва иҷтимоии Кумитаи иҷроияи ИДМ Манучеҳр Ҳоҷизода хабар дод.
Ба зикри Манучеҳр Ҳоҷизода, Анҷумани олимон дар нақшаи чорабиниҳои афзалиятнок дар соҳаи ҳамкории башардӯстонаи кишварҳои узви ИДМ барои солҳои 2021-2022 пешбинӣ шудааст. Ин нақша дар ҷаласаи Шӯрои сарони ҳукуматҳои кишварҳои ИДМ моҳи ноябри соли гузашта ба тасвиб расида буд. Дар назар аст, ки дар Форум беш аз 150 нафар роҳбарон ва олимони варзидаи академияҳои илмҳо ва марказҳои бузурги илмию тадқиқотӣ, ташкилоти таълимии давлатҳои аъзои Иттиҳод, роҳбарият ва масъулини Кумитаи иҷроияи ИДМ иштирок намоянд.
Тавре ба АМИТ «Ховар» маълум шуд, ҳайати Ҷумҳурии Тоҷикистон иборат аз 11 нафар бо роҳбарии президенти Академияи илмҳои Тоҷикистон Фарҳод Раҳимӣ дар форум иштирок мекунанд. Фарҳод Раҳимӣ дар бораи дастовардҳои илми муосир сухан мекунад. Ба ҳайати намояндагони мамлакати мо ҳамчунин ректори Донишгоҳи техникии Тоҷикистон Қудрат Давлатзода, президенти Академияи илмҳои кишоварзӣ Нуралӣ Асозода, мудири шуъбаи робитаҳои байналмилалии Академияи миллии илм ва технология Маъмур Мирвайсов ва дигарон шомиланд. Дар доираи форум ҳамчунин баргузории ҷаласаи Шӯрои ҳамкорӣ дар соҳаи илмҳои бунёдии кишварҳои узви ИДМ ва Конгресси шӯроҳои илмии Ассотсиатсияи байналмилалии Академияҳои илмҳо дар назар аст.
АКС аз бойгонии АМИТ «Ховар»
Дар Рӯзи фарҳанги Вилояти Мухтори Кӯҳистони Бадахшон ба сокинони пойтахт ганҷинаи нотакрори ҳунар пешниҳод гардид
«CHAKAN HOUSE». Дар Донишгоҳи давлатии Данғара маркази дӯзандагӣ ифтитоҳ гардид
Имрӯз дар боғҳои шаҳри Душанбе рӯзҳои фарҳанги ВМКБ ва ноҳияи Файзобод баргузор мегарданд
Дар Душанбе рӯзи фарҳанги ноҳияҳои Ишкошим ва Мурғоб баргузор шуд
Имрӯз рӯзҳои фарҳанги шаҳри Хоруғ, ноҳияҳои Ишкошим, Мурғоб ва Роштқалъа баргузор мегарданд
БОЗЁФТИ НОДИР. Сиккаҳои замони Сомониён дар Хутали Қадим кашф гардиданд
Шоири халқии Тоҷикистон Ҳадиса Қурбонова аз олам даргузашт
«САМАРАИ ИСТИҚЛОЛ». Таҳти чунин унвон Иттифоқи журналистони Тоҷикистон озмун эълон менамояд
«ЯК МЕРОС, ДУ САРЗАМИН». Намоиши маҷозии муштараки Тоҷикистон ва Эрон баргузор мегардад
Дар Душанбе рӯзҳои фарҳанги ВМКБ, шаҳри Хоруғ, ноҳияҳои Ишкошим, Мурғоб, Роштқалъа ва Файзобод баргузор мегарданд
Раиси шаҳри Шероз ёдгории таърихию фарҳангии «Қалъаи Ҳисор»-ро тамошо намуд
Дар Душанбе Рӯзи фарҳанги ноҳияи Рӯшон баргузор гардид
