Алишер Мирзонабот: Ниёгони тоҷикон ҳанӯз аз давраҳои бостон оини парчамсозиву парчамдориро гиромӣ медоштанд

Ноябрь 24, 2021 15:14

ДУШАНБЕ, 24.11.2021 /АМИТ «Ховар»/. Тибқи маълумоти сарчашмаҳои таърихӣ, қавмҳои ориёӣ ҳанӯз аз давраҳои бостон оини парчамсозиву парчамдориро гиромӣ медоштанд. Ин нуктаро иҷрокунандаи вазифаи Раиси Вилояти Мухтори Кӯҳистони Бадахшон Алишер Мирзонабот имрӯз дар ҷаласаи тантанавӣ бахшида ба Рӯзи Парчами давлатии Ҷумҳурии Тоҷикистон иброз намуд.

Тавре аз мақомоти иҷроияи ҳокимияти давлатии ВМКБ ба АМИТ «Ховар» хабар доданд, имрӯз бо иштироки иҷрокунандаи вазифаи Раиси Вилояти Мухтори Кӯҳистони Бадахшон Алишер Мирзонабот бахшида ба Рӯзи Парчами давлатии Ҷумҳурии Тоҷикистон ҳамоиши тантанавӣ баргузор карда шуд. Мавсуф иброз дошт, ки «Парчами давлатии мо нишона аз таърихи чандинҳазорсолаи халқи тоҷик аст.

Тибқи маълумоти сарчашмаҳои таърихӣ, қавмҳои ориёӣ ҳанӯз аз давраҳои бостон оини парчамсозиву парчамдориро гиромӣ медоштанд. Гузаштагони мо дар парчам рангҳои сурх, зард, бунафш ва кабудро якҷо бо рамзҳои мухталифи оини ҷавонмардиву тавоноӣ истифода менамуданд. Ҳанӯз дар ливои Куруши Кабир тасвири уқоб, ки нишонаи қудрату тавоноист, нақш гардида буд​ ва он парчам рамзи як давлати неруманди замона ба ҳисоб мерафт».

«Ҳамчунин метавон аз парчами Коваи бузург ёдовар шуд, ки нишонаи равшани меросияти муборизаву ҷоннисориҳои ниёгони мо​ дар​ ​ роҳи​ ҳифзи​ ​ Ватану​ халқи худ мебошад. Рангу аломатҳои парчам ифодагари воқеияти роҳи таърихии халқи бостонии мост. Аз ин лиҳоз, итминони комил дорам, ки Парчами давлати соҳибистиқлоли Тоҷикистон ҳамчун таҷассуми умеду ормонҳои мо ҳамеша парафшон хоҳад буд ва зери сояи он​ мо дар роҳи ободии диёрамон ба дастовардҳои рӯзафзун​ ноил хоҳем гашт»,-гуфт А. Мирзонабот.

АКСҲО: МИҲД-и ВМКБ

Ноябрь 24, 2021 15:14

Хабарҳои дигари ин бахш

Дар Маркази бемориҳои дил ва ҷарроҳии дилу рагҳои Суғд бахши ташхис ва табобати рентген-эндоваскулярӣ фаъол гардид
Дар Душанбе дар доираи маъракаи ҷаҳонии «16 рӯзи амал зидди зӯроварӣ нисбат ба занон» барномаи «Нури рушноӣ» расман оғоз гардид
Дар Вазорати меҳнат масоили тайёр намудани муҳоҷирони меҳнатӣ пеш аз сафар ба Русия баррасӣ гардид
Барномаи рушди СММ: Бо талошҳои Ҳукумат вазъи COVID-19 дар Тоҷикистон муътадил аст
Дар Душанбе ҷараёни татбиқи «Стратегияи миллии фаъолгардонии нақши занон дар Тоҷикистон барои солҳои 2021-2030» баррасӣ шуд
Дар Душанбе бахшида ба Рӯзи байналмилалии мубориза бар зидди хушунат ҳамоиш доир мегардад
ПАРЧАМАТ БОДО ПАРАФШОН, ТОҶИКИСТОНИ АЗИЗ! Дар вазорату идораҳои Тоҷикистон Рӯзи Парчами давлатӣ бошукӯҳ таҷлил гардид
Парчами давлатӣ имкон дод, ки ба таърихи гузаштаамон бо чашми ибрат нигоҳ намоем,-бардошт аз ҳамоиши тантанавӣ дар Суғд
ПАРЧАМИ ДАВЛАТӢ — РАМЗИ НАНГУ НОМУС ВА ИҚБОЛИ БАЛАНДИ МИЛЛАТ. Таҳти чунин унвон дар Хатлон ҳамоиши тантанавӣ доир гардид
Арҷгузорӣ ба Парчам ва ба ҷо овардани эҳтироми он қарзи виҷдонии ҳар шаҳрванди Тоҷикистон аст
Вазорати тандурустӣ аз рӯзноманигорон даъват намуд, ки оид ба COVID-19 ва ваксинатсия маълумоти дуруст пешниҳод кунанд
Рамазон Раҳимзода: Парчам рамзи сулҳу субот ва сарҷамъии миллати тоҷик аст