Дар Донишгоҳи миллии Тоҷикистон нақши Иҷлосияи XVI Шӯрои Олиро дар ҳимояи манфиатҳои миллӣ баррасӣ карданд
ДУШАНБЕ, 16.11.2021. /АМИТ «Ховар»/. Натиҷаи интихоби Сарвари давлат дар Иҷлосияи XVI Шӯрои Олии Ҷумҳурии Тоҷикистон буд, ки ҳамаи рукнҳои ҳокимият дар асоси Конститутсия ба таври муназзам ва мунтазам ба фаъолият оғоз карда, дар соҳаҳои саноату кишоварзӣ, энергетика, тиҷорат, соҳибкорӣ, тандурустӣ, илму маориф, фарҳанг, боло бурдани мақоми занону ҷавонон давлати соҳибистиқлоламон ба дастовардҳои намоён ноил гардид. Бинобар ин нақши Иҷлосияи XVI Шӯрои Олӣ дар ҳофизаи таърихӣ абадан аз худ рақам мемонад. Ин нуктаро зимни суханронии худ Раиси Кумитаи иҷроияи Ҳаракати ваҳдати миллӣ ва эҳёи Тоҷикистон Рудобаи Мукаррам дар Конференсияи илмӣ-назариявӣ дар мавзӯи «Нақши Иҷлосияи XVI Шӯрои Олии Ҷумҳурии Тоҷикистон дар ҳимояи манфиатҳои миллӣ» тазаккур дод, хабар медиҳад АМИТ «Ховар».
Дар конференсия, ки дар Донишгоҳи миллии Тоҷикистон баргузор гардид, ҳамчунин муовини ректор Хайрулло Мирзамонзода маърӯза намуда, иштироккунандагонро бо рӯзи Иҷлосияи XVI Шӯрои Олӣ ва инчунин бо Рӯзи Президенти Ҷумҳурии Тоҷикистон шодбош гуфта, доир ба нақши Иҷлосия ва нақши Пешвои миллат муҳтарам Эмомалӣ Раҳмон дар ободию осоиштагии кишвар сухан гуфт.
Конференсия бо маърӯзаи Раиси Шӯрои куҳансолони Ҳаракати ваҳдати миллӣ ва эҳёи Тоҷикистон Ғайбулло Авзалов идома ёфт. Ӯ хотираҳои хешро ҳамчун иштирокчии ин Иҷлосияи тақдирсоз иброз дошта, диққати омӯзгорон ва донишҷӯёнро барои баланд бардоштани сатҳи худшиносиву худогоҳӣ, ифтихор аз давлату давлатдорӣ, арҷгузорӣ ба мероси ниёгон, ҳифзи асолат ва муқаддасоти миллӣ дар раванди ҷаҳонишавӣ ҷалб кард.
Дар идома Нависандаи халқии Тоҷикистон Меҳмон Бахтӣ ва ходими давлатӣ, доктори илмҳои фалсафа, профессор, академики Академияи миллии илмҳои Ҷумҳурии Тоҷикистон, узви Шӯрои куҳансолони Ҳаракати ваҳдати миллӣ ва эҳёи Тоҷикистон Кароматулло Олимов доир ба мавзӯи болозикр сухан гуфтанд.
Дар фарҷоми конференсия бахшида ба рӯзи Иҷлосияи XVI Шӯрои Олӣ ва Рӯзи Президент аз ҷониби ҳунармандони ансамбли «Наврӯз»-и Донишгоҳи миллии Тоҷикистон барномаи фарҳангӣ баргузор гардид.
АКСҲО: Кумитаи иҷроияи Ҳаракати ваҳдати миллӣ ва эҳёи Тоҷикистон
Имрӯз дар Душанбе ғолибони Фестивал-озмуни «Як матову сад ранг» муайян мегарданд
ЁДИ ШОИР. Дар Ҳисор ба ифтихори 115-солагии Шоири халқии Тоҷикистон Мирзо Турсунзода маҳфили адабӣ доир шуд
7 МАЙ — РӮЗИ ТЕЛЕВИЗИОН, РАДИО ВА КОРМАНДОНИ СОҲАИ АЛОҚА. Рушди соҳаи иттилоот ва алоқа дар Тоҷикистон ба рақамикунонии миллӣ равона гардидааст
Масъалаи баргузории Рӯзҳои фарҳанги Покистон дар Тоҷикистон баррасӣ карда шуд
Намояндаи САҲА оид ба озодии ВАО Ян Браату: Дастрасӣ ба иттилои расмӣ дар Ҷумҳурии Тоҷикистон дар сатҳи баланд аст
«ХУТТАЛИ ҚАДИМ…». Ба муносибати 35–солагии Истиқлоли давлатии Тоҷикистон маҷмуаи илмӣ аз чоп баромад
Дар ноҳияи Рӯдакӣ таҳти унвони «Тоҷикона мепӯшем!» ҳамоиши занону духтарон баргузор гардид
Дар Минск нахустин тарабхонаи тоҷикӣ бо номи «Умари Хайём» ифтитоҳ гардид
Роҳбарият ва кормандони Осорхонаи миллӣ дар Рим осорхонаҳои Капитолиниро тамошо намуданд
Китоби «Арзёбии метеорологию экологии ташаббусҳои ҷаҳонии Пешвои миллат дар соҳаи обу иқлим» ба нашр расид
«НАМУНАИ АДАБИЁТИ ТОҶИК». Устод Айнӣ дар ин асар ориёӣ будани халқи тоҷикро собит намудааст
ВАССОФИ ВАТАН. Бахшида ба 115-солагии Шоири халқии Тоҷикистон Мирзо Турсунзода маҳфили адабӣ баргузор мешавад
